2 कुरिंततोर 4:14 - माडिया गोंड पवित्र सास्त्रम

¹⁴ येसुसामि डोलतस्के, देवुळि ओन ओसोवने जीवा अर्हता इनजोर, माट पुह्‌नल. माट येसुना संगे जोळेम आताह्‌कु, माक वने जीवा अर्हतग़ा, ओसो मीवा संगे माक वने तना मुनेह निल्पिह कीयग़ा इनजोर पुतोम.(पुन्जि माकु वळ्ह्‌कलाह दीरा दोर्किह्‌ता.)

2 कुरिंततोर 4:14 Referans Kwoze

1 तिसलुनितोर 4:14

डोलतोर विस्वसिरा बह आस्ता इतेके, येसु डोलिसि जीवा अरतोग़, ओसो मल्स वायनोग़ इन्जि, माट विस्वस कीय्ह्‌नल. अद्रमे डोलतोर विस्वसिरिन, देवुळि मेंदुल अग़्के जीवा अर्हचि, ओरिन येसुना संगे देवुळदीपते ततग़ा.

रोम सहरतोर 8:11

बेद देवुळि येसुन हामुरतग्डाहि तेग़्किह कीता, अदे देवुळता जीवा, मीवा जीवातगा जागा आता. अदे जीवाता लावते, मीट डोलतापया वने, देवुळि येसु किर्स्तुन कीतप लेह्‌का, मीवाङ मेंदुस्किह्‌क वने उंद दिया जीवा ईयग़ा.

यहुदाल 1:24

मीट पापमते अरवालेवा, मीक राका कीयलाहि देवुळि पग़यह्‌ता. मीक बेदे कसुरलेवा, पका गिर्दा आनाह कीसि, तना मिळ्स्कनद डीसाता मुनेह, निल्पिह कीया पग़यह्‌ता.

1 कुरिंततोर 6:14

देवुळि (मेंदुलतुन मायिह कीयग़ा इनजोर इनमाटु; अदु) येसुसामिना मेंदुलतुन, तना लावते जीवा अर्हचीता; अद्रमे मावाङ मेंदुस्किन वने जीवा अर्हचीयग़ा.

इपिसुसतोर 5:27

मुर्तिय कसुरलेवा, बाताले कमिलेवा, बाताले डागिललेवा, पूरा पवित्रता सोबा अग़्के तनगा ततलाहि, तना जीवा ईतोग़.

2 कुरिंततोर 11:2

(ओर्वोग़ मन्कल तना मयान मुदा कर्सा कीयना लेह्‌कान,) इंजेके मीट किर्स्तुनाये मुडोरिर इनजोर, ओना संगे नना मीवा मुदा कर्सा कीसीतप लेह्‌का आतन. अदिनेनाह्‌क मीट ओना तपलेवद मर्मपिलातिन मनदना इनजोर, देवुळि उसरते मतप लेह्‌का, नना अचोने उसरते मह्‌नन.

कुलुसितोर 1:28

ओग़े किर्स्तुन माट सबे जातिनोरिह्‌क, पोकुर कीयलाह आतोम. किर्स्तुना संगे तुंडिस मनवालोर सबेटोरिन किर्स्तुनगा बेस विस्वसते मेग़्किह कीसि, देवुळता मुनेह निल्पिह कीयना इनजोर, माटु देवुळ ईतद बुदते सबेटोरिन काग़्हतह्‌नोम, सुद्रे कीय्ह्‌नोम.

कुलुसितोर 1:22

अद्रम मन्जाय मति, ताना मग़ि मन्कना मेंदुल अग़्के, बूमतगा वास मियेनाह्‌क डोलताह्‌कु, देवुळि मीक तना संगे कलियिह कीता. मीट ताना मुनेह नितस्के पवित्र मनदना, बाताले डागिललेवा मनदना, बाताले कसुरलेवा मनदना इनजोर, तना संगे कलियिह कीता.

बळयिर 2:24

मति हामुर ओन मुर्तिय पोस तास पग़वो, अदिह्‌क हामुरता तिपलताहि, देवुळि ओन पिसिह कीसि, जीवा अर्हचीता.

लूकाल 21:36

अदिनेनाह्‌क उसरते मन्जि, इव पूरा आयनव पीळाङ-दोकानाहि पिसकोम इन्जि, अमेसा दीरा पोसि पार्तना कीसोर मन्ह्‌टु. अह कीतेके नना माने-मन्कना नडुम पुटटोनन वायकन अस्के, मीट नावा मुनेह बेदे रेयलेवा नितकिर,” इनजोर येसु वेहतोग़.

बळयिर 2:32

“वेग़े येसुन देवुळि जीवा अर्हचीता इनजोर, माट सबेटोर विस्वसिरोम इद पोल्‍लोता साक्सि मह्‌नोम.

याकुब 5:15

ओरु विस्वसते कीतद पार्तनाते, बेमरतोग़ बेस आयनोग़. सामि ओन बेमरतग्डाहि तेहतग़ा. ओसो ओग़ पापम कीस मतेक तेला, ओना पापमतुन मापि कीयग़ा.