2 कुरिंततोर 6:3 - माडिया गोंड पवित्र सास्त्रम

³ मावा सेवातुन बोरे पास्कनद आयो इन्जि, बेदे पोल्‍लोते, दुस्रोरिह्‌क एग़्कुळ आयमाकि इनजोर पिसिह्‌नोम.

2 कुरिंततोर 6:3 Referans Kwoze

रोम सहरतोर 14:13

अदिनेनाह्‌क मीवा ऐंगेटोग़ विस्वसिनगा कसुर ओपमाटु. मति ऐंगेटोर विस्वसिरिन विस्वसताहि लेसिह कीसि, पापमते अर्हतना लेह्‌का, बाताले कीयनद आयो इनजोर सीता कीम्ह्‌टु.

1 कुरिंततोर 9:12

किर्स्तुनाङ दुस्रोर सेवकिर मीवाङ कोतान तिनदलाह, मावा अदिकर मन्ह्‌ता इन्ह्‌तोर. ओर अद्रम आस्तोर इतेक, ओरिह्‌काय वीळिसि माक पकाय अदिकर मन्ह्‌ता. तेला मति मीवाङ कोताना अग़ ऊळिस मनोम. किर्स्तुना बेसता कबुरतुन नमलाह एग़्कुळ आयनदायो इनजोर, माट सबे तिपल्किन आपिसि, केमेन मह्‌नोम.

मत्याल 17:27

अद्रमे माट देवुळता मन्कलोरल इनजोरे, माक वने ताना मंदिरता सारा दल्गो. तेला मति ओर कोंटे कीयना आयो इन्जि, माट ओरिह्‌क ईकले. निमा सम्दुरकचुल अन्जि मीन्क कूसा. बेद मीन मुने दोर्कग़ा, अद मीनता तोडटुनु पळ्ह्‌किस ऊळा, अगा नीकु नीवा-नावा सारातुह्‌क आलनाहि, उंदि कल्दर बंडि दोर्कग़ा. अदिन ओसि दोह्‌चीम,” इतोग़. (पया पत्रु अहे कीतोग़.)

1 कुरिंततोर 9:22

पोहचीतप मनवालोर मन्कलोरिन किर्स्तुनगा ततलाहि, नना ओरा लेह्‌कान आतन. बह आयि, उच्वुर तेला पिसिर इन्जि, बोर बह मन्ह्‌तोर, अहलेह्‌काने नना वन आतन.

2 कुरिंततोर 8:20

माट वेल्‍लाङे दान कोतान ओप्पे कीयलाह आतोम, इद कबळते माक बोग़े कसुर ओपना आयो इन्जि, उसरते मह्‌नोम.

2 कुरिंततोर 1:12

दुनियाते माट बाताल बाताल कीतोम, देवुळ ईतद सेतेम बुदते, नाळेह केवद बुदते कीतोम इन्जि, मावा जीवा वेहतह्‌ता, कासा इतेके मीवा संगे ताकिह्‌पा. इदिना लोप्पा माट पोग़यिह्‌नोम. मति अमेसा माट देवुळता देय्वाते कीतोम, मन्कना बुदते आयो.

मत्याल 18:6

उड्लोर पेकोरा लेह्‌का नाक नमवालोरग्डाहि बोनाय वग़ोनु, ओना नयगा मतद विस्वसतुन विळ्सलाहि, बोग़ कटळ वाटटप आस्तोग़, (वेग़ कटळ वाटवाल देवुळता बेरा सिक्सातुह्‌कु ओजनोग़). वेना वेळेटगा पका पूहतद जेता बंडातुन दोहचि, वेन सम्दुरते वेल्‍लाह आता कसातगा मुळ्हतना, (इद बेरा सिक्सा आंदु; मति) तान्काय वीळिस बेरा सिक्सा, देवुळि अद्रम कटळ वाटवाह्‌क ईयग़ा.

बळयिर 19:27

मति इंजेक वेग़ मावा दंदातुन बंद कीयनोग़. ओसो इद इचोन बेरा अरतिमिस पेनता मंदिरतुन बोरे सीता केवोर आयनुर इन्जि, रेय मन्ह्‌ता. इंजेके आसिया पटटोर ओसो दुनियातोर लोकुर तान मोळ्किह्‌तोर, मति पया तान्क अचोन मान एवोर आयनुर,” इतोग़.