1 तिमोति 4:7 - माडिया गोंड पवित्र सास्त्रम

⁷ सेळोस्क वेहतनव पीटोना लेह्‌काडाङ, देवुळतुन सीता केवव पोल्‍लोनु, ओसो बुदलेवव पोल्‍लोन केंजमा. मति निमा देवुळतुह्‌क विचर वानाह पिसलाह, कग़यसोर मनु.

1 तिमोति 4:7 Referans Kwoze

2 तिमोति 2:16

देवुळतुन सीता केवा, उगस-उगसताङ पोल्‍लोङ वळ्ह्‌कवालोरगा अनमा. अद्रम वळ्ह्‌कवालोर देवुळतग्डाहि पका जेक आसोर दास्तोर.

तीतुस 2:12

ओसो देवुळता दया माक इद्रम बुदि काग़्हतलाह आता इतेके: माट देवुळतुन सीता केवा मनदनद आयो, इद दुनियाताङ विचर्कनगा सीता वाटनद आयो. मति कुदतुन आव्रे कीसि, देवुळतुह्‌क विचर वानाह मनदना, अमेसा कर्तुळते इद बूमतगा पिसना इनजोर, काग़्हतलाह आता.

तीतुस 3:9

मति उगसताङ पोल्‍लोने गिटोगटो आयनगा, जोला-जमाताङ लेकाङ-जोकाङ कीयनगा, यहुदिराङ अडोना लोप्पा जग्ळा-बोबा कीयनगा अनमा. अव पोल्‍लोङ उगसताङ, पाय्दालेवाङ आंदुङ.

इब्रितोर 5:14

मति विस्वसते बुद पुतोरे, गाटो तिनवालोरा लेह्‌कान मन्ह्‌तोर. ओर तमा विचरते बेसतल बेदु, लाग्वद बेदु इनजोर, पुनदनद कग़यतोर.

2 तिमोति 2:23

बुदलेवव, उगसताङ पोल्‍लोने गिटोगटो आयनग्डाह जेक मन. अद्रमताङ पोल्‍लोङ सिरप जग्ळम पुटिह कीस्ताङ इनजोर पुतिने.

2 तिमोति 4:4

कीसि सेतेमतुन केंजलाह, केव पायवा मनदनुर, मति मन्कलोर पुटिह कीतव पीटोङ केंजलाह, केव ओगनुर.

1 तिमोति 6:11

मति तिमोति! (निमा वेर मन्कलोरा लेह्‌का आयविन,) निमा देवुळता मन्कनिन. अदिनेनाह्‌क इव लाग्वाङ पोल्‍लोनाहि अबर विता. अविस्कनग्डाह जेक मन्जि, इद्रमलेह्‌का मनदलाह पर्ह्‌का: सेतेमते पिसना, देवुळतुह्‌क विचर वानाह पिसना, विस्वसते ताकना, जीवा कीयना, तिपलते विस्वसतुन विळ्सवा मनदना, कुलुल बुदते मनदना.

बळयिर 24:16

अदिह्‌क देवुळता मुनेह आयि, लोकुरा मुनेह आयि, अमेसा जीवाताहि कसुरलेवप मन्जि, ताकलाह ऊळिह्‌नन.

1 तिमोति 6:20

मन्कलोर देवुळतुन सीता केवा, लाग्वाङ-लाग्वाङ वेहतह्‌तोर. (माट काग़्हतद पोल्‍लोतुन विळ्सिस,) एत्लम पोल्‍लो काग़्हतह्‌तोर; ओसो अदिन निटम बुदता पोल्‍लो इन्ह्‌तोर. तिमोति, निमा ओरगा अनमा, मति देवुळि नीवा कयदे ईतद कबळतुन बेस-नेह्‌ना तासा.

2 तिमोति 3:12

अद्रमे बोर बोर किर्स्तु येसुन विस्वस कीसि, देवुळतुह्‌क विचर वातप लेह्‌का पिसलाह ऊळिह्‌तोर, ओर सबेटोरिन लोकुर तिपल कीयनुरे.

1 तिमोति 3:16

ओसो किर्स्तुना लोप्पा, देवुळ पङ्ने कीतव पोल्‍लोङ पका असलताङ मन्ह्‌ताङ, इद करलिये. “किर्स्तु मान्वल आसि माक दिसतोग़. ओग़ु देवुळता मग़ इन्जि, पवित्र जीवा तोहता. ओग़ हामुरताहि तेग़्कतस्के, देवतुल्क साक्सि मताङ. ओग़ तना डीसाते कलियनाहु, देवुळि ओन पोग़ोन ओता. ओना कबुर दुस्राङ जातिनोरगा आबुर आता. दुनियामेटोर लोकुर ओन नमतोर.”

1 तिमोति 2:10

अद्रम मलियवा, माट देवुळतुन नमिस ताकनविस्कनोम इन्जि, अवु नेह्‌नाङ कबस्क कीयनदु. इद्रमतेने अविस्किह्‌क सोबा आयग़ा.

1 तिमोति 1:9

इद पोल्‍लो माक एर्का मन्ह्‌ता इतेके, सेतेमतोर मन्कलोरेनाह्‌क काय्दा तासोर. मति काय्दातुन माळवोरु, कैंगम आयवालोरु, देवुळतुन नमवोरु, पाप्यहलोरु, देवुळतके सीता केवोरु, देवुळतुन मान एवोरु, तलोग़-तपेन हव्कवालोरु, मन्कन हव्केर, सिंड्रि-साट्याल आयवालोरु, आंचाळ-कोय्तोग़ कलियतपु कोय्तोना संगे कोय्तोग़ मनवालोरु, मन्कन कलिस वमवालोरु, जोलहालोरु, जोल साक्सि एवालोरु, ओसो बोराय सेतेमता काग़्हमुळतुन माळवोरु, वेरा लेह्‌काडोरेनाह्‌के काय्दा तासिह्‌तोर.

1 तिमोति 4:8

मेंदुलतुन बेस तासतेके, माक उचुने पाय्दा आस्ता, मति देवुळतुह्‌क विचर वानाह पिसतेके, सबे रीतिने पाय्दा आस्ता. बह इतेक, अद्रम मतेके इंजेके वने, पया वने, देवुळता पिसमुळ दोर्किह कीय्ह्‌नल इनजोर, बेस-नेह्‌ना पुन्ज मह्‌नल.

1 तिमोति 6:3

इंजेके बोग़ाय माट काग़्हतव पोल्‍लोन विळ्सिसि, दुस्राङ पोल्‍लोङ काग़्हतह्‌तोग़, मावा येसुसामि किर्स्तुनाङ सेतेम पोल्‍लोन केंजोग़ आस्तोग़, अमेसा देवुळतुह्‌क विचर वानाह, पिसिह कीयनव सेतेम पोल्‍लोन वने केंजोग़ आस्तोग़;

1 तिमोति 6:5

इद्रमतोर लाग्वा बुदतोर आंदुर, ओसो सेतेम पोल्‍लोताहि जेक आतोर, रोमवालेवा जग्ळम आसोर मन्ह्‌तोर. इद्रमतोर देवुळतुन माळिसि, पका कोताङ कमय कीसि माक पाय्दा आस्ता इनजोर, विचर कीस्तोर.

2 तिमोति 3:5

वेर अमेसा देवुळतुन सेवा कीतप लेह्‌का, सोङ कीयनुर; मति ताना लावतुन निटम मानेम आयोर आयनुर. तिमोति, निमा इद्रमतोर मन्कलोरग्डाह जेक मन.