1 तिमोति 1:9 - माडिया गोंड पवित्र सास्त्रम

^9-10 इद पोल्‍लो माक एर्का मन्ह्‌ता इतेके, सेतेमतोर मन्कलोरेनाह्‌क काय्दा तासोर. मति काय्दातुन माळवोरु, कैंगम आयवालोरु, देवुळतुन नमवोरु, पाप्यहलोरु, देवुळतके सीता केवोरु, देवुळतुन मान एवोरु, तलोग़-तपेन हव्कवालोरु, मन्कन हव्केर, सिंड्रि-साट्याल आयवालोरु, आंचाळ-कोय्तोग़ कलियतपु कोय्तोना संगे कोय्तोग़ मनवालोरु, मन्कन कलिस वमवालोरु, जोलहालोरु, जोल साक्सि एवालोरु, ओसो बोराय सेतेमता काग़्हमुळतुन माळवोरु, वेरा लेह्‌काडोरेनाह्‌के काय्दा तासिह्‌तोर.

1 तिमोति 1:9 Referans Kwoze

गलातितोर 3:19

मोसानाङ अडोन पया देवुळि बाराह्‌कु ईता इतेके, अब्रहम मुय्तोना कूळतोन्क, इतेके किर्स्तुह्‌कु, देवुळि पोल्‍लो विळ्सिस मता, अयो? ओग़ वानाह्‌जोम, माट पापमतोरल आय्ह्‌नल इदिन पुनदलाहिये, देवुळि माक अडोङ वने ईता. इव अडोनु देवुळ तनाङ देवतुल्कना मेटे ईता, मोसा मुय्तोग़ अस्के कलियिह केवाल मतोग़.

1 पत्रु 4:18

सास्त्रमते रासतपु, सेतेमतोग़ मन्कह्‌के बेरा तिपलते पिसमुळ आस्ता इतेके देवुळता सीता केवोरु पापि लोकुर, वेरा बह आयग़ा?

रोम सहरतोर 5:20

देवुळि लोकुरिह्‌क अडोङ बाराह्‌कु ईता इतेके, ओर अडोङ देहचोर, तमा पापम बुदतुन बेस पुनदना इनजोरे. मति लोकुर बेचोन पापम कीसोर अतोर, अचोने देवुळता दया वीळसोर अता.

तीतुस 3:3

मुने माट वने बुद तेळियवोरल मतल. पोल्‍लोङ केंजवोरल मतल. माट नाळेम आस मतल. दुस्राङ-दुस्राङ लाग्वाङ लालुस्कना कय इळ्न मन्जि, विचर वातप कींदल. लाग्वाङ कींदल, कुळ्सा अंदल. दुस्रोरिह्‌क एग़्ङ वावालोरल मंदल, ओसो माट वने ओर्विह्‌क-ओर्वोग़ कोटुल कींदल.

रोम सहरतोर 6:14

इंजेक मोसानाङ अडोङ आयो, मति देवुळता दयाये मीक ताकिह कीस्ता, इदिन सीता कीम्ह्‌टु. अदिनेनाह्‌क पापम मीवा माल्काना लेह्‌का आयनद आयो.

तोहचीतव पोल्‍लोङ 22:15

मति देवुळताङ पोल्‍लोन पास्कवालोरु, ओदेङ पंडवालोरु, साट्याल कबळ केवालोरु, हव्कवालोरु, पेन-बोमान मोळ्कवालोरु, जोल पोल्‍लोङ कीयलाह गिर्दा आसि मनवालोर सबेटोरु, अद सहरता लोप्पा ओळिय पग़वोर.

तोहचीतव पोल्‍लोङ 21:8

मति रेयवालोर मन्कलोरु, विस्वस विळ्सतोरु, करब बुदतोरु, हव्कवालोरु, साट्याल कबळ केवालोरु, ओदेङ पंडवालोरु, पेन-बोमान मोळ्कवालोरु, सबेटोर जोलहालोरु, नना ईयनविन दोर्किह केवोर. मळ्गनद किसबटि ओरा तूस आयग़ा. इदे पयाडा हामुर मन्ह्‌ता,” इता.

तीतुस 1:16

देवुळतुन पुतोम इनजोर, सबेटोरा मुनेह ओर वेहतह्‌तोर. मति ओर जोल कीयलाह आतोर इनजोर, ओराङ कबस्क तोहतह्‌ताङ. ओर देवुळतुह्‌क एग़्ङ वानाह मन्ह्‌तोर, ओर ताना पोल्‍लोतुन केंजवोर आंदुर, अहे बेदे बेसता कबळतुह्‌क ओजोर.

1 पत्रु 3:20

इव हानस्कु बेव इतेके, मुनेता कालमतोग़ नोहा मुय्तोग़ ओडा पंडनेके, देवुळता पोल्‍लो केंजवोराङ जीवाङ; अस्केडोर लोकुर तमा पापमताहि मिळ्न्दिसि, देवुळतुन नमनुर इन्जि, ओडा मारनाह्‌जोमु देवुळ अग़ ऊळसोर मता. मति सिरपि आटे लोकुर देवुळतुन नमिसि, अद ओडाते उदताह्‌कु, बूममेंड आतद उड्राताह पिसतोर.

2 तिसलुनितोर 2:8

ओग़ मायतस्केने, देवुळताङ अडोन पास्कवाल दिसनोग़. मति येसुसामि वातस्के, ओग़ अडोन पास्कवान तना ऊकुरते हव्कनोग़. येसुसामि वायनदिन ऊळिसिये, ओग़ लाग्वोग़ु बूळेम आयनोग़.

रोम सहरतोर 4:13

पूरा बूम मीके आयग़ा इनजोर, देवुळि अब्रहमिह्‌कु, ओना कूळतोरिह्‌कु, पोल्‍लो विळ्सिस मता.मोसानाङ अडोन अब्रहम माळताह्‌कु, अद्रम पोल्‍लो विळ्सो; मति ओग़ विस्वस कीताह्‌कु सेतेमतोग़ आतोग़, अदिह्‌के कीता(अब्रहम इतेक मोसाह्‌काय मुनेता कालमतोग़ आंदोग़).

मत्याल 10:21

“विस्वसलेवोग़ तमोग़ बार तना विस्वसि दादानु, ओसो विस्वसलेवोग़ तपे बार तना विस्वसि मग़िनु हव्कलाहि पोसीयनुर. विस्वसलेवोर मग़्क-मयास्‍क विस्वसिर तलोग़-तपेरा विरुद तेदिसि, ओरिन हव्कलाह वेहतनुर.

1 पत्रु 2:7

बोर येसुन नमिह्‌तोर, ओरिह्‌क ओग़ असलतोग़े! मति बोर ओन नमोर, ओरा लोप्पा सास्त्रम इह वेहतह्‌ता: बेद बंडातुन बेल्दर्कु पोहचीतप ऊळतोर, अदे बंडा इंजेके आदरता मोदुल-बंडा आता. (अद्रमे ओर नमवोरु येसुसामिन पोहचीतप ऊळिह्‌तोर.)

इब्रितोर 12:16

इसकना मग़ि एसाना लेह्‌कान बोग़े साट्याल कबळ केमाकेग़, अहे देवुळतुन मुर्तिय सीता केवप मनमाकेग़. ओग़ तनगा मनदनद माळा मग़ना अदिकरतुन सीता केवा, उंद पूटाता गुग्रानेनाह्‌क, अद अदिकरतुन तनतमिह्‌क वमिसीतोग़.

गलातितोर 5:18

पया बेचानाह मीक देवुळता जीवा ताकिह कीस्ता, अचानाह मीट अडोना इळ्न इलविर.

1 तिमोति 4:7

सेळोस्क वेहतनव पीटोना लेह्‌काडाङ, देवुळतुन सीता केवव पोल्‍लोनु, ओसो बुदलेवव पोल्‍लोन केंजमा. मति निमा देवुळतुह्‌क विचर वानाह पिसलाह, कग़यसोर मनु.

1 तिमोति 6:20

मन्कलोर देवुळतुन सीता केवा, लाग्वाङ-लाग्वाङ वेहतह्‌तोर. (माट काग़्हतद पोल्‍लोतुन विळ्सिस,) एत्लम पोल्‍लो काग़्हतह्‌तोर; ओसो अदिन निटम बुदता पोल्‍लो इन्ह्‌तोर. तिमोति, निमा ओरगा अनमा, मति देवुळि नीवा कयदे ईतद कबळतुन बेस-नेह्‌ना तासा.

2 तिमोति 2:16

देवुळतुन सीता केवा, उगस-उगसताङ पोल्‍लोङ वळ्ह्‌कवालोरगा अनमा. अद्रम वळ्ह्‌कवालोर देवुळतग्डाहि पका जेक आसोर दास्तोर.

2 तिमोति 3:2

मन्कलोर दुस्रोरिन सीता केवा, कुदतासाटिये आलिह कीयनुर, कोताना लालुस कीयनुर, पोग़यसोर तिरियनुर, मोर्दोप आयनुर, देवुळतुन पास्कनुर, तलोग़-तपेरा पोल्‍लो केंजोर आयनुर, दुस्रोर बेस कीतदिन सीता केवोर आयनुर, देवुळतुन मुर्तिय सीता केवोर आयनुर,

तीतुस 1:6

इद्रमतोर मन्कलोरिन मुक्यालोर इन्जि निल्पिह कीम: ओर बाताले कसुर दोर्कवप मनदना, दुस्राङ बेविस्किने ऊळवा उंदिय मुतेन पोस मनवालोर, ओराङ पिलाङ-पेकोर विस्वसिर मनदना, ओरु लजालेवा करब कबस्क केवालोर, कैंगम आयवालोरु इनजोरे, ओरिन बोग़े इनवोग़ मनदना. (अद्रमतोर मन्कलोर मतेक अचोन, ओरिन विस्वसिरा मुक्यालोरइनजोर, निल्पिह कीम.)

तीतुस 1:10

नना इद्रम बाराह्‌क रासिह्‌नन इतेके, करेते तोग़-देसेमतगा कैंगम आयवालोर वेल्‍लाटोर मन्ह्‌तोर. अहे उगसताङ वेहतह्‌तोर, ओसो मन्कलोरिन नाळेह कीस्तोर. उच्वुर यहुदि विस्वसिर कोनि, इद्रम पका कीस्तोर. ओर बह इन्ह्‌तोर इतेके, सबेटोर विस्वसिर डायना रिवज कीयना इनजोर इन्ह्‌तोर.

यहुदाल 1:15

ओग़ सबेटोर मन्कलोरिन नेयम कीयलाह वायनोग़. देवुळतुह्‌क विचर वावाह कीतव लाग्वाङ कबस्क कीतोरिनु, अहे तना विरुद ओप्पवव पोल्‍लोङ वळ्ह्‌कतोरिनु, सिक्सा ईयलाह, वायनोग़” इनजोर, हनोक मुनेन वेहतोग़.