2 कुरिंततोर 1:12 - माडिया गोंड पवित्र सास्त्रम

¹² दुनियाते माट बाताल बाताल कीतोम, देवुळ ईतद सेतेम बुदते, नाळेह केवद बुदते कीतोम इन्जि, मावा जीवा वेहतह्‌ता, कासा इतेके मीवा संगे ताकिह्‌पा. इदिना लोप्पा माट पोग़यिह्‌नोम. मति अमेसा माट देवुळता देय्वाते कीतोम, मन्कना बुदते आयो.

2 कुरिंततोर 1:12 Referans Kwoze

1 कुरिंततोर 2:13

इदे देय्वाता लोप्पा मन्कलोरा बुदि माक काग़्हो, मति देवुळता जीवा काग़्हता. तानाङ विचर्किन माट अद काग़्हतव पोल्‍लोने, तेळियिह कीस वेहतह्‌नोम.

2 कुरिंततोर 2:17

वेल्‍लाटोर नाळेह केवालोर माट लायकतोरोम इन्जि, तम्क पाय्दा दोर्कि इनजोरेने, देवुळता पोल्‍लोतुन पोकुर कीस्तोर. माट बार अद्रमतोरोम आयोम. देवुळिये माक इद कबळ कीयलाह लोहता. माट ताना मुनेह सेतेमते पोकुर कीय्ह्‌नोम, किर्स्तुना अदिकरते वळ्ह्‌किह्‌नोम.

1 तिसलुनितोर 2:10

मीट विस्वसिरिर पुतप लेह्‌का, माट मीवा संगे मनदह्‌पा, मावा ताकमुळ पवित्र, सेतेमता ओसो कसुरलेवा मता, इदिना मीट साक्सि मह्‌निर, ओसो देवुळ वने साक्सि मन्ह्‌ता.

1 पत्रु 3:21

अद पोल्‍लोता लेह्‌काने, इंजेके (मीटु विस्वसिर आतिर अस्के,) येसुना पेदिरते एग़ मीताह्‌कु, बेद लावते देवुळि येसु किर्स्तुनु हामुरताहि जीवा अर्ह्‌ता, अदे लावते मीट पिसिह्‌निर. इद बेद्रमता इतेके, मेंदुदा माच एडग़ा इनजोरे, मीयनद आयो; मति नावा जीवा कसुरलेवप आयि इन्जि, पूरा जीवाताहि देवुळतुन ताल्ह्‌कनद आंदु.

इब्रितोर 13:18

माट कसुरलेवप ताकिह्‌नोम इनजोर, मावा जीवा पुन्ह्‌ता. सबे पोल्‍लोने माट देवुळतुह्‌क ओप्पनाह कीयलाह ऊळिह्‌नोम. इदिनेनाह्‌क मयेनाह्‌क पार्तना कीसोर मन्ह्‌टु.

2 कुरिंततोर 8:8

इद पोल्‍लोतुन उकुम ईयना लेह्‌का इनोन, मति दुस्राङ नाह्‌कनोर विस्वसिर इद कबळते मीक वीळतोर. ओरा अचोन, मीट वने निटम जीवा कीय्ह्‌निरा बहु इनजोर, पर्ह्‌किस ऊळलाह वेहतलाह आतन.

2 कुरिंततोर 4:2

मति इद्रम कीय्ह्‌नोम: मकिस मकिस लजा वानाह कीयनव कबस्कनगा सीता केवोम, सत्रल बुदते ताकोम, देवुळता पोल्‍लोतुन एत्लम मिळ्हच वेहोम, मति देवुळता मुनेह सेतेम पोल्‍लोतुन पङ्ने पोकुर कीय्ह्‌नोम. मावाङ केंजवालोर, ओर सेतेमतोर इनजोर, मावा पोल्‍लोतुन नमिर इन्जि, माट इद्रम ताकिह्‌नोम.

1 कुरिंततोर 15:10

मति नना इंजेके बळयिनन मह्‌नन इतेके, देवुळता दयाते मह्‌नन! देवुळि नाक ईतद दया उगस अनो. किर्स्तुनाङ बळयिर दुस्रोरिह्‌काय एक्‍वा, नना एपुर पेसनाह कह्‌टेम कीतन. तेला मति निटम इतेके, नावाय लावते नना केवोन, देवुळि तना देय्वाते नयग्डाहि कह्‌टेम कीता.

बळयिर 24:16

अदिह्‌क देवुळता मुनेह आयि, लोकुरा मुनेह आयि, अमेसा जीवाताहि कसुरलेवप मन्जि, ताकलाह ऊळिह्‌नन.

बळयिर 23:1

पोलु पंचतगा जमा आतोर तग्वाङ केवालोरिन, कोंडा मिळ्हवा ऊळतोग़, ऊळिसि “मावोरिर, इद ऊळाट, नेंड एवनाहि नना जीवाताहि कसुरलेवप मन्जि, देवुळता मुनेह ताकसोर वायलाह आतन,” इनजोर इतोग़.

1 पत्रु 3:16

मति ओरिह्‌क गूनमते, उड्ला पोल्‍लोते वेहाटु. मीवा कसुर तोहतलाह, बातय दोर्कवप मन्ह्‌टु. अस्के बोर मीकु अडम वळ्ह्‌किह्‌तोर, ओर इंका मीटु किर्स्तुना लोकुर आताह्‌कु असल ताकिह्‌निर, तेन ऊळिसि पया तमाय लजा आयनुर, (लजा आसि तमाङ तोडिन मुचनुर).

1 तिमोति 1:5

ओरिन बाराह्‌कु रोमिह कीयलाह वेहतन इतेके, अगा विस्वसिर जग्ळा-बोबा केवालेवा, गूनमते मनदना गावले. गूनमते मनदना इन्जि, बेसताङ विचर्कु, नेह्‌ना-लाग्वा पुन्जि ताकनद बुदि, ओसो देवुळतगा सेतेमता विस्वस मनदना गावले.

पिलिपितोर 1:10

इद्रम आतेके, बेसताङ-बेसताङ पोल्‍लोङ बेव इनजोर पुनदा पग़यकिर. इद्रमलेह्‌का किर्स्तु वायनोग़ अस्के, मीट नेह्‌नोरिर ओसो कसुरलेवोरिर मनदकिर.

इपिसुसतोर 6:14

इद्रमलेह्‌का तयर मन्ह्‌टु: (लळयतस्के सीपय्क बेस वितना इन्जि,) नंडटगा पेटा दोहतप लेह्‌कान, मीट देवुळता सेतेम पोल्‍लोतुन पोस ताकाटु. अर्युलतुन राका कीयलाहि, कचता जगा केग़तप लेह्‌कान, मीवा कर्तुळ मीक देयह्‌कना डावताहि राका कीयि.

गलातितोर 6:4

मति मीट ओर्वोग़-ओर्वोग़ दुस्रोनाङ कबस्किन जोकवा, आप-आपुनाङ कुदताङ कबस्किन जोकनदु. अस्के नीवाङे कबस्किन ऊळिसि, नना बेद्रमतोनन इन्जि पुनदकिन. मति दुस्रोर्काय बेरोनन इनदा वावो.

2 कुरिंततोर 11:3

मति बेद्रम एदेन वाळुमते तरस वासि, मुनेता आंचाळ अवानु, तना सत्रल बुदते एग़्किह कीता, अद्रमलेह्‌कान बोराय वासि, मीक पवित्रते, उंद विचरते मन्जि, किर्स्तुन मोळ्कवाह लेसिह कीयनुर बहा इनजोर रेयतन.

2 कुरिंततोर 1:17

मति इंजेके मियगा वावोन! अदिनेनाह्‌क रेंड विचर्क केवाल इनजोर, नाक इनेरिर! नना अद्रमतोनन आयोन. मन्कना बुदते ताकवालोरा लेह्‌का, मीक इंगो वाय्ह्‌नन इनदना, मति जीवातगा आयो वावोन इनदना, इद्रमलेह्‌का रेंड वेंजेह्‌कना बुदतोनन आयोन.

1 कुरिंततोर 5:8

ओयता पिंडटुन आवना पंडुमतस्के पोहतना लेह्‌कान, विस्वस केवस्के मयगा मतद लाग्वा बुदतुन, कोंटे बुदतुन पोहिङ. आवना पंडुमतुन ओयवव आरिन तिन्जि माळतप लेह्‌का, नाळेह केवद बुदि ओसो सेतेम बुदि तासिस ताकिङ.

रोम सहरतोर 9:1

(देवुळता गूनमताहि माक बेवे एग़िह कीया पग़वोङ इतेके,) नावा इस्रयेलतोर यहुदि जाततोर बाराह्‌क एग़तोर? ओरेनाह्‌कु नना पका आल्सुळते मह्‌नन, उंद दिया तपवा, नावा जीवा नोस्ता. येसुन विस्वस केवाह्‌कु, ओरिह्‌क दोर्कनद सिक्सा नाक दोर्कि! ओरा बद्लातुह्‌क, देवुळि नाके सरप ईसि, किर्स्तुनग्डाह एग़िह कीतेक तेला बेसे! मति ओर पिसिर इनजोर, ओरेनाह्‌क अचोन नना आलिह कीय्ह्‌नन. किर्स्तुना मुनेह किरिया, इद निटमे, नना जोल वळ्ह्‌कोन,देवुळता जीवा वने इद पोल्‍लोता साक्सि मन्ह्‌ता.

याकुब 4:6

(बोग़ाय देवुळता विरुदतोग़ आतेक तेला, ओना पोग़ोन) देवुळ एक्‍वा दया तोहतह्‌ता. अदिनेनाह्‌क ताना सास्त्रमतगा इद्रम रासतद मन्ह्‌ता: नना बेरोनन इनवानु, देवुळि अडम मन्ह्‌ता, मति नना उड्लोनन इनवानु, देवुळि दया कीस्ता.

तीतुस 2:7

सबे पोल्‍लोने मन्कलोर नीक ऊळिस कग़यना लेह्‌का, निमाये बेसताङ कबस्क कीस तोहा. मावा लोप्पा बेदे लाग्वा पोल्‍लो वळ्ह्‌क पग़वाह, नीक विरुद केवालोर मन्कलोरिह्‌क लजा वायना लेह्‌का, जोल इनजोर वेहता पग़वपे, निमा सेतेमते काग़्हा. मन्कलोर नीवा पोल्‍लोतुन केंजना लेह्‌का बेस काग़्हा.

1 कुरिंततोर 1:17

किर्स्तु नाक तना पेदिरते एग़ मीहतलाह लोहोग़ मति, तना बेसता कबुरतुन पोकुर कीयलाह लोहतोग़. मन्कलोरा लेह्‌काडा बुद कीसि, दुस्रोरिह्‌क विचर वानाह पोकुर कीयलाहि आयो. अद्रम पोकुर कीस मतेक अचोन, किर्स्तु हव्कनागुटातगा डोलतद पोल्‍लो कबळतुह्‌क अरवप आवालि.

1 कुरिंततोर 12:8

अद बेद्रम बुद ईस्ता इनजोर वेहतह्‌नन: देवुळता जीवा ओर्विह्‌क बुदताङ पोल्‍लोङ वळ्ह्‌कनद बुदि ईस्ता, अदे जीवा दुस्रोन्क, पुनवव पोल्‍लोन पुन्ज वेहतनद बुदि ईस्ता.