2 कुरिंततोर 11:23 - माडिया गोंड पवित्र सास्त्रम

²³ ओर तम्क किर्स्तुना सेवकिरोम इन्ह्‌तोर, (नना पिसाङ आतप लेह्‌कान इह्‌नन,) नना कोनि ओरिह्‌काय एक्‍वा मह्‌नन! नना एक्‍वा कह्‌टेम कीतन, एक्‍वा जेलते मतन, एक्‍वा देबाङ तितन, ऊक-ऊके हामुर एवतप लेह्‌कान आस मतन;

2 कुरिंततोर 11:23 Referans Kwoze

2 कुरिंततोर 6:9

उच्वुर माक अदिकरलेवोर इन्ह्‌तोर, वेल्‍लाटोर बार माक किर्स्तुनाङ बळयिर इन्जि, बेस पुन्ह्‌तोर. डोललाह आतोर इनजोर, मन्कलोर माक इन्ह्‌तोर, मति इदु! माट जीवातेन मह्‌नोम. देवुळि माक सुद्रे कीसोर मन्ह्‌ताये, मति मावा जीवातुन ओयो.

2 कुरिंततोर 3:6

देवुळि इंजेके मन्कलोरा संगे पूना करल कीता. अद करलतुन पोकुर कीयनद सेवा कीयलाह, माक ओप्पे कीता. अद पूना करल मोसाल रासतव अडोना इसबते आयो, मति देवुळता जीवाता इसबते आंदु.(बोग़े रासतव अडोन पूरा नोम पग़वोग़,) अदिह्‌क अवु माक हामुरतेके ओसीस्ताङ. देवुळता जीवा बार, माक अमेसाता पिसमुळतके ओसीस्ता.

1 कुरिंततोर 15:10

मति नना इंजेके बळयिनन मह्‌नन इतेके, देवुळता दयाते मह्‌नन! देवुळि नाक ईतद दया उगस अनो. किर्स्तुनाङ बळयिर दुस्रोरिह्‌काय एक्‍वा, नना एपुर पेसनाह कह्‌टेम कीतन. तेला मति निटम इतेके, नावाय लावते नना केवोन, देवुळि तना देय्वाते नयग्डाहि कह्‌टेम कीता.

कुलुसितोर 1:29

इदे पोल्‍लोतेनाह्‌क नना एपुर पेसनाह कबळ कीसि, पप्ळेम आयलाह आतन. किर्स्तुना बेरा लाव नाक ताकिह कीताह्‌कु, नना कह्‌टेम कीयलाह आतन.

कुलुसितोर 1:24

माट विस्वसिरा मुलु, किर्स्तुना मेंदुलता लेह्‌कान मह्‌नल. तना मेंदुलतेनाह्‌कु, किर्स्तुना तिपल इंका मारोये, ओना तिपलते नना वने कलियिह्‌नन. अदिनेनाह्‌क नावा मेंदुदगा तिपल आतेक तेला, गिर्दातेन मह्‌नन.

बळयिर 9:16

नयेनाह्‌क ओन्क बेचोन तिपल एता पोयग़ा इन्जि, नना ओन तोहतकन,” इनजोर येसु इतोग़.

2 तिमोति 2:9

इदे बेसता कबुरतुन पोकुर कीयनाह्‌क, नना तिपल आयलाह आतन; लाग्वोग़ मन्कन दोहतप लेह्‌कान, नाक दोहचि जेलते वाटटोर. मति देवुळता पोल्‍लोतुन इतेके, बोग़े दोहच तास पग़वोग़.

1 कुरिंततोर 3:5

अले अह इतेके, अपुलोस बोग़ आंदोग़? पोलु बोग़ आंदोग़? वेहाट, माट इतेक वेट देवुळता सेवकिरोम! माट वेहताह्‌कु, मीट विस्वस कीतिर. माक ओर्विन-ओर्विन येसुसामि बेद कबळतुह्‌क निल्पिह कीतोग़, अदे कबळ कीतोम.

इब्रितोर 10:34

विस्वसतेनाह्‌क जेलते मतोरा दुकमते, मीट वने कलियतिर. मीक पोग़ोन देवुळतगा बेचोन बेसतल, बेस्केन बूळेम आयवद मालसोम दोर्किह्‌ता इनजोर पुन्ज मतिर. अदिनेनाह्‌क मन्कलोर मीक विरुद कीसि, मीवा सामनतुन ऊंदिस ओयनस्के, मीवा गिर्दातुन ऊंद पग़वोर.

2 तिमोति 1:16

उनेसिपुरुस इनवाना लोतोरा पोग़ोन, सामिना दया वायि. नना जेलते मनदनदिन ऊळिस, ओग़ लजा आयवा, नाक ऊळलाह वातोग़. ओसो वेल्‍लाङे मल्काङ नाक तोळ ईतोग़.

2 तिमोति 1:8

अदिनेनाह्‌क मावा सामिना साक्सि ईयलाह, निमा लजा आयमा. अद्रमलेह्‌काने ओना सेवा कीयनाह्‌क, नना जेलते मह्‌नन; इद पोल्‍लोतेनाह्‌क वने निमा लजा आयमा. मति देवुळि नीक ईतद लावते, बेसता कबुरतेनाह्‌क नावा संगे तिपल आम.

1 तिमोति 4:6

नना वेहतव इव पोल्‍लोङ विस्वसिरिन काग़्हा. निमा विस्वसताङ पोल्‍लोनु, ओसो इचानाह केंजसोर वातिन अव बेसताङ पोल्‍लोन कग़यिसि, विस्वसते बेर्सतिन. बेर्सताह्‌कु किर्स्तु येसुना बेसतोग़ सेवक आयकिन.

1 तिसलुनितोर 3:2

मावा तोळतोग़ तिमोतिन मियगा लोहतलाह विचर कीतोम. ओग़ किर्स्तुना बेसता कबुर पोकुर कीयनद कबळते, मावा ऐंगेटोग़ देवुळता सेवा केवाल आंदोग़; इंजेके किर्स्तुनेनाह्‌क वायनव तिपल्कनेनाह्‌कु, बोग़े पेग़्के-मुनेह आयमाकेग़ इनजोर, मीवा विस्वसतुन मेग़्किह कीसीयलाह, मीवा जीवातुन सितुर कीसीयलाह, ओन लोहतोम. माट विस्वसिरल किर्स्तुनेनाह्‌क तिपल आयना इन्जि, देवुळता विचर मन्ह्‌ता इनजोर, मीट पुतिरे.

पिलिपितोर 2:17

बूमयालोर देवुळतुह्‌क जन्वरता पूरा मोक ईतप लेह्‌का, मीट अगा पिलिपि सहरते, मीवा विस्वसतेनाह्‌कु, तिपल आसोरेन मह्‌निर, अद्रम मीट देवुळतुन माळिह्‌निर. (नाक इगा रोम सहरतेहव्कतेक वने,) नावा नेतुर मीवा मोकतगा वळ्पतप आयग़ा. अदिह्‌क नना बेस गिर्दा आयकन. इंगो! मीवा संगे बेस गिर्दा आयकन.

पिलिपितोर 1:13

बह आता इतेके, नना किर्स्तुना सेवातेनाह्‌के जेलते मह्‌नन इनजोर, बेरोग़ राजानाङ सबेटोर पह्‌रातोर, ओसो इग्डोर सबेटोर लोकुर पुतोर.

इपिसुसतोर 4:1

इव सबे पोल्‍लोनेनाह्‌कु, देवुळि मीक तना मन्कलोर आयना इन्जि केयता, तेन सीता कीसि, तान्क विचर वातपु ताकाटु. मीट इद्रम ताकना इन्जि, नना सामिनेनाह्‌क जेलते मनवानन, मीवाङ काल्काय अरयह्‌नन.

इपिसुसतोर 3:1

इव सबे पोल्‍लोन सीता कीसि, नना पोलुनन (मियेनाह्‌क पार्तना कीय्ह्‌नन) ... नना मीट यहुदि आयवोरगा, किर्स्तु येसुना कबळ कीताह्‌के, जेलते मह्‌नन.

2 कुरिंततोर 11:5

किर्स्तुनाङ बळयिरगाह्‌क माट सबेटोरिह्‌क बेरोरोम इनजोर, ओर तम्क इन्ह्‌तोर, मति नना इतेके, ओरिह्‌काय कमितोनन आयोन!

2 कुरिंततोर 10:7

मीवा मोकम मुनेह बेव पोल्‍लोङ दिसिह्‌ताङ, अविना लोप्पा बेस विचर कीम्ह्‌टु. नना किर्स्तुना मन्कनन इनजोर इनवाल मन्कल, तना किर्स्तुना मन्कल आतप लेह्‌कान, माट वने किर्स्तुनोरोम आंदोम, इदिन पुनेग़!

2 कुरिंततोर 4:11

निटमे माट जीवात मनाह्‌जोम, येसुनेनाह्‌कु अमेसा हामुरता दोकाते अरयह्‌नोम. ओना जीवा मावाङ रेंड दियानाङ मेंदुस्कनगा मन्जि, माक पिसिह कीस्ता इनजोर, मन्कलोर ऊळना इन्जि, माट दोकाते अरयह्‌नोम.

बळयिर 28:30

अद्रमे पया पोलु रोम सहरते पूरा रेंड वर्साङ किरयता लोतगा मनेके, ओना लोन बोर बोर कलियलाह वांदुर, ओरिन लोप्पा ओसि, बेस गूनमते ऊळिंदोग़.

बळयिर 28:16

पया माट रोम सहरते एवतोम. एवतस्के (दरोगाल पोलुन जेलते तासवा, उंद लोते तासतोग़.) अद लोतगा ओग़ वग़ोगे मंदोग़, ओसो ओना पह्‌रातुह्‌क ओर्वोग़ सीपय वने मतोग़.

बळयिर 27:1

पया अग्डाहि माकु ओडाते इतालिया पटटे लोहतलाह, गुमसि विचर कीतोग़. अदिनेनाह्‌क साय्बालोर बाताल कीतोर इतेके, पोलुना संगे जेलतगा मतोर उय्तुरिन, यूलियुस पेदिरतोग़ दरोगाना कयदे विळ्सिसीतोर. वेग़ यूलियुस इतेके, कय्सर राजाना लळयमुडोग़ आंदोग़.

बळयिर 25:14

एलाग़ इर्वुर अगा वेल्‍लाङे दियाङ मतोर. अद तूकने पेस्तुस पोलुना नेयमता लोप्पा, अग्रिपा राजानु वेहतोग़. “मुनेतोग़ गुमसि पेलिक्स बाताल कीतोग़, ओर्वोग़ मन्कन इगान जेलते वाटिस अतोग़.

बळयिर 21:11

ओग़ मयगा वासि, पोलुना पेटातुन लेहचि, तनाङ कय्किन-काल्किन तनाय दोहतोग़. दोहचि, “बोना इद पेटा आंदु, ओग़ मन्कन येरुसलेमतोर यहुदिर इद्रमे दोहचि,यहुदि आयवोरा कयदगा पोस ईयनुर इनजोर, देवुळता पवित्र जीवा इद्रम इन्ह्‌ता,” इतोग़.

बळयिर 20:23

मति इचोने पुतन: ‘मन्कलोर नीक तिपल कीयनुर ओसो जेलते वाटनुर’ इनजोर, नना तिरियनव सबे सहर्कने, देवुळता जीवा नाक मुनेन वेहचोरेन मन्ह्‌ता.

बळयिर 14:19

(उचुक दियाना पया) पिसिदियाता अंताकिया सहरताहि उय्तुर यहुदिर, इकुनियुम सहरताहि उय्तुर यहुदिर, लुस्त्रा सहरते वातोर. वासि लुस्त्रातोर मन्कलोरगा कलियिसि, ओरिन तमा बाजेतेके कीतोर. कीसि पोलुना विरुद आसि, ओन बंडाङ उकतोर. उकतस्के वेग़ इंजेके डोलतोग़ इन्जि, ओन सहरता पलते ईळ्सिस ओतोर.

1 कुरिंततोर 4:1

अदिनेनाह्‌क माट सेवकिरा लोप्पा, मीट विचर कीयह्‌पा, वेर किर्स्तुना सेवा केवालोर आंदुर, देवुळि तनाङ मकिह कीस तासिस मतव पोल्‍लोन वेहतनद कबळतुन, वेरिह्‌क ईता इनजोर, सीता कीम्ह्‌टु.

1 कुरिंततोर 4:9

(रोम सर्करतोग़साय्बाल तिरियिह्‌पा, तना गेल्सतोर विरुदतोरिन दोहचि, तना पेग़्के तासिस तिर्हतह्‌तोग़, अद्रम) येसु किर्स्तुनाङ बळयिरोम माक देवुळि पूरा पेग़्केडोर कीता. माक हामुरता सिक्सा ईतप लेह्‌का आता. दुनियातोर मन्कलोर ओसो पोग़ोटाङ देवतुल्क ऊळनाह, देवुळि माक तिर्हतप लेह्‌कान आता, इद्रम नावा विचर मन्ह्‌ता.

1 कुरिंततोर 4:11

नेंड एवनाह माक जावा-एग़ दोर्को, उहतलाह गेंदे दोर्को, मन्कलोर माक कुळ्मिह्‌तोर, इके-अके वेलियसोर मह्‌नोम.

गलातितोर 6:17

ओसो इंजेटाहि मियग्डाहि बोग़े जोल काग़्हमुळतुन केंजिसि, नाक तिपल कीयनदायो. बाराह्‌क इतेके येसुसामिना कबुरतुन पोकुर कीताह्‌कु, विरुदतोरा देबाना सीना नावा मेंदुदगा मन्ह्‌ता.

2 तिमोति 3:11

पिसिदिया एरियाता अंताकिया सहरतगा, इकुनियुम सहरतगा, लुस्त्रा सहरतगा, मन्कलोर नाक तिपल कीतदिन, नना सिक्सा आतदिन, मन्कलोर नाक बेद्रमताङ तिपल्क ईतोर, इव तिपल्किन नना आपतदिन वने पुतिन. सामि नाक तोळ आताह्‌कु, नना अव सबे तिपल्कनाहि पिसतन.