1 तिमोति 5:4 - माडिया गोंड पवित्र सास्त्रम

⁴ मति बेदाय रांडे आंचानाङ पिलाङ-पेकोर आयि, बापि इनवालोर पिलाङ-पेकोर आयि मतेके, ओर मुने तमाय लोता रांडे आंचान अय कीयलाह कग़यना. इद्रमलेह्‌का मुने तम्क अय कीतदु तमा तलिन, काकोन, बापिन वने अय कीयना. इद्रम कीतेके, देवुळि गिर्दा आस्ता.

1 तिमोति 5:4 Referans Kwoze

1 तिमोति 2:3

कतमतोरे देवुळता सेतेम पोल्‍लोतुन पुन्जि, पापमताहि पिसलाह तनेके मिळ्न्दना इन्जि, देवुळता विचर मन्ह्‌ता. अदिह्‌कु इद्रमलेह्‌का पार्तना कीयनदु, माक पिसिह कीयनद देवुळतुह्‌कु बेस विचर वास्ता.

लूकाल 2:51

पया येसु तपेरा संगे तमा नासरेत नाग़ अतोग़. पेकाल ओरा पोल्‍लो केंजसोर ताकिंदोग़. ओना तलोग़ इव सबे पोल्‍लोन तना पोटातगा तासिस, आलिह कीसोर मता.

1 तिमोति 5:16

बेदाय विस्वसि आंचाना लोताङ आस्क रांडे मतेके, अद अव आस्किन अय कीयना. विस्वसिरा मुडा पोग़ोन मोता वाटनद आयो. बेव रांडे आस्किन अय कीयलाह बोग़े इलेग़, अविस्किन विस्वसिरा मुलु अय कीयिर.

तीतुस 1:11

इद्रमलेह्‌का ओप्पवव पोल्‍लोन काग़्हचि, वेल्‍लाङे लोह्‌कनोरिन लेसिह कीस्तोर. लाग्वा कबळते कोताङ कमय कीयलाह, इद्रम कीस्तोर. इद्रमताङ ओप्पवव पोल्‍लोङ काग़्हवालोरिन, केमेन कीयना गावले.