2 कुरिंततोर 5:15 - माडिया गोंड पवित्र सास्त्रम

¹⁵ बेद्रम इतेके, पूना पिसमुळ दोर्किह कीतोर मन्कलोर, इंजेटाहि तमेनाह्‌क पिसमाकिर. मति किर्स्तु डोलिसि ओसोवने जीवा अरतोग़, ओनेनाह्‌क पिसिर इनजोर, ओग़ सबेटोरेनाह्‌क डोलिस मतोग़.

2 कुरिंततोर 5:15 Referans Kwoze

कुलुसितोर 3:1

नना मुने रासतपु, मीट विस्वसिरिर देवुळताहि पूना पिसमुळ दोर्किह कीसि, किर्स्तुना संगे जीवा अरतप लेह्‌का आतिर. इंजेके ओग़ पोग़ोन देवुळदीपते देवुळता तिनळ बाजे उदिस मन्ह्‌तोग़. अदिह्‌क मीट देवुळदीपताङ पोल्‍लोनगाने, सीता कीसोर मन्ह्‌टु.

कुलुसितोर 3:17

बाताल कीतेकाय, बाताल वळ्ह्‌कतेकाय, सबे येसुसामिना पेदिरतुन मान ईसि कीम्ह्‌टु. ओना मेटे माक देवुळबाबाना दया दोर्कता इन्जि, देवुळतुन जोहर कीसोर मन्ह्‌टु.

1 योहन 4:9

तना मग़ना मेटे, माक पिसमुळ दोर्कि इनजोरे, देवुळि तना वग़ोग़े मग़िन इद दुनियाते लोहच मता. इद्रम कीसि, नना लोकुरिन जीवा कीय्ह्‌नन इनजोर तोहता.

तीतुस 2:14

मुने माट देवुळता अडोतुन पास्कनव कबस्क कीसोर मतल. मति अव कबस्कनाहि, किर्स्तु माक विळ्सिह कीतोग़. अह कीसि, माक तना मन्कलोर कीयलाह, एडिह कीतोग़. कीसि माक बेसताङ कबस्कने गिर्दा आयवालोर कीयलाहि, किर्स्तु मावासाटि तनाय विचरते, तना जीवा ईतोग़.

गलातितोर 5:25

इद्रमलेह्‌का देवुळता पवित्र जीवाते माट पिसिह्‌नल, अहे अद जीवा माक ताकिह कीतपु, माट ताना पेग़्के ताकिङ वने.

रोम सहरतोर 12:1

मावोर विस्वसिरिर! मीक इंजेक एवनाह वेहतव, देवुळता दयाताङ पोल्‍लोन सीता कीसीसि, मीट बाताल कीयना इनजोर, मीक अर्जि कीय्ह्‌नन: नावा मनमुळ इंजेके नयेनाह्‌क इले मति, देवुळतेनाह्‌के मन्ह्‌ता इन्जि, मीवाङ मेंदुस्किन देवुळता सेवातेनाह्‌कु ताना कयदे विळ्सिसीम्ह्‌टु. इद्रमताये मोकि देवुळतुह्‌क विचर वास्ता, इदिने देवुळतुन निटम माळना इनजोर इनदना.

1 पत्रु 4:6

इदिनेनाह्‌कु येसुना बेसता कबुरि हातोरिह्‌क वने, (वेर हायनामुनेन) वेहतद मता. वेर हातोरिह्‌क, सबेटोर पापि मन्कलोरा लेह्‌का, तमाङ मेंदुस्कने हामुरता सिक्सा कोनि दोर्कताये. तेला मति अद बेसता कबुरतुन नमताह्‌कु, वेराङ जीवाङ देवुळलेह्‌का अमेसा पिससोर मनदा पग़यनुङ. अदिह्‌क ओरिह्‌क बेसता कबुर वेहतद मता.

1 तिसलुनितोर 5:10

मावा येसुसामि ओसो वायह्‌पा, माट जीवात मतेकाय, डोलिस मतेकाय, माट ओना संगे पिसना इनजोर, ओग़ मयेनाह्‌क डोलिस मतोग़.

रोम सहरतोर 6:6

मयगा मनदनद पापमता अदिकर बूळेम आयना इनजोरे, मावा पाळ्ना बुदि किर्स्तुना संगे हव्कनागुटातगा डोलता इनजोर पुतल. अह आसि, माट इंजेके मुनेता लेह्‌का, पापमता कय इळ्न मनवल.

लूकाल 1:74

इतेके ‘मीट जीवात मनाह बेदे रेयलेवा नाक माळना इन्जि, मीट नावा सेतेमता, पवित्र अग़दे ताकना इन्जि नना मीवा कोटुलतोरा कयदाहि मीक विळ्सिह कीकन.’

तोहचीतव पोल्‍लोङ 1:18

ओसो जीवात मनवानन. नना डोलिस मतन, मति ऊळा! इंजेके अमेसा-अमेसातुह्‌क जीवात मह्‌नन. हानादीपताङ तालम कय्कु नयगाने मन्ह्‌ताङ, (ताना अग़दुन तेग़यिसि,) हातोरिन तेग़्किह कीयनद अदिकर नयगान मन्ह्‌ता.

2 कुरिंततोर 5:16

अदिनेनाह्‌क इंजेटाहि मुनेह, बोने माट मन्कना विचर मतपु, ऊळनद आयो. इद्रम मुने माट किर्स्तुन वने, मन्कना विचर मतपु ऊळिस मतोम. मति इंजेके ओन माट अद्रम ऊळोम.

1 कुरिंततोर 10:33

नना वने ओर पिसिर इनजोरे, नावाय पाय्दातुन ऊळवा, सबे पोल्‍लोने वेल्‍लाटोर मन्कलोरा पाय्दातुन ऊळिह्‌नन. अहे सबेटोर मन्कलोरिह्‌क बेस गिर्दा वानाह पिसिह्‌नन.

कुलुसितोर 3:23

मियेनाह्‌क पोग़ोन तासतद तूसतुन इनम इनजोर, देवुळि मीक ईयग़ा, इदिन पुतिरे. अदिनेनाह्‌क मीट बेदाय कबळ कीतेके, मन्कलोरेनाह्‌क आयो मति सामिनेनाह्‌क कीतल इनजोर, अद कबळतुन पूरा जीवाताह कीम्ह्‌टु. मीट सामि किर्स्तुनाये ओर्युलतोरिर आंदिर, इदिन पुन्ह्‌टु.

कुलुसितोर 2:12

मीट येसुना पेदिरते एतगा मुळ्न्दिस तेदतस्के, मीवा पापम बुदतुन, किर्स्तुना संगे गुमयाते मिसतप लेह्‌का आता. देवुळि बेद बेरा लावते ओन डोलतोरग्डाहि जीवा अर्हता, अदे लावता पोग़ोन मीट विस्वस कीतिर. कीताह्‌कु (अद मीक पूना पिसमुळ ईता. पूना पिसमुळ दोर्कताह्‌के,) मीट वने किर्स्तुना संगे जीवा अरतप लेह्‌का आतिर.

रोम सहरतोर 8:6

मन्कना बुदि मीवाङ विचर्किन ताकिह कीतेके, मीक देवुळ ईयनद पिसमुळ दोर्को आयग़ा. मति देवुळता जीवा मीवाङ विचर्किन ताकिह कीतेक बार, मीट देवुळता संगे पिसकिर, ओसो सुकमते मनदकिर.

योहन 6:57

नाक लोहतोग़ जीवात मनवाल बाबाल, ओनाय मेटे नना वने जीवात मह्‌नन. अहलेह्‌का बोर नावा मेंदुदुन तिनदनुर, ओर वने नावा मेटे जीवात मनदनुर.

इपिसुसतोर 4:17

अदिनेनाह्‌क नना सामिना अदिकरते मीक इद्रम वेहतलाह आतन: देवुळतुन पुनवोर ताकनद अग़दे ताकमाटु. ओर बेव विचर्कने ताकिह्‌तोर, अव सबे उगसताङ आंदुङ.

2 कुरिंततोर 3:6

देवुळि इंजेके मन्कलोरा संगे पूना करल कीता. अद करलतुन पोकुर कीयनद सेवा कीयलाह, माक ओप्पे कीता. अद पूना करल मोसाल रासतव अडोना इसबते आयो, मति देवुळता जीवाता इसबते आंदु.(बोग़े रासतव अडोन पूरा नोम पग़वोग़,) अदिह्‌क अवु माक हामुरतेके ओसीस्ताङ. देवुळता जीवा बार, माक अमेसाता पिसमुळतके ओसीस्ता.

इपिसुसतोर 5:14

बेव कबस्कनगा वेह्‌च दींचिह्‌ता, अव वने दींचिह्‌ताङ. अदिनेनाह्‌क इद्रम वेहतद मन्ह्‌ता: “ए पापमते उंजवानिन! तेदा! देवुळतग्डाहि एग़िसि, डोलतप लेह्‌का मनवानिन. इंजेके जीवा अर्मु! किर्स्तु तना वेह्‌चतुन नीवा पोग़ोन अर्हतनोग़” इनजोर वेहतद मन्ह्‌ता.

रोम सहरतोर 8:10

किर्स्तु मीवाङ जीवानगा मतेक अचोन, मीवाङ मेंदुस्क पापमतुह्‌क डोलतेक तेला, देवुळि मीक सेतेमतोर कीताह्‌कु, ताना जीवा मीक अमेसाता पिसमुळ ईस्ता.

योहन 5:24

इह केंजाट, नना सेतेम वेहतह्‌नन, इद दुनियाते सबेटोर (तमा पापमते) डोलतप लेह्‌का मन्ह्‌तोर. मति बोर नावाङ पोल्‍लोङ केंजिसि, नाक लोहतोना पोग़ोन बर्वस तासिह्‌तोर, ओरिह्‌क अमेसाता पिसमुळ दोर्कताये. देवुळ ओरिन तमा पापमता सिक्सा एवो; मति ओरिन अमेसाता पिसमुळतगा एव्सिह कीसीता.

रोम सहरतोर 6:2

मति नना वेहेनन, अद्रम मुर्तिय विचर कीयना आयो! माट सबेटोरल येसु किर्स्तुना संगे जोळेम आतल इनजोर तोहतलाह, ओना पेदिरते एतगा मुळ्न्दिस तेदतल. अस्केने माट ओना संगे डोलतप लेह्‌का आतल. अहे ओना संगे गुमयातगा मिसतप लेह्‌का आतल. इद पोल्‍लोतुन माग़्ङतिरा? ओसो देवुळबाबाल तना बेरा डीसाते, किर्स्तुन हामुरतग्डाहि जीवा अर्हतप लेह्‌का, माट वने इंजेके पूना पिसमुळते ताक पग़यह्‌नल. अदिनेनाह्‌क पापम कीयनदिना लोप्पा ऊळतेके, माट इंजेके डोलतप लेह्‌का मह्‌नल. इतेके पापम बेद्रम कीसोरेन मनदकल?

2 कुरिंततोर 12:10

नाक लाव लेवस्केन, नना किर्स्तुना लावते मेग़्किह्‌नन. अदिनेनाह्‌क नना लाव लेवस्के गोसा आयह्‌पा, मन्कलोर नाक लजा कीयह्‌पा, नाक नल्हतना-कोह्‌कना कीयह्‌पा, तिपल आयह्‌पा, इव सबे पोल्‍लोङ किर्स्तुनेनाह्‌क आयह्‌पा, नना बेस गिर्दा आय्ह्‌नन.