2 कुरिंततोर 4:13 - माडिया गोंड पवित्र सास्त्रम

¹³ देवुळता सास्त्रमतगा बोग़ो ओर्वोग़, “नना देवुळतुन विस्वस कीतन, अदिनेनाह्‌क वळ्ह्‌कतन” इनजोर रासतोग़. अदे बुदते माट वने देवुळता पोल्‍लोतुन विस्वस कीसि, अद पोल्‍लोतुन मन्कलोरिन पोकुर कीयलाह आतोम.

2 कुरिंततोर 4:13 Referans Kwoze

2 कुरिंततोर 3:12

अदिनेनाह्‌क माट इद्रमता आसा तासताह्‌के, पका दीराते पोकुर कीय्ह्‌नोम.

1 कुरिंततोर 12:9

अदे जीवा ओर्विह्‌क बेराङ-बेराङ पोल्‍लोनेनाह्‌क देवुळतगा विस्वस कीयनद बुदि ईस्ता, अदे जीवा दुस्रोन्क बारा दुकतुन सव्रे कीसीयनद बुदि ईस्ता.

रोम सहरतोर 1:12

इतेके नना मीवा संगे मनदकन अस्के, मीवा विस्वसतुन ऊळिस, नना गिर्दा आयकन. अहे नावा विस्वसतुन ऊळिस मीट वने गिर्दा आयकिर. (इद्रम माट ऐंगेने गिर्दा आयकल.)

2 पत्रु 1:1

नना सिमोन पत्रुनन, येसु किर्स्तुना सेवकनन, ओना बळयिनन, मीट विस्वसिरिह्‌क इद सीटि रासलाह आतन. माक पिसिह केवाल मावा देवुळि येसु किर्स्तु, बोनाये मोकम ऊळवा, मावा संगे सेतेमते ताकिह्‌तोग़. अदिह्‌क ओनग्डाहि, माट बळयिरिह्‌क दोर्कतद विस्वसता बराबरेन, मीक वने दोर्कता.

बळयिर 15:11

बेद्रमलेह्‌का येसुसामि यहुदि आयवोरिह्‌क ईतद दयातेनाह्‌के, ओर ओन नमिस पिसिह्‌तोर, अद्रमलेह्‌काने माट यहुदिरल वने पिसिह्‌नल; (मति अडोङ नोमताह्‌कु पिसवल,)” इनजोर इतोग़.

2 कुरिंततोर 4:12

इद्रम मीक बेसता कबुरतुन पोकुर कीयनाह्‌कु, माक हामुरता दोका मन्ह्‌ता. मति अद कबुर मियगा एवताह्‌कु, मीक देवुळ ईयनद पिसमुळ मन्ह्‌ता.