2 कुरिंततोर 12:19 - माडिया गोंड पवित्र सास्त्रम

¹⁹ मयगा कसुर इले इन्जि, मीक तोहतलाह इचोन वेहतोम इनजोर, विचर कीय्ह्‌निरा? अद्रम आयो! माट इतेके देवुळता मुनेह, किर्स्तुना अदिकरते वळ्ह्‌कलाह आतोम. नावा गोततोरिर! माट बाताल कीय्ह्‌नोम, अद सबे मीवा विस्वस बेर्सना इनजोर, कीयलाह आतोम.

2 कुरिंततोर 12:19 Referans Kwoze

रोम सहरतोर 9:1

(देवुळता गूनमताहि माक बेवे एग़िह कीया पग़वोङ इतेके,) नावा इस्रयेलतोर यहुदि जाततोर बाराह्‌क एग़तोर? ओरेनाह्‌कु नना पका आल्सुळते मह्‌नन, उंद दिया तपवा, नावा जीवा नोस्ता. येसुन विस्वस केवाह्‌कु, ओरिह्‌क दोर्कनद सिक्सा नाक दोर्कि! ओरा बद्लातुह्‌क, देवुळि नाके सरप ईसि, किर्स्तुनग्डाह एग़िह कीतेक तेला बेसे! मति ओर पिसिर इनजोर, ओरेनाह्‌क अचोन नना आलिह कीय्ह्‌नन. किर्स्तुना मुनेह किरिया, इद निटमे, नना जोल वळ्ह्‌कोन,देवुळता जीवा वने इद पोल्‍लोता साक्सि मन्ह्‌ता.

2 कुरिंततोर 10:8

मीवा विस्वसतुन बेर्सिह कीयलाह, सामिनाहि माक अदिकर दोर्कता, तान बूळे कीयलाह आयो. इद्रमता अदिकर ईतोग़ इनजोर, नना पका पोग़यतेक तेला, ताना लोप्पा लजा आयोन.

1 कुरिंततोर 14:26

मावोर विस्वसिरिर! इंजेके इदे पोल्‍लो मन्ह्‌ता: मीट देवुळतुन मोळ्कलाह जमा आतस्के, ओर्वोग़ पाटा ओयेग़, ओर्वोग़ काग़्हेग़, ओर्वोग़ मकतव पोल्‍लोन पेसिह कीसीयेग़, ओर्वोग़ तना तेळियवद बासाते वेहेग़, ओर्वोग़ तान तेळियिह कीसीयेग़, इव सबे विस्वसिरा मुडा विस्वसतुन बेस-नेह्‌ना मेग़्किह कीयलाह कीयनदु.

1 कुरिंततोर 10:14

गोततोरिर! अदिनेनाह्‌क नना वेहतह्‌नन, (मावाङ तादोर-बाबोरा लेह्‌कान आयवा,) पेन-बोमान मोळ्कनग्डाहि जेक मन्ह्‌टु.

पिलिपितोर 4:1

अदिनेनाह्‌क मावोरिर, नना रासतन अद इसबते, सामिनाङ पोल्‍लोङ केंजिस मेग़्किस मन्ह्‌टु. गोततोरिर, मीक ऊळलाह पका नावा जीवा पर्ह्‌किह्‌ता. मियेनाह्‌के नाक गिर्दा वास्ता, नावा कह्‌टेमता पाय्दा मीटे आंदिर.

2 कुरिंततोर 13:10

मीवा विस्वसतुन बेर्सिह कीयलाहि, सामिनाहि माक अदिकर दोर्कता, तान बूळे कीयलाहि आयो. मियगा वातस्के, इद अदिकरते मीक कळकते वेहतनाह आयमाकि इनजोर, इंजेक मियग्डाह जेक मनदह्‌पा, इव पोल्‍लोन रासलाह आतन.

2 कुरिंततोर 12:15

मीवा पाय्दातेनाह्‌क कोताङ आयिङ, लाव आयि, बेदे आयि, कर्सा कीयलाह तयर मह्‌नन; नना बेचोन कीया पग़यह्‌नन, अचोन सबे कीयलाह तयर मह्‌नन. मति नना मीक बेचोन एक्‍वा जीवा कीतन, अचोने कमि मीट नाक जीवा कीतिर अले.

2 कुरिंततोर 11:31

येसुसामिना बाबाल (ओन्क अमेसातुह्‌क जोहर आयि!), मावा देवुळबाबाना किरिया रा, नना जोल वळ्ह्‌कोन!

2 कुरिंततोर 11:10

इद पोल्‍लोतुन नना पोग़यसोर तिरियिह्‌नने. किर्स्तु नाक ईतद सेतेमते वेहतह्‌नन रा: मीवा अकाया पटटोग़ बोग़े नाक पोग़यवाह कीया पग़वोग़.

2 कुरिंततोर 7:1

गोततोरिर! इद्रम देवुळि मावा संगे मनदलाह पोल्‍लो विळ्सताह्‌कु, मावा मेंदुलतुन ओसो मावा जीवातुन, सिरसिर कीस मनदकल, कळ्‍वोग़ आयवा! देवुळतुन रेयिस, पूरा पवित्र आसोर दाकल.

2 कुरिंततोर 3:1

इद्रम रासताह्‌कु, माट मावाय लोप्पा ओसोवने पोग़यिह्‌नोम इनजोर इह्‌निर बहे? अद्रम आयो! पोलुर सेतेम मन्कलोर इनजोर, दुस्रोर मन्कलोर मावा लोप्पा रासतद सीटटुनु, मियगा ततलाहि माक गर्ज इले. माट दुस्रा नाग़ दायह्‌पा, मियग्डाहि अद्रमता सीटटा गर्ज वन इले. उच्वुर मन्कलोर अद्रम कीस्तोर, मति माट केवोम.

1 कुरिंततोर 10:33

नना वने ओर पिसिर इनजोरे, नावाय पाय्दातुन ऊळवा, सबे पोल्‍लोने वेल्‍लाटोर मन्कलोरा पाय्दातुन ऊळिह्‌नन. अहे सबेटोर मन्कलोरिह्‌क बेस गिर्दा वानाह पिसिह्‌नन.

रोम सहरतोर 12:19

देवुळता सास्त्रमतगा इद्रम रासतद मन्ह्‌ता: “बद्ला एतनद नावा कबळ. लाग्वाङ कबस्क केवालोरिन ननाने बद्ला एतकन” इन्जि देवुळि इन्ह्‌ता, इनजोर रासतद मन्ह्‌ता. अदिनेनाह्‌क नावा गोततोरिर! मीट बद्ला एनमाटु, ओरिन देवुळ ऊळग़ा.

रोम सहरतोर 14:19

अदिनेनाह्‌क माट ओर्विह्‌क-ओर्वोग़ गूनमते मन्जि, ओर्विह्‌क-ओर्वोना विस्वसतुन मेग़्किह कीयलाह ऊळिङ.

रोम सहरतोर 15:2

ओरिन लजा केवा, ओरा विस्वसतुन मेग़्किह कीयना गावले.

2 कुरिंततोर 2:17

वेल्‍लाटोर नाळेह केवालोर माट लायकतोरोम इन्जि, तम्क पाय्दा दोर्कि इनजोरेने, देवुळता पोल्‍लोतुन पोकुर कीस्तोर. माट बार अद्रमतोरोम आयोम. देवुळिये माक इद कबळ कीयलाह लोहता. माट ताना मुनेह सेतेमते पोकुर कीय्ह्‌नोम, किर्स्तुना अदिकरते वळ्ह्‌किह्‌नोम.

1 तिसलुनितोर 5:11

अदिनेनाह्‌क मीट इंजेके कीय्ह्‌निर अद्रमलेह्‌कान, ओर्विह्‌क-ओर्वोग़ दीरा ईम्ह्‌टु, ओसो ओर्विह्‌क-ओर्वोना विस्वसतुन बेर्सिह कीम्ह्‌टु.

इब्रितोर 6:9

माट जीवा कीतोर विस्वसिरिर! माट इद्रमताङ रेय वेसनाङ पोल्‍लोङ इह्‌नोम, तेला मति मीवा ताकमुळतुन ऊळिसि, मीक देवुळता पिसमुळ निटम दोर्कता इन्जि, माक बर्वस मन्ह्‌ता.