2 कुरिंततोर 4:18 - माडिया गोंड पवित्र सास्त्रम

¹⁸ बाराह्‌क इतेके, माटु दिसनव पोल्‍लोना पोग़ोन आयो, मति दिसवव पोल्‍लोना पोग़ोन कोंडा कीतल. दिसनव पोल्‍लोङ गळ्के मन्ह्‌ताङ, दिसवव पोल्‍लोङ बारा अमेसातेनाह्‌क मन्ह्‌ताङ.

2 कुरिंततोर 4:18 Referans Kwoze

2 कुरिंततोर 5:7

(बह इतेके ऊळनव पोल्‍लोना इसबते माट पिसवल, मति विस्वस कीयनव ऊळवव पोल्‍लोनाये इसबते पिसिह्‌नल.)

इब्रितोर 11:1

विस्वस इतेके बाताल? विस्वस इतेके, माट आसा कीयनव पोल्‍लोङ निटम आयनुङे इनजोर, उंदिय विचरते मनदना; ओसो माट ऊळवव पोल्‍लोङ निटम मन्ह्‌ताङे इनजोर, नमसोर मनदना.

1 योहन 2:25

येसु माक अमेसाता पिसमुळ ईकन इनजोर, पोल्‍लो विळ्सतोग़.

इब्रितोर 11:13

इद्रम देवुळतुन विस्वस कीतोर मन्कलोर सबेटोर, अद पोल्‍लो विळ्सिस मतदिन दोर्किह कीयनाह, जीवात मनोर; मति देवुळतुन विस्वस कीसोरेन डोलतोर. देवुळि पोल्‍लो विळ्सिस मतदिन, सिरप जेकताहि ऊळतप लेह्‌का ऊळिसि, बेस गिर्दा आतोर. अद्रम कीस, इद बूमतगा माटु पर्गेरोम, केर्देरोम इन्ज मतोर.

मत्याल 25:46

“ओर इतेके अमेसाता सिक्सा आयलाह दायनुर, सेतेमतोरिह्‌क बारा अमेसा पिसलाह दोर्कग़ा,” इन्जि, येसु तनाङ कग़यवालोरिन इतोग़.

2 तिसलुनितोर 2:16

माक जीवा कीतोग़ु, माक दया कीसि, बेस्केन मायवद दीरा, अहे बेसतल आसा ईतोग़ु, मावा देवुळबाबाल ओसो मावा येसुसामि किर्स्तु;

इब्रितोर 9:11

मति इंजेके बह आता? पूना करलताङ बेसताङ पोल्‍लोन पोसि,किर्स्तु मावा पेर्माल आस वातोग़. मन्कलोरा कयदे तयर आतद, इद बूमतगा मनदनद रावुळते ओळियोग़; मति पोग़ोन मनदनद रावुळते ओळियतोग़. अद पोग़ोटा रावुळिये निटमता आंदु, बूमता रावुळतुह्‌काय ओसोय बेसतलि.