2 कुरिंततोर 9:12 - माडिया गोंड पवित्र सास्त्रम

¹² बह इतेके, दान कोताङ अर्हतनद सेवा कीतेके, देवुळता मन्कलोरा गर्जते, ओरिह्‌क तोळ ईयनाह आस्ता. अचोने आयो मति, ओरिह्‌क तोळ ईतस्के, ओरा जीवाताहि देवुळतुह्‌क जोहरता पोल्‍लो पेससोरेन दास्ता.

2 कुरिंततोर 9:12 Referans Kwoze

पिलिपितोर 2:25

(तिमोति मियेके पया वायनोग़ निटमे, मति) इंजेके मावा तोळतोग़ विस्वसि मियग्डोग़ इपप्रुदितुन मियगा मल्हच लोहतलाह, विचर कीयलाह आतन. ओग़ बेसता कबुर वेहतलाह नावा संगे तोळ आंदोग़, ओसो अद कबुरतेनाह्‌क नावा संगे लळेम आयवाल वने आंदोग़. नावा साय्ता कीयलाह, मीट ओन लोहच मतिर.

1 योहन 3:17

बोर विस्वसिरगा तम्क पिसलाह, बेचोनो मालसोम मन्ह्‌ता, मति मालसोमलेवोर विस्वसिर पका तिपल आस्तोर. लेवोरा तिपलतुन ऊळिसि, मता मन्कलोरा जीवा उचुन वने नोयो इतेके, अद्रमतोर मन्कलोर मयगा देवुळता गूनम मन्ह्‌ता इन्जि, बेद्रम इनदा पग़यनुर?

2 कुरिंततोर 8:4

देवुळता मन्कलोरिन साय्ता कीयनद सेवातगा, माक वने कलियलाह ईम्ह्‌ट, देय्वा ईम्ह्‌टु इनजोर, ओर माक पकाय अर्जि कीतोर.

2 कुरिंततोर 9:1

देवुळता मन्कलोरिह्‌क कोताङ अर्हचि, सेवा कीयनद पोल्‍लोतुन, मीक रासना नाक गर्ज इले.

2 कुरिंततोर 1:11

मीट वने मावा तोळ आसि, मयेनाह्‌क पार्तना कीय्ह्‌निर. बह इतेके मावासाटि वेल्‍लाटोर मन्कलोर पार्तना कीयनदिन केंजिस, देवुळि तना देय्वाते माक पिसिह कीता. तानासाटि वेल्‍लाटोर मन्कलोर मयेनाह देवुळतुन जोहर कीयिर.

2 कुरिंततोर 1:5

माट किर्स्तुनेनाह्‌क बेचोन एक्‍वा तिपल आय्ह्‌नोम, अचोन एक्‍वा किर्स्तुना मेटे, देवुळि मावा जीवातुन सितुर कीस्ता. अदिनेनाह्‌क माट दुस्रोर मन्कलोरा जीवातुन सितुर कीया पग़यह्‌नोम.