2 कुरिंततोर 7:15 - माडिया गोंड पवित्र सास्त्रम

¹⁵ ओग़ मियगा वास मतोग़ अस्के, मीक काग़्हतोग़ अद पोल्‍लोतुन मीट सबेटोरिर केंजतिर. केंजिसि तान मानेम आतिर, ओसो रेयसोर, ओना पोल्‍लोतुह्‌क वरेम आसोर, ओन बेस-नेह्‌ना ऊळतिर इनजोर, ओग़ सीता कीस्तोग़. कीसि मीक ओसोय जीवा कीस्तोग़.

2 कुरिंततोर 7:15 Referans Kwoze

पिलिपितोर 2:12

अदिनेनाह्‌क गोततोरिर, मीक वेहतलाह आतन: नना मियगा मतन अस्के, बेद्रम मीट नना काग़्हतव पोल्‍लोन केंजिस ताकतिर, अद्रमलेह्‌का इंजेक वने नना मियग्डाहि जेक मनदह्‌पा, इंका पका जिदते मीट अव पोल्‍लोन केंजिसि ताकाटु. बेद पिसमुळता अग़दे देवुळि मीक ताकिह कीयलाह आता, अदे अग़दे मीट तान रेयिसि, उड्ला बुदते ताकसोर मन्ह्‌टु.

2 कुरिंततोर 2:9

मुनेता सीटटे, मीट ओन सिक्सा ईयना इन्जि, वेहच मतन. नना वेहतनव सबे पोल्‍लोन, मीट केंजिह्‌निरा, केंजविरा इनजोर ऊळलाह वने, नना सीटि लोहच मतन.

1 योहन 3:17

बोर विस्वसिरगा तम्क पिसलाह, बेचोनो मालसोम मन्ह्‌ता, मति मालसोमलेवोर विस्वसिर पका तिपल आस्तोर. लेवोरा तिपलतुन ऊळिसि, मता मन्कलोरा जीवा उचुन वने नोयो इतेके, अद्रमतोर मन्कलोर मयगा देवुळता गूनम मन्ह्‌ता इन्जि, बेद्रम इनदा पग़यनुर?

2 तिसलुनितोर 3:14

इद सीटटे माट रासतद पोल्‍लोतुन बोग़ाय केंजवेके, ओन ऊळिस मन्ह्‌टु, ओन्क लजा वानाह ओना संगे कलियमाट.

कुलुसितोर 3:12

देवुळि मीक आचता, आचिसि तना मन्कलोर इनजोर अलग कीता, अहे मीक जीवा कीता. अदिनेनाह्‌क पूना गेंदे उहतप लेह्‌का, (मीवा पूना पिसमुळतुन पोय्म्ह्‌टु; इतेके) दुस्रोरिन जीवा लोपाटु, दुस्रोरिन गूनम तोहाटु, उड्ला बुदते ताकाटु, कुलुल बुदते मन्ह्‌टु, बेदाय पोल्‍लोतुह्‌क चट्‌ने ओङ आयमाटु.

पिलिपितोर 1:8

येसु किर्स्तु मीक जीवा कीतपे, नना वने मीक जीवा कीय्ह्‌नन, देवुळिये इद पोल्‍लोता साक्सि मन्ह्‌ता. अदिह्‌क मीक ऊळलाह पका नावा जीवा पर्ह्‌किह्‌ता.

2 कुरिंततोर 6:12

माट मीक जेक तासोम, मीक बारा मावा एरे वाया वसो.

बळयिर 16:29

इतस्के दरोगाल चिमलिङ तता वेहचि, लोप्पा अतोग़. अन्जि पका रेयतुह्‌क साङसोरेन पोलुना, सीलासना मुनेह अर्सि, काल्क मोळ्कतोग़.

इपिसुसतोर 6:5

ओर्युलतोरिर! इद बूमतगा मीवाङ माल्कालोर मनवालोरा पोल्‍लोते, वरेम आसि ताकाट. मीट किर्स्तुना पोल्‍लोतुन केंजिस मतप लेह्‌कान, ओरिह्‌क रेयिस मन्जि, बेरोर इनजोर मान ईसि, आपुना जीवाताहि ओरा पोल्‍लोतुन केंजिस ताकाटु.

योहन 16:21

रिकम आयनद आंचाळि गट्ने एवतस्के, तान्क पकाय नोयना तेदिह्‌ता. मति रिकम आतस्के, पूना मन्कल दुनियाते पुट वातोग़ इनजोरे, गिर्दा आस्ता. गिर्दा आसि ताना मुनेता तिपलतुन माग़्ङिह्‌ता.

1 कुरिंततोर 2:3

ओसो मुने मीवा सहरते वातस्के, बेस पोकुर कीयलाह पग़वा मतन; इगा किर्स्तुना सेवा बेद्रम कीकन इन्जि, रेयते साङसोर मतन.