2 कुरिंततोर 2:15 - माडिया गोंड पवित्र सास्त्रम

¹⁵ (इतेके गम-गम एग़्स्कनद गबता लेह्‌कान आतोम.) किर्स्तु माक देवुळतेनाह्‌क, दूपम उंडिह कीयना लेह्‌कान आतोम. गबु पूरा गमरेम आयना लेह्‌कान, देवुळतुन विस्वस कीसि पिसवालोर वने, विस्वस केवा तानग्डाह जेक आयवालोर वने, माट वेहतस्के, किर्स्तुना पोल्‍लोतुन केंजिह्‌तोर.

2 कुरिंततोर 2:15 Referans Kwoze

इपिसुसतोर 5:2

किर्स्तु माक जीवा कीसि, मयेनाह्‌क डोलिस मन्जि, तना मेंदुलतुन गम-गम एग़्स्कतद, देवुळतुह्‌क विचर वायनद मोक ईतोग़. बेद्रम किर्स्तु माक जीवा कीतोग़, अद्रम मीट वने ओर्विह्‌क-ओर्वोग़ जीवा कीसोर मन्ह्‌टु.

1 कुरिंततोर 1:18

मन्कलोरिन पिसिह कीयलाहि, किर्स्तु हव्कनागुटातगा डोलतद पोल्‍लोतुन, अद तेल्वलेवद पोल्‍लो इनजोर, विस्वसलेवोर बूळेम आयवालोर इन्ह्‌तोर. देवुळि पिसिह कीतोरल माट बारा, अद पोल्‍लोतगा देवुळता पिसिह कीयनद लाव मन्ह्‌ता इनजोर इह्‌नल.

पिलिपितोर 4:18

इपप्रुदितुना कयदे मीट लोहतिर, अव नाक दोर्कताह्‌कु, इंजेके नयगा सबे मन्ह्‌ता, आलिसि पिसनाह वने मन्ह्‌ता. मीट ईतद दान, देवुळतुह्‌क विचर वायनद, बेस गम-गम एग़्स्कतद मोकलेह्‌का आता.

2 तिसलुनितोर 2:10

सबे रीतिनाङ लाग्वाङ कबस्क तोहतनोग़; ओनाङ कबस्कु, बूळेम आयनद अग़दे अनवालोरिन नाळेह कीयनुङ. ओरु येसु किर्स्तुना पिसिह कीयनद सेतेम पोल्‍लोतुन केंजोर.