1 तिमोति 3:14 - माडिया गोंड पवित्र सास्त्रम

^14-15 इंजेके नियके चट्पिट वायकन इन्जि, नावा आसा मन्ह्‌ता. मति बहाय आसि, आल्सेम आतेक बारा, इद सीटि नीक रासिसीय्ह्‌नन. देवुळता लोतोर बेद्रम ताकना, तेन निमा पुनदना इन्जि, इव पोल्‍लोङ नीक वेहतह्‌नन. देवुळता लोतोर बोर इतेके, किर्स्तुन नमवालोर जीवात मनदनद देवुळता मुलु. बेद्रमलेह्‌का रायिना, जोताना, आदरते लोन नितह्‌ता, अद्रमलेह्‌काने विस्वसिरा मुल बेगा बेस ताकिह्‌तोर, अगा देवुळता सेतेम पोल्‍लो नितह्‌ता.

1 तिमोति 3:14 Referans Kwoze

पिलेमोन 1:22

मीट नयेनाह्‌क पार्तना कीयलाह आतिर. अदिह्‌क देवुळि मीवा पार्तनातुन केंजिसि, नाक जेलतग्डाह विळ्सिह कीयग़ा इनजोर, नावा आसा मन्ह्‌ता. नाक विळ्सतस्के मियगा वायकन, नयेनाह्‌क रोमलाह उंद अरा तयर कीस तासा.

1 कुरिंततोर 11:34

बोन्काय कग़्व वसतेके, ओग़ तना लोन तिन्ज वायेग़. अस्के मीट जमा आतस्के, सबेटोरिह्‌क आलनाह तिनदा दोर्कग़ा. अद्रम केवेके, देवुळताहि सिक्सा दोर्कग़ा. इंजेके पिसताङ पोल्‍लोन बह कीयनद, नना मियगा वातस्केन वेहतकन.

3 योहन 1:14

मति नीक बेस्के कलियकन अस्केन, माट ओर्विह्‌क-ओर्वोग़ मोकम मुनेह वळ्ह्‌ककल इन्जि, नना आसा कीयलाह आतन.

2 योहन 1:12

इंजेके मीक वेहतलाहि, नयगा वेल्‍लाङे पोल्‍लोङ मन्ह्‌ताङ; मति अविस्किन नना सीटटे रासोन. बह इतेके ननाने मियगा वायकन अस्के, माट ओर्विह्‌क-ओर्वोग़ मोकम मुनेह वळ्ह्‌ककल इन्जि, आसा कीयलाह आतन. अस्के माट बेस-नेह्‌ना गिर्दा आयकल.

इब्रितोर 13:23

मावा ऐंगेटोग़ तिमोति जेलताहि पेसतोग़, इदिन मीट पुनदना इन्जि, कबुर वेहतह्‌नन. ओग़ इगा चट्पिट एवतेके, माट ऐंगे मियगा वायकोम.

1 तिमोति 4:13

नना अके वानाह्‌जोम, देवुळता सास्त्रमताङ पोल्‍लोन विस्वसिरा मुनेह अर्वना, ओरिह्‌क दीरा वानाह वेहतना, ओरिन काग़्हतना, इद कबळते मन.

1 तिमोति 3:13

विस्वसिरा मुडगा बोर बेस-नेह्‌ना सेवा कीस्तोर, ओरा पेदिर पेसग़ा, किर्स्तु येसुनगा ओरा विस्वस पका मेग़्कग़ा.