1 तिमोति 3:7 - माडिया गोंड पवित्र सास्त्रम

⁷ येसुन नमवोर वने, ओग़ कर्तुळ मन्कल इन्जि ऊळनुर, इद्रमलेह्‌का मुक्याल ताकना गावले. अद्रम ताकवेके, ओना लजा दायग़ा, (अस्के ओनाङ बोरे केंजोर आयनुर). इद्रम आयना इन्जि, देयह्‌कना मुक्याल ऊळसोर मन्ह्‌ता.

1 तिमोति 3:7 Referans Kwoze

2 कुरिंततोर 8:21

सिरप देवुळता मुनेह मावाङ कबस्क ओप्पनव आयो, मति मन्कलोरा मुनेह वने, माट कसुरलेवप दिसना इन्जि, सीता कीसोर मह्‌नोम.

2 तिमोति 2:26

ओसो नाक विचर वायनदिन कीयिर इनजोर, देयह्‌कना मुक्याल ओरिन एग़्किह कीस तासता. ओर वने बुदि दोर्किह कीसि, देयह्‌कना मुक्याना वदताहि, पिह्‌ट अरतेक अरयनुर बहे.

कुलुसितोर 4:5

किर्स्तुन पुनवोरा संगे मनदह्‌पा, बेस बुदते मन्ह्‌टु. ओरिन किर्स्तुना लोप्पा साक्सि वेहतलाह, मीक मोका दोर्कतेके, तान विळ्समाट.

1 तिमोति 6:9

कोतान जीवा कीयनाह्‌के, सबे रीतिनाङ लाग्वाङ कबस्क पुटिह्‌ताङ. उच्वुर कोतानगा जीवा वाटटाह्‌के, विस्वसताहि लेसतोर. ओसो वेल्‍लाय दुकमतुन, तमा जीवातगा ततोर. अदिह्‌क मता मन्कलोर आयलाह विचर केवालोरगा, पापमते अर्हतनद दोका पुटिह्‌ता.(मोलुल वदतगा एग़्कना लेह्‌कान,) इद्रमता मनमुळ पापमता वदतके ओसीस्ता. ओरा जीवातगा बुदलेवव, दोकाताङ विचर्क पुटिह्‌ताङ, अव ओरिन पूरा बूळेम आयनके ओसीस्ताङ.

1 तिसलुनितोर 4:12

इद्रम मतेके, मीवा ताकमुळि विस्वस केवोरिह्‌क विचर वानाह मनदग़ा, अहे मीट बोनाय पोग़ोन मोता आयविर.

2 कुरिंततोर 6:3

मावा सेवातुन बोरे पास्कनद आयो इन्जि, बेदे पोल्‍लोते, दुस्रोरिह्‌क एग़्कुळ आयमाकि इनजोर पिसिह्‌नोम.

1 कुरिंततोर 10:32

यहुदिरा, यहुदि आयवोरा, ओसो देवुळता विस्वसि मुडोरा बेस्केन अडम आयवालेवा पिसाट.

बळयिर 6:3

अदिनेनाह्‌क मावोरिर! मियग्डाह मीक विचर वातोरु, पका तेल्वतोरु, पवित्र जीवाते निंदतोरु, लोकुर कदर एवालोरु, एळवुर मन्कलोरिन आचाटु. ओरिन माटु गाटो तूसनद सेवातुह्‌क निल्पिह कीकोम.

तीतुस 2:5

कुदतुन आव्रे कीम, दुस्रोन कवमा, लोता कबळते लंडा आयमा, गूनमते ताका, नीवा मुजोना पोल्‍लोते वरेम आस मन,” इनजोर लेया आस्किन काग़्हता पग़यह्‌ताङ. आंचाळ इद्रम मतेक अचोन, दुस्रोर देवुळता पोल्‍लोतुन पास्कोर.

1 तिसलुनितोर 5:22

सबे रीतिनाङ लाग्वाङ पोल्‍लोनग्डाहि जेक मन्ह्‌टु.

1 तिमोति 5:14

अदिनेनाह्‌क लेया आंचाळ रांडे आतेक अचोन, कोटुलतोरिह्‌क वळ्ह्‌कलाह अग़ दोर्कवाह, इद्रम कीयि: मुजोह्‌क अनि, पिलाङ-पेकोर कंजि, लोन पोस मनि.

1 कुरिंततोर 5:12

विस्वस केवोरिन माट नेयम केवालोरल आयवल, ओरिन देवुळि नेयम कीयग़ा. मति विस्वसिरा मुडोरिन नेयम कीयनद कबळ मीवा आंदु. अदिनेनाह्‌क देवुळता सास्त्रमतगा रासतप लेह्‌का: मीवा मुडग्डाहि करब कबळ कीतोन पेसिह कीसीम्ह्‌टु.

बळयिर 22:12

“अद सहरतगा ओर्वोग़ अनन्याल पेदिरतोग़ मन्कल मतोग़. ओग़ मोसानाङ अडोने ताकसोर, देवुळतुन बेस मोळ्कवाल मन्कल मतोग़. दमिस्क सहरतोर सबेटोर यहुदिर ओन्क पका कदर ईंदुर.

बळयिर 10:22

पया ओर इतोर, “मावा माल्काल कुरनेलि इनवाल नूर सीपय्कना दरोगाल मन्ह्‌तोग़. ओग़ मीवा देवुळता पोल्‍लोतुन केंजिसि, तान्क रेयिसि ताकिह्‌तोग़. सबेटोर यहुदिर ओन्क पका कदर ईस्तोर. ओनगा उंद दिया देवुळता देवतुल वासि, ‘सिमोन इनवाल पत्रुनगा कबुर लोहचि, ओन नीवा लोन केया. केयिसि ओग़ वेहतनाङ सबे पोल्‍लोन बेस केंजा’ इता,” इनजोर वेहतोर.

मार्कल 4:11

येसु ओरिन इतोग़, “मीक इतेके, देवुळि तना राजेमताङ मकतव पोल्‍लोन पुनदलाह बुद ईता, मति तानाङ पोल्‍लोन नमवोरिह्‌क बार, इव पोल्‍लोन नना पुन्पिह कीयनव पीटोने वेहतह्‌नन.

3 योहन 1:12

देमेतिरियुस इनवान सबेटोर बेसतोग़ इनजोर इन्ह्‌तोर. सेतेमता इसबते वने, ओग़ बेसतोग़ मन्कल आंदोग़. ओग़ बेसतोग़ इनजोर, माट वने वेहतलाह आतोम. माट वेहतनद सेतेम इनजोर, निमा इतेके पुतिने.

1 तिमोति 3:6

ओग़ु वेल्‍लाजोमताहि येसुसामिन नमिस ताकवाल मनदना गावले. पूना-पूना विस्वसते वातोनु मुक्याल तासमा. तासतेके (“नना सबेटोरिह्‌काय नेह्‌ना मन्कनन इन्जि, ओर नाक मुक्याल आयलाह तासतोर,” इद्रम इनजोरे,) ओग़ पोमाडेङ आयनोग़ बहे. अस्के देयह्‌कना मुक्याह्‌क ईतद सिक्सा इद्रमतोन्कु वने दोर्कग़ा, (बह इतेके अद वने नना बेरोनन इन्जि, देवुळताहि एग़ता).