2 कुरिंततोर 12:6 - माडिया गोंड पवित्र सास्त्रम

^6-7 नयगा पोग़यलाह वेल्‍लाङे पोल्‍लोङ मन्ह्‌ताङ; अविस्किन पोग़यतेके, नना बुदलेवोनन आयोन आवेनन; सेतेमतोनने आवेनन; मति नना पोग़योन. बाराह्‌क इतेके, नना कीयनव कबस्किन, ओसो वेहतनव पोल्‍लोन, मन्कलोर ऊळिह्‌तोर. अविस्किन ऊळिसि, नना बेद्रमतोनन इनजोर पुनिर, अदे बेसु. मति देवुळि नाक पका बेराङ-बेराङ पोल्‍लोन लेकाते तोहता इन्जि, मन्कलोर नाक मान ईयनद ओप्पो. अदिनेनाह्‌क अविस्कना लोप्पा, नना पका पोमाडेङ कीयनद आयो इनजोर, देवुळि नाक दुकम ईयनद उंद तिपल ईता.देयह्‌कना मुक्याल लोहतपु, इद तिपल नाक अमेसा सिक्सा कीसोरेन मन्ह्‌ता.

2 कुरिंततोर 12:6 Referans Kwoze

2 कुरिंततोर 11:16

ओसो वेहतह्‌नन: नाक बुदलेवोग़ इनजोर, बोग़े विचर केमाकेग़. अद्रम विचर कीतेक वने बार आयो, कीम्ह्‌टु; अह इतेके नाक इंका उचुन एक्‍वा पोग़यलाह अग़ दोर्कि!

2 कुरिंततोर 12:11

नना बेदिह्‌क ओजोन! मति माटे किर्स्तुनाङ बळयिरगा पका बेरोरोम इनजोर, उच्वुर जोल वेहचोर तिरियिह्‌तोर. निटमे ओरिह्‌काय नना बेदे पोल्‍लोते उड्लोनन आयोन. अदिह्‌क नावा लोप्पा मीट पोग़यना मता! मति मीट केमेन मताह्‌कु, ननाय पोग़यतन, ओसो बुदलेवोना लेह्‌कान आतन! पोग़यलाह मीटे नाक तग़्हतप लेह्‌का कीतिर!

2 कुरिंततोर 11:31

येसुसामिना बाबाल (ओन्क अमेसातुह्‌क जोहर आयि!), मावा देवुळबाबाना किरिया रा, नना जोल वळ्ह्‌कोन!

2 कुरिंततोर 5:13

उच्वुर मन्कलोर माक ऊळिस पिसाङ आतोर इनजोर इतेके, देवुळतेनाह्‌क अद्रमलेह्‌काने मनि. उच्वुर माक बेस बुदतोर इनजोर इतेके, मीवा पाय्दातेनाह्‌क अद्रमलेह्‌काने मनि.

2 कुरिंततोर 1:18

नना रेंड विचर्कनोनन आयोन इन्जि, देवुळ नावा सेतेमता साक्सि मन्ह्‌ता.

1 कुरिंततोर 3:5

अले अह इतेके, अपुलोस बोग़ आंदोग़? पोलु बोग़ आंदोग़? वेहाट, माट इतेक वेट देवुळता सेवकिरोम! माट वेहताह्‌कु, मीट विस्वस कीतिर. माक ओर्विन-ओर्विन येसुसामि बेद कबळतुह्‌क निल्पिह कीतोग़, अदे कबळ कीतोम.

रोम सहरतोर 9:1

(देवुळता गूनमताहि माक बेवे एग़िह कीया पग़वोङ इतेके,) नावा इस्रयेलतोर यहुदि जाततोर बाराह्‌क एग़तोर? ओरेनाह्‌कु नना पका आल्सुळते मह्‌नन, उंद दिया तपवा, नावा जीवा नोस्ता. येसुन विस्वस केवाह्‌कु, ओरिह्‌क दोर्कनद सिक्सा नाक दोर्कि! ओरा बद्लातुह्‌क, देवुळि नाके सरप ईसि, किर्स्तुनग्डाह एग़िह कीतेक तेला बेसे! मति ओर पिसिर इनजोर, ओरेनाह्‌क अचोन नना आलिह कीय्ह्‌नन. किर्स्तुना मुनेह किरिया, इद निटमे, नना जोल वळ्ह्‌कोन,देवुळता जीवा वने इद पोल्‍लोता साक्सि मन्ह्‌ता.

2 कुरिंततोर 7:14

नना तीतुसनगा मीवा लोप्पा पोग़यिस मतन. नना पोग़यतद निटमे इनजोर, मीट तोहतिर. अदिनेनाह्‌क पोग़यिस मतन इनजोर, इंजेक नाक लजा वावो. माट अमेसा मीक निटमे वेहतना लेह्‌कान, नना मीवा लोप्पा तीतुसिन वेहतद वने, निटम इनजोर करल आता.