2 कुरिंततोर 2:14 - माडिया गोंड पवित्र सास्त्रम

¹⁴ देवुळतुह्‌क जोहर आयि! अद माट सेवकिरिन, तना गेल्समुळते किर्स्तुना संगे पोत्ला आयलाह, कलियिह कीता. ओसो बेद्रम अतर्नेयदा गब, बेके अतेकाय गम-गम एग़्स्किह्‌ता, अद्रम माट बेके अतेकाय, देवुळि मावा पोल्‍लोतुन केंजवालोर मन्कलोरगा किर्स्तुन पुनाह कीस्ता.

2 कुरिंततोर 2:14 Referans Kwoze

रोम सहरतोर 8:37

इव तिपल्क माक वातेक तेला, माक जीवा कीतोग़ु किर्स्तु मावा तोळ मनाह्‌कु, माक आरे कीया पग़वोङ, माटे पूरा गेल्सिह्‌नल.

इपिसुसतोर 5:2

किर्स्तु माक जीवा कीसि, मयेनाह्‌क डोलिस मन्जि, तना मेंदुलतुन गम-गम एग़्स्कतद, देवुळतुह्‌क विचर वायनद मोक ईतोग़. बेद्रम किर्स्तु माक जीवा कीतोग़, अद्रम मीट वने ओर्विह्‌क-ओर्वोग़ जीवा कीसोर मन्ह्‌टु.

रोम सहरतोर 6:17

मुने मीट पापमता कय इळ्न मतिर, मति इंजेके मीक काग़्हतव देवुळताङ पोल्‍लोन केंजिसि, अव पोल्‍लोङ वेहतप, मीट मीवा जीवाताहि ताकिह्‌निर. ओसो देवुळि मीक पापमता कयदाहि विळ्सिह कीता. इंजेके मीट देवुळता कय इळ्न मन्जि, सेतेमते ताकलाह आतिर, देवुळतुह्‌क जोहर आयि!

2 कुरिंततोर 9:15

देवुळ माक ईतद देय्वा बेचोन बेरा मन्ह्‌ता, अद वेहता वावो! तान्क जोहर आयि.

कुलुसितोर 2:15

इंजेके इद्रम आता इतेके, अदिकरते ताकिह कीयनव देयह्‌कना लावतुन, देवुळि अविस्कनग्डाहि किर्स्तुना हव्कनागुटाता मेटे, पूरा तेंडिस पोहता. पोहचि अव देयह्‌क पूरा आरेम आताङ इन्जि, अविस्किन सबेटोर ऊळनाह, दोहच तिर्हतप लेह्‌का कीता.

तोहचीतव पोल्‍लोङ 7:12

“आमेन! मावा देवुळिये सबेट्क बेरा, डीसा तानाये, बुदि तानाये, तान जोहर कीकल, तान मान ईकल, अदिकर तानाये, लाव तानाये, आमेन!” इनजोर इताङ.

कुलुसितोर 1:23

मति मीट मेलियवालेवा, मेग़्किसि विस्वस कीसोर मनदना गावले, ओसो बेसतल कबुरतुन केंजताह्‌कु, मीवा जीवातगा पुटटद आसातुन, विळ्सवालेवा मनदना गावले. मीट केंजतद बेसतल कबुर पूरा बूमतगा पोकुर आयलाह आता. नाक वने, अदे सेवा कीयलाहि देवुळि निल्पिह कीता.

कुलुसितोर 1:6

अद बेसता कबुरतुन, इपपरास इनवाल मियगा एव्सिह कीसीतोग़. ओग़ सामिना सेवाते मावा ऐंगेटोग़ ओसो बेस गोततोग़ आंदोग़, अहे बर्वसलायकतोग़ आंदोग़. (माट मीवा सहरतगा एवया पग़वोम,) मति मावा जागाते ओग़ मीक सेतेम बुदते किर्स्तुना कबुरतुन काग़्हचि, मीवा सेवा कीतोग़. देवुळता जीवा मियगा जागा आताह्‌कु, मीट ताना मन्कलोरिन जीवा कीय्ह्‌निर इनजोर, ओग़े माक वेहतोग़. मीट ओनग्डाहि बेसता कबुरतुन केंजतिर, ओसो देवुळता दयाता पोल्‍लो सेतेम मन्ह्‌ता इनजोर पुतिर. पुतस्के, अद कबुरता पोल्‍लो मीवा जीवातुन बद्ले कीयलाह आता. अद्रमलेह्‌काने अद कबुर बूममेंड आबुर आसि, वेल्‍लाटोर आस्क-कोय्तोरा जीवातुन बद्ले कीयलाह आता.

पिलिपितोर 4:18

इपप्रुदितुना कयदे मीट लोहतिर, अव नाक दोर्कताह्‌कु, इंजेके नयगा सबे मन्ह्‌ता, आलिसि पिसनाह वने मन्ह्‌ता. मीट ईतद दान, देवुळतुह्‌क विचर वायनद, बेस गम-गम एग़्स्कतद मोकलेह्‌का आता.

इपिसुसतोर 5:20

ओसो मावा येसुसामि किर्स्तुना पेदिरते, सबे पोल्‍लोनेनाह्‌क, देवुळबाबान अमेसा जोहर कीसोर मन्ह्‌टु.

2 कुरिंततोर 8:16

माट मियेनाह्‌क बेचोन आलिह कीय्ह्‌नोम, अचोन तीतुस वने आलिह कीस्तोग़. अद आल्सुळतुन ओना जीवातगा वाटटद देवुळतुन जोहर कीय्ह्‌नोम.

2 कुरिंततोर 1:11

मीट वने मावा तोळ आसि, मयेनाह्‌क पार्तना कीय्ह्‌निर. बह इतेके मावासाटि वेल्‍लाटोर मन्कलोर पार्तना कीयनदिन केंजिस, देवुळि तना देय्वाते माक पिसिह कीता. तानासाटि वेल्‍लाटोर मन्कलोर मयेनाह देवुळतुन जोहर कीयिर.

1 तिसलुनितोर 3:9

मीवा लोप्पा देवुळता मुनेह बेस-नेह्‌ना गिर्दा आतोम, अद माक बेस-नेह्‌ना गिर्दा आनाह कीताह्‌कु, माट तान बेचोन जोहर कीतेके वने आलो!

1 कुरिंततोर 15:37

निमा गोह्‌काय, इलवेके बेव दुस्राङ विजाङ वीततस्के, मोदुदुन वीतविन, वेट पेनेह्‌किने वीतिह्‌निन.

योहन 16:33

नाक नमिसि मीट सुकमते मनदना इन्जि, इव गोटिङ मीक वेहतन. दुनियातोर मीक तिपल कीयनुर निटमे, मति दीरा पोय्म्ह्‌टु, नना दुनियातुन गेल्सतन,” इन्जि येसु इतोग़.

रोम सहरतोर 1:8

नना इद वेहतलाह आतन: मीट येसुन विस्वस कीतद पोल्‍लोतुन, पूरा दुनियामेटोर लोकुर केंजतोर. अदिह्‌क मीट येसु किर्स्तुना लोकुर आतिर इनजोरे, मावा देवुळतुन जोहर कीय्ह्‌नन.

1 कुरिंततोर 12:8

अद बेद्रम बुद ईस्ता इनजोर वेहतह्‌नन: देवुळता जीवा ओर्विह्‌क बुदताङ पोल्‍लोङ वळ्ह्‌कनद बुदि ईस्ता, अदे जीवा दुस्रोन्क, पुनवव पोल्‍लोन पुन्ज वेहतनद बुदि ईस्ता.

1 कुरिंततोर 15:57

मति मावा येसुसामि किर्स्तुना मेटे देवुळि, माक पापमतुन ओसो हामुरतुन गेल्सनाह कीस्ता. अदिनेनाह्‌क तान्क जोहर!

1 तिसलुनितोर 1:8

बह इतेके, सामिना पोल्‍लो मियग्डाहिये, ईनाह-आनाह मन्कलोरगा पोकुर आसोर एवता. ओसो मीट देवुळतुन बेद्रम विस्वस कीतिर, अद पोल्‍लो वने पोकुर आता. सिरप मकिदुनिया पटटे ओसो अकाया पटटेन आयो, मति सबे जागाने पोकुर आता. अदिनेनाह्‌क इंजेके, मीवा विस्वसता लोप्पा माक बाताले वेहतलाह गर्ज इले.

1 तिमोति 2:8

पया बेगा बेगा मावोर विस्वसिर मोळ्कलाह कलियिह्‌तोर, मोळ्कनस्के कोय्तोर ओङ आयवा, वह्‌चळ आयवा, सेतेमता जीवाते, कय्किन तेहचि, देवुळतुन पार्तना कीयना इन्जि, नावा विचर मन्ह्‌ता.

2 तिमोति 2:2

नना काग़्हतव पोल्‍लोन, वेल्‍लाटोर मन्कलोरा मुनेह निमा केंजतिन. अव पोल्‍लोन काळ्ङलाहि, दुस्रोरिन काग़्हतना लायकतोर सेतेमतोरिह्‌क वेहा.