Biblia Todo Logo
Bib sou entènèt

- Piblisite -




1 तिमोति 4:3 - माडिया गोंड पवित्र सास्त्रम

3 मर्मिङ कीयलाह लागो, ओसो बेव उचुक तिंडिनु तिनदलाह पोलो, इद्रम वेर काग़्हतह्‌तोर.(देवुळता विचर बारा अह इले.) अव तिंडिनु, देवुळता सेतेम पोल्‍लोतुन पुनवालोर विस्वसिर, तान जोहर कीसि तिनदना इन्जि, देवुळ अविस्किन पुटिह कीता.

Gade chapit la Kopi




1 तिमोति 4:3
30 Referans Kwoze  

बह इतेके, नना पुटिह कीतव कतमे बेस मन्ह्‌ताङ इन्जि, देवुळ इन्ह्‌ता. (इवु देवुळता कयदाहि वाताङ इन्जि,) माट तान जोहर कीसि अविस्किन तिनदना,(अस्के माट कळ्‍वोग़आयवल). अदिह्‌क बेदाय तिंडटुन पोलो इनदनद आयो.


देवुळि सबे रीतिनाङ सिंड्रि-साट्याल कबस्क केवालोरिन नेयम कीयग़ा. अदिनेनाह्‌क मुते-मुजो देवुळता मुनेह किरिया कीतपु, ऐंगेन सेतेमते मनदना गावले.


दियाङ नोमवालोर, सामिनेनाह्‌क नोमिह्‌तोर, अहे सबेटविन तिनवालोर वने, देवुळतुन जोहर कीस तिन्ह्‌तोर. इद्रम ओर सामिह्‌क मान ईसि तिन्ह्‌तोर. अविङ तिनवोर वने, सामिह्‌क मान ईसि तिनोर आस्तोर. ओर वने सामिन जोहर कीसिये, (तम्क पोलनव जाळिङ-जबान तिन्ह्‌तोर. इतेके सामिह्‌क मान ईयना, इदे मोदुल पोल्‍लो आंदु.)


(अदिनेनाह्‌क इद दुनियाताङ अडोङ-उतुर्क काग़्हवालोरिह्‌क, मीट अग़ एमाट इनजोर वेहतन.) इतेके तिनदना-उनडना नोमळतुन माळविर, वर्सामेटा पोल्वा केविर, आम्स आयनस्के पोल्वा केविर, पोल्वादियातुन नोमविर इनजोर, बोने बह मीवा पोग़ोन कसुर पुटिह कीयलाह एमाटु.


इंजेके तिनदनद तिंडि माक देवुळतुह्‌क ओप्पनाह केवो इनजोर पुन्ह्‌टु. माट अदिन नोमतेके, बाताले नुस्कन आयो, ओसो नोमवेक वने बाताले पाय्दा आयो.


बाताल कीतेकाय, बाताल वळ्ह्‌कतेकाय, सबे येसुसामिना पेदिरतुन मान ईसि कीम्ह्‌टु. ओना मेटे माक देवुळबाबाना दया दोर्कता इन्जि, देवुळतुन जोहर कीसोर मन्ह्‌टु.


मति निमा कुव्रा मन्कनिन, मुतेन ततेके पापम केविन. कुव्रा पिला मुजोह्‌क अतेक वने, पापम केवो. मति मर्मिङ आतोरु, दिनमता पिसमुळते पकाय तिपल आस्तोर. अदिनेनाह्‌क मर्मिङ आयवा मन्जि, अद तिपलते अरमाटु इह्‌नन.


अविङ तिनवालोरु, तिनवोरिन मीवा विस्वस कमि मन्ह्‌ता इनजोर पास्कमाकिर. अहे तिनवोरु, तिनवालोरिन मीट तपतिर इनजोर, कसुर ओपमाकिर. बह इतेके मीक सबेटोरिन, देवुळिये तना लोकुर कीता.


अदिह्‌क बोग़ाय वासि, मीट पुनवव, पूनाङ पोल्‍लोङ काग़्हचि, मीक देवुळता सेतेम पोल्‍लोताहि लेसिह कीयलाह एमाटु. इव तिनदनव, इव तिनवव इनजोर मन्कलोर वेहतनव अडोन केंजताह्‌क आयो; मति देवुळि मीक दया कीताह्‌कु, मीवा जीवा मेग़्कनद बेसु. अद्रमताङ अडोन केंजिसि ताकवालोरिह्‌क बातालाय दोर्कताया? बाताले दोर्को!


मीट उच्वुरिर इह्‌निर, पोटातेनाह्‌क तिंडि मन्ह्‌ता, तिंडटेनाह्‌क पोटा मन्ह्‌ता, मति देवुळि इव रेंडिन आसि मायिह कीयग़ा, इह्‌निर. (अदिह्‌क इद बूमतगा मनेके, माक बेदिनाय तिनदलाह पोलिह्‌ता इनजोर इह्‌निर. अद तिनदनद तिंडटा लेह्‌काने, मावा मेंदुदे वने साट्याल कबळ कीयनद पोलिह्‌ता इनजोर, मीट मुर्तिय विचर केमाटु.) मावा मेंदुलि साट्याल कबळ कीयलाह आयो, मति सामिन माळना इन्जि, पंडटद मन्ह्‌ता. (अहे ओसो सामि मावा मेंदुलतगा जागा आयलाह ऊळिह्‌तोग़.)


केंजाट, देवुळि मीवा नडुम राजेम कीयना इतेके, तिनदनव-उनडनव पोल्‍लोनेके अचोन सीता केमाटु. सेतेमते ताकना, ओर्विना संगे ओर्वोग़ गूनमते मनदना, पवित्र जीवाता गिर्दाते निंदिस मनदना, इवे मोदुल पोल्‍लोङ आंदुङ.


पया ऊळाटु, येसु मुडुन इळ्न रोंडातगा उद वेहतोग़, पया अव एयुङ आरिन ओसो रेंड मीन्किन पोसि, पोग़ोन ऊळिसि, देवुळतुन जोहर कीसि आरिन किळ्हतोग़. अह कीसि, वांटाट इन्जि येसु आरिङ, मीन्कु, कग़यवालोरा कयदे ईतोग़, ओर पया मुडुह्‌क वांटटोर.


इन्जि तना सबेटोरा मुनेह आरतुन पोसि, देवुळतुन जोहर कीतोग़. कीसि आरतुन किळ्हच, तिनदलाह बोटटोग़.


पया ओग़ ओरा संगे जावा उनडलाह उदतोग़. अस्के ओग़ आरतुन तेहचि, देवुळतुन जोहर कीतोग़. कीसि तान किळ्हच ओरिह्‌क ईयलाह आतोग़.


(कय्क नोग़तेकाय, नोग़वेकाय,) बेद मन्कना कुमतगा दास्ता, अद ओनु करब केवो. मति पोटाताहि बेव पोल्‍लोङ तोडटुह्‌क पलते पेसिह्‌ताङ, अवे कोनि मन्कन करब कीस्ताङ,” इन्जि येसु इतोग़.


अदिनेनाह्‌क लेया आंचाळ रांडे आतेक अचोन, कोटुलतोरिह्‌क वळ्ह्‌कलाह अग़ दोर्कवाह, इद्रम कीयि: मुजोह्‌क अनि, पिलाङ-पेकोर कंजि, लोन पोस मनि.


Swiv nou:

Piblisite


Piblisite