2 कुरिंततोर 6:14 - माडिया गोंड पवित्र सास्त्रम

¹⁴ विस्वस केवोरा संगे, उंदिय जुवाते जोळ आस मनमाट. बेसता पोल्‍लो लाग्वा पोल्‍लोता संगे, जोळेम आया पग़यह्‌ताया? वेह्‌च ओसो ईकळ गोत आया पग़यह्‌ताङा?

2 कुरिंततोर 6:14 Referans Kwoze

1 कुरिंततोर 15:33

अद्रम इनवालोरिन मीक नाळेह कीयलाह एमाटु. लाग्वोरा संगे गोत आतेके, देवुळतुह्‌क विचर वानाह, ओर मीक पिसलाह एवोर.

1 कुरिंततोर 10:21

सामिना कुळ्पतस्के वने, तिनदना-उनडनगा कलियना, ओसो देयह्‌कनेनाह्‌क मोळ्कतस्के वने, तिनदना-उनडनगा कलियना, अद्रम मनदनद मीक पोलो.

याकुब 4:4

एय देवुळतुन जीवा केवोरिर, दुनियातुन जीवा कीयना इतेके, देवुळता संगे विरुद आयना लेह्‌का आस्ता. बोग़ मन्कल दुनियातुन जीवा कीयलाह ऊळिह्‌तोग़, ओग़ मन्कल देवुळता विरुदतोग़ आस्तोग़, मीक इद पोल्‍लो एर्का इलेया?

1 कुरिंततोर 5:9

साट्याल मन्कलोरा संगे कलियमाट इनजोर, नना मुनेन सीटटे रासिस मतन.

पिलिपितोर 2:15

अस्के मीट कसुरलेवोरिर, लाग्वदिन पुनवोरिर, देवुळताङ पेकोरिर दिसकिर. तेल्वेरा ओसो करब बुदतोर मन्कलोरा नडुम मन्जि, पोग़ोटाङ उकाना लेह्‌का, ईकळते मांजवालोरिर दिसकिर.

योहन 7:7

दुनियातोर मीक इतेक कोंटे कीया पग़वोर. मति ओराङ कबस्क लाग्वाङ मन्ह्‌ताङ इनजोर इह्‌नन, अदिनेनाह्‌क नाकु ओर कोंटे कीस्तोर.

1 कुरिंततोर 7:39

अद्रमे ओसो आंचाळि तना मुजो जीवात मनाह्‌जोम, ओना संगेन मनदना. ओकावेला ओग़ डोलतोग़ इतेके, तना विचरते बोन्काय दाया पग़यह्‌ता, मति विस्वस केवाल मन्कह्‌के.

बळयिर 4:23

पया पंचताहि पत्रु, योहन पेसिसि, ओर तमा तोळतोरगा अतोर. अस्के पेर्मालोर ओसो दुस्रोर पेदल्क बाताङ बाताङ इतोर, अव सबे पोल्‍लोङ विस्वसिरिह्‌क वेहतोर.

1 कुरिंततोर 6:6

ओर्वोग़ विस्वसि तना ऐंगेटोग़ विस्वसिन पंचतगा ओस्तोग़; अचोने आयो, पंच उदवालोर वने विस्वसलेवोरे! इद नेका ओप्पो!