2 कुरिंततोर 13:14 - माडिया गोंड पवित्र सास्त्रम

¹⁴ मीक सबेटोरिह्‌क येसुसामि किर्स्तु देय्वा ईयेग़, देवुळि जीवा कीसोर मनि. ताना पवित्र जीवा मियगा कलियसोर मनि.

2 कुरिंततोर 13:14 Referans Kwoze

इपिसुसतोर 2:22

किर्स्तुना संगे मीट जोळेम आताह्‌कु, ओग़ मीक वने दुस्रोर विस्वसिरा संगे, जोळे कीसोर दायलाह आतोग़. ओसो मीट देवुळता जीवा मनदनद जागा आयलाहि, मीक विस्वसि मुडुन पंडसोर दायलाह आतोग़.

रोम सहरतोर 5:5

मावा इद आसातुन, देवुळि बेस्केन देहो आयग़ा इनजोर, माट पुह्‌नल. बाराह्‌क इतेके, मावा जीवातगा निंदिस बल्क अरनाह, देवुळि तना जीवातुन वळता, वळसि अद माक बेचोन जीवा कीस्ता, इदिन तोहता.

1 कुरिंततोर 16:23

येसुसामि मीक देय्वा ईयेग़.

रोम सहरतोर 16:20

दीरा पोस मन्ह्‌टु, माक सुकम ईयनद देवुळि, चट्पिटे देयह्‌कना मुक्याना लावतुन बूळे कीस, तान मीवा काल इळ्न वाटग़ा. मावा येसुसामि किर्स्तुना देय्वा मियगा मनि,आमेन.

यहुदाल 1:21

मावा येसुसामि किर्स्तु माक तना दया तोहचि, अमेसाता पिसमुळ ईयनद दियातेनाह्‌क केपाटु; अद्रम केपसोर, देवुळता गूनमते निच मन्ह्‌टु.

पिलिपितोर 2:1

मीट इंजेके किर्स्तुना संगे जोळेम आताह्‌कु, मीक दीरा वास्ता. देवुळि मीक जीवा कीसि, मीवा जीवातुह्‌क सितुर ईयलाह आता. ओसो मीक तना जीवा ईसि, मियगा जागा आता. अह कीसि मीकु तना दया कीयनद, जीवा वाटनद बुदि ईता. इव सबे पोल्‍लोङ निटम आताह्‌कु, मीवाङ विचर्क अमेसा ओर्विह्‌क-ओर्वोना संगे कलियिस मनिङ. देवुळि मीक जीवा कीतपु, मीट वने ओर्विह्‌क-ओर्वोग़ जीवा कीम्ह्‌टु. मीट सबेटोरिर उंदिय एकाते मन्जि, देवुळता अग़दे ऐंगेन ताकाटु. अह ताकतिर इतेके, नावा गिर्दा पूरा आयग़ा.

गलातितोर 5:22

देवुळता जीवा बारा, मावा जीवातगा मोन्ह्‌टटेके, मयगा इद्रमता पंटा पुटिह्‌ता: माट दुस्रोरिन जीवा कीय्ह्‌नल, माट गिर्दाते मह्‌नल, सुकमते मह्‌नल, बेदाय पोल्‍लोतुह्‌क चट्‌ने ओङ आयवा मह्‌नल, दुस्रोरिन जीवा वाटिह्‌नल, माट चिव्टमलेवा मह्‌नल, माट पोल्‍लो विळ्सतपे कीय्ह्‌नल, कुलुल बुदते ताकिह्‌नल, कुदतुन आव्रे कीय्ह्‌नल. इद्रम ताकतेके, माक यहुदिराङ अडोङ अडम आयोङ.

2 कुरिंततोर 8:9

मावा येसुसामि किर्स्तु माक बेचोन गूनम तोहतोग़ इनजोर पुतिरे. इतेके ओग़ कतमतविना माल्काल मन्जि, ओनगा सबे मताङ; मति मीक देवुळता बेरा बर्कत दोर्कना इन्जि, मियेनाह्‌क मन्कल आस गरिब आतोग़, इदिन सीता कीम्ह्‌टु.

रोम सहरतोर 8:9

मीवा जीवातगा मात्रम, देवुळता जीवा जागा आताह्‌कु, मीट मन्कना बुद मतप लेह्‌का पिसविर, मति पवित्र जीवा वेहतप लेह्‌का पिसिह्‌निर. (बोरगा किर्स्तुना जीवा इले, ओर ओना मन्कलोर आयोर, इदिन सीता कीम्ह्‌टु.)

योहन 7:38

सास्त्रमते रासतपु, बोर नाक नमनुर, ओरग्डाहि जीवात मनदनद एताङ बेरेह्‌क पोङनुङ,” इनजोर इतोग़.

योहन 4:14

मति नना ईयनद एतुन बोर उनडनुर, ओरिह्‌क पया मुर्तिय एग़ उनडा वसो आयग़ा. नना ईयनद एग़ मात्रम, ओरा लोप्पा अमेसा पिसलाह ईयनदु, ऊता एग़लेह्‌का पोङग़ा,” इनजोर इतोग़.

1 योहन 1:3

देवुळबाबाना मग़ि येसु किर्स्तुन माट ऊळतोम, ओनाङ केंजतोम. मीट वने मावा संगे कलियिस मनदना इन्जि, ओना कबुरतुन मीक वेहतह्‌नोम. माट सबेटोरल ऐंगेन कलियिस मतल इतेके, देवुळबाबाल ओसो येसु किर्स्तु, वेरा संगे कलियिस मतप आस्ता.

1 कुरिंततोर 3:16

मीट विस्वसिरा मुडगा देवुळता जीवा जागा आस्ता इतेके, मीट देवुळता मंदिर आंदिर. इद पोल्‍लोतुन पुनविरा?

इपिसुसतोर 6:23

मावोर विस्वसिरिर, मीक सबेटोरिह्‌क सुकम दोर्कि! देवुळबाबाल ओसो येसुसामि किर्स्तु मीक ओर्विह्‌क-ओर्वोग़ जीवा कीयनाह, किर्स्तुनगा विस्वस ताससोरेन मनदनाह कीयिर.

रोम सहरतोर 16:23

गयुसना लोतगा माट इर्वोम आस मह्‌नोम, ओनाय लोते इद कुरिंत सहरता विस्वसिरा पूरा मुलु जमा आस्तोर. ओग़ वने मीक जय येसु इन्ह्‌तोग़. मावा तोळतोर विस्वसिर कवारतुस, ओसो इद सहरताङ कोतान ऊळेवाळे केवाल इरास्तुस, वेर वने मीक जय येसु इन्ह्‌तोर.

योहन 4:10

येसु तान इतोग़, “देवुळ बेद देय्वा नीक ईकन इन्ह्‌ता, ओसो उनडलाह ईम इनजोर नीक ताल्ह्‌कवाल बोग़ु, इदिन निमा पुतेके, नाक निमा अद देय्वातुन ताल्ह्‌केनिन. अस्के नना नीक जीवात मनदनद एग़ एवेनन.”

1 योहन 3:24

ओसो बोग़ देवुळता उकुमतुन केंजिस ताकिह्‌तोग़, ओग़ ताना संगे जोळेम आस मन्ह्‌तोग़, अहे अद वने ओना जीवातगा जागा आस्ता. इद्रमलेह्‌का देवुळि मावा जीवातगा जागा आस्ता इनजोर, माक ईतद ताना पवित्र जीवाते, माट पुनदा पग़यह्‌नल.

1 योहन 3:16

येसुसामि मयेनाह्‌क तना जीवा ईतोग़. अस्केडाहिये जीवा कीयनद पोल्‍लोतुन माट पुतल. अदिनेनाह्‌क माट वने मावा ऐंगेटोर विस्वसिरासाटि गर्ज अरतेके, जीवा वने ईयलाह तयर मनदना गावले.

इपिसुसतोर 5:9

अह ताकतेके मीट बेसताङ केवालोरिर, कर्तुळते मनवालोरिर, सेतेमते पिसवालोरिर आयकिर.

इपिसुसतोर 2:18

बह इतेके, इंजेके देवुळतग्डा जीवा, यहुदिरगा ओसो यहुदि आयवोरगा वने मन्ह्‌ता. अदिनेनाह्‌क इंजेके माट रेंड आस तुंगाना मन्कलोरल, किर्स्तुना मेटे देवुळबाबानगा दाया पग़यह्‌नल.

1 कुरिंततोर 14:16

अद्रम केवालेवा, नावा जीवाते मोळ्किह्‌नन इनजोर, निमा तेळियवद बासाते देवुळतुन जोहर कीय्ह्‌निन. इतेके अगा उदतोग़ नीवा पोल्‍लोतुन पुनवोग़ मन्कल, नीवा संगे बह जोहर कीयनोग़? बह इतेके निमा बेद बासाते वळ्ह्‌कतिन, अदिन ओग़ पुनोग़ कोनि.

1 कुरिंततोर 12:13

अद इद्रमि: माट यहुदिर आयि, यहुदि आयवोर आयि, ओर्युलतोर आयि, ओर्युल आयवोर आयि, माट सबेटोराङ जीवानगा, देवुळ उंदिय जीवातुन वळता. विस्वसि मन्कल बेस्के येसुना पेदिरते एग़ मीस्तोग़, अस्केने देवुळता जीवा ओन दुस्रोर विस्वसिरा संगे जोळे कीस्ता. माट सबेटोरल किर्स्तुना मेंदुलताङ कय्क-काल्क आतपु, इद्रम कीस्ता.

रोम सहरतोर 16:27

ताना बुदतगा बातय कमि इले, अद येसु किर्स्तुन मयगा लोहताह्‌कु, इदे देवुळतुन माट अमेसा-अमेसातुह्‌क जोहर कीकल. आमेन.

मत्याल 6:13

ओसो कंदाता वेलाते माक पापमते अर्हमा, मति माक देयह्‌कना मुक्यानाहि पिसिह कीमु. [राजेमि, लावु, डीसाङ इव अमेसाताङ नीवाङे मन्ह्‌ताङ. माट ताल्ह्‌कतप आयि.]”

बळयिर 15:11

बेद्रमलेह्‌का येसुसामि यहुदि आयवोरिह्‌क ईतद दयातेनाह्‌के, ओर ओन नमिस पिसिह्‌तोर, अद्रमलेह्‌काने माट यहुदिरल वने पिसिह्‌नल; (मति अडोङ नोमताह्‌कु पिसवल,)” इनजोर इतोग़.