2 कुरिंततोर 2:9 - माडिया गोंड पवित्र सास्त्रम

⁹ मुनेता सीटटे, मीट ओन सिक्सा ईयना इन्जि, वेहच मतन. नना वेहतनव सबे पोल्‍लोन, मीट केंजिह्‌निरा, केंजविरा इनजोर ऊळलाह वने, नना सीटि लोहच मतन.

2 कुरिंततोर 2:9 Referans Kwoze

2 कुरिंततोर 10:6

मीट किर्स्तुना उकुमता लेह्‌कान, पूरा ताकलाह आयकिर अस्के, माट अद्रम ताकोम इनवालोर सबेटोरिन, सिक्सा ईयलाह माट तयर मह्‌नोम.

पिलेमोन 1:21

नावा पोल्‍लोतुन केंजिह्‌निन इनजोर, बर्वस कीस रासलाह आतन. नना वेहता पोल्‍लोतुह्‌काय, एक्‍वा वने कीकिन इनजोर पुतन.

पिलिपितोर 2:22

मति तिमोति अद्रमतोग़ आयोग़. ओग़ सेतेम बुदतोग़ आंदोग़, इदिन मीट इतेके पुतिरे. मग़ि तपेना सेवा कीतप लेह्‌का, किर्स्तुना बेसता कबुरतुन पोकुर कीयलाह, नावा संगे कबळ कीतोग़.

2 तिसलुनितोर 3:14

इद सीटटे माट रासतद पोल्‍लोतुन बोग़ाय केंजवेके, ओन ऊळिस मन्ह्‌टु, ओन्क लजा वानाह ओना संगे कलियमाट.

पिलिपितोर 2:12

अदिनेनाह्‌क गोततोरिर, मीक वेहतलाह आतन: नना मियगा मतन अस्के, बेद्रम मीट नना काग़्हतव पोल्‍लोन केंजिस ताकतिर, अद्रमलेह्‌का इंजेक वने नना मियग्डाहि जेक मनदह्‌पा, इंका पका जिदते मीट अव पोल्‍लोन केंजिसि ताकाटु. बेद पिसमुळता अग़दे देवुळि मीक ताकिह कीयलाह आता, अदे अग़दे मीट तान रेयिसि, उड्ला बुदते ताकसोर मन्ह्‌टु.

2 कुरिंततोर 8:24

अदिह्‌क मीट ओरिन जीवा कीतिर इनजोर तोहचीम्ह्‌ट. इदिन ऊळिसि, माट बाराह्‌कु मीवा लोप्पा पोग़यिह्‌नोम इन्जि, सबेटोर विस्वसिरा मुडोर पुनदनुर.

2 कुरिंततोर 2:3

मीट नाक गिर्दा आनाह कीतेके, मीट वने गिर्दा आयकिर इनजोर, मीट सबेटोरा पोग़ोन नावा बर्वस मन्ह्‌ता. मति नना वातस्के, नाक गिर्दा आनाह कीयना वाटो, नाक दुकम आनाह कीकिर बहे इनजोर रेयतन. अदिनेनाह्‌क चट्पिट मियगा वावा मुने, उंद सीटि लोहच मतन.

2 कुरिंततोर 2:4

अद सीटि रासिह्‌पा, नावा जीवा चुहेम आयो मति वेल्‍लाय दुकमते, कनिर्क पोहच-पोहच रासतन. मति मीक नारज कीयलाह तान लोहोन, मीक पकाय जीवा कीतन इनजोर, मीट पुनदना इन्जि, लोहतन.

2 कुरिंततोर 2:8

अदिनेनाह्‌क ओन निटम जीवा कीतिर इनजोर तोहचीम्ह्‌ट.

2 कुरिंततोर 8:2

अद इद्रमि: ओर पकाय तिपलते मतोर. ओसो पकाय गरिब आस मतोर, तेला मति ओर पका गिर्दा आस मताह्‌कु, दुस्रोर गरिब विस्वसिरेनाह्‌क, मुर्तिय चिव्टम आयवा, कोताङ ईतोर.