1 तिमोति 1:17 - माडिया गोंड पवित्र सास्त्रम

¹⁷ अदिह्‌कु मावा अमेसा मनदनदु, बेस्केन मायवदु, मन्कह्‌क दिसवदु देवुळराजाल, अदे सेतेम देवुळ इनजोरे, तान्कु अमेसा-अमेसातुह्‌क मान आयि, जोहर आयि. अहे आयि.

1 तिमोति 1:17 Referans Kwoze

यहुदाल 1:25

मावा येसुसामि किर्स्तुना मेटे, माक पिसिह कीयनदु, अद वग़य देवुळि. अदे देवुळतुह्‌क, अता कालमते वने, इंजेक वने, अमेसा-अमेसातेनाह्‌क डीसा तानाये; मान तानाये; लाव तानाये; अदिकर तानाये इनजोर, मन्कलोर इनिर. आमेन.

तोहचीतव पोल्‍लोङ 19:1

इव सबे आतापया, पोग़ोन देवुळदीपतगा वेल्‍लाय मुलु रोदा पोयतना लेह्‌का, रोदा पोयतनद केंजतन. ओर इद्रम इतोर: “हलेलुया! मावा देवुळिये मन्कलोरिन पिसिह कीयनदु; अदे मान ईयना लायकता आंदु. अदे लावता देवुळि.

तोहचीतव पोल्‍लोङ 17:14

“गोरेपिलाता संगे वेर राजालोर लळय कीयनुर; मति गोरेपिला सामिरा सामि, राजालोरा राजाल मताह्‌कु, अद तना केयतोर, आचतोर, विस्वसिरा संगे, वेर राजालोरिन गेल्सग़ा.

कुलुसितोर 1:15

देवुळबाबाल दिसोग़ मति, ओना मग़ि येसुन ऊळतस्के, देवुळबाबान ऊळतपे आंदु. दुनियाते पंडटव सबेटविना पोग़ोन येसुनाय अदिकर मन्ह्‌ता.

तोहचीतव पोल्‍लोङ 19:16

ओना गेंदेतगा ओसो कोग़्कतगा तना पेदिर रासिस मता. अद इद्रम मता: “सबेटोर राजालोरा राजाल, सामिरा सामि” इनजोर मता.

रोम सहरतोर 1:23

अमेसा मनदनद देवुळतुन, निमान बेरा डीसातोनिन इनजोर मोळ्कना वाटो, रेंड दियाङ मनवालोर मन्कलोरा, पिटेना, जन्वर्कना, तरस्कना लेह्‌काडाङ बोमाङ पंडटोर; ओसो अविस्किन पेन्क इनजोर मोळ्किह्‌तोर.

तोहचीतव पोल्‍लोङ 19:6

इतस्के पया वेल्‍लाटोर लोकुर रोदा पोयतना लेह्‌काडा लेङ केंजतन. एताङ राल्क नेकना लेह्‌का, ओसो पका गुळ्न्जना लेह्‌का, अद केंज वांदु. अद लेङ इद्रम इंदु: “हलेलुया! सामि, मावा देवुळि, बेरा डीसाता, राजेम ताकिह कीस्ता.

1 योहन 4:12

बोग़े बेस्केन देवुळतुन ऊळोग़; मति माट ओर्विह्‌क-ओर्वोग़ जीवा कीतेकेने, देवुळि मावा जीवातगा जागा आस्ता. जागा आसि, मयगा मनदनद ताना गूनमि लोकुरिह्‌क पूरा दिसिह्‌ता; (अस्के देवुळतुन ऊळवेकाय, ओर तान पुनदा पग़यह्‌तोर.)

योहन 1:18

देवुळतुन बोग़े बेस्केन ऊळोग़. मति देवुळबाबाना संगे गट्ने मनवाल तना वग़ोग़ मग़ि, ओग़े माक बाबानु पुन्पिह कीतोग़.

मत्याल 6:13

ओसो कंदाता वेलाते माक पापमते अर्हमा, मति माक देयह्‌कना मुक्यानाहि पिसिह कीमु. [राजेमि, लावु, डीसाङ इव अमेसाताङ नीवाङे मन्ह्‌ताङ. माट ताल्ह्‌कतप आयि.]”

तोहचीतव पोल्‍लोङ 15:3

ओर देवुळता सेवातोग़ मोसा मुय्तोना पाटातुन (तान गोरेपिलाता पाटा वने इन्ह्‌तोर), इद्रम वाग़तोर: “ए बेरा डीसाता, सामि देवुळतिन! नीवाङ कबस्क बेराङ, बामिह कीयनव मन्ह्‌ताङ! ए सबे जातिनोरा राजानिन! निमा बेदाय कीतेके, निटमे कीय्ह्‌निन, सेतेमते कीय्ह्‌निन.

तोहचीतव पोल्‍लोङ 7:12

“आमेन! मावा देवुळिये सबेट्क बेरा, डीसा तानाये, बुदि तानाये, तान जोहर कीकल, तान मान ईकल, अदिकर तानाये, लाव तानाये, आमेन!” इनजोर इताङ.

2 पत्रु 3:18

अद्रम आयवा, माक पिसिह केवाल मावा किर्स्तु येसुसामिना देय्वाते ओसो बुदते, बेस बेर्ससोर अन्ह्‌टु. इंजेक वने, अमेसा-अमेसातुह्‌क वने, ओने मन्कलोर मान ईसि मोळ्किर! आमेन.

1 पत्रु 5:11

देवुळि अमेसा अमेसात्कु राजेम कीयि! अहे आयि!

इब्रितोर 11:27

विस्वस कीताह्‌कु, मोसाल मिसरि राजाना ओङतुन रेयवा, मिसर देसेमतुन विळ्सिस अतोग़. मन्कलोर ऊळ पग़वद देवुळतुन, तना ऊळतप लेह्‌कान, मेग़्किस मतोग़.

रोम सहरतोर 16:27

ताना बुदतगा बातय कमि इले, अद येसु किर्स्तुन मयगा लोहताह्‌कु, इदे देवुळतुन माट अमेसा-अमेसातुह्‌क जोहर कीकल. आमेन.

रोम सहरतोर 11:36

बाराह्‌क इतेके, सबे देवुळतग्डाहिये पुटटाङ, तानाय कयदे सबे ताकिह्‌ताङ, तानेनाह्‌के सबेटव मन्ह्‌ताङ. तान्के अमेसा-अमेसातुह्‌क मान आयि! आमेन.

रोम सहरतोर 2:7

बोर मन्कलोर आरेम आयवा, बेसताङ कबस्क कीसि, देवुळतग्डाहे मान, कदर,अमेसाता पिसमुळ दोर्किह कीयलाह ऊळिह्‌तोर, ओरिह्‌क देवुळि अमेसाता पिसमुळ ईयग़ा.

रोम सहरतोर 1:20

इतेके देवुळ पंडटव सबेटव, बूम पुटटस्केडाहि लोकुरिह्‌क दिसिह्‌ताङ. देवुळता बेस्केन मारवद लावु, ताना बुदि, इद मन्कलोरिह्‌क दिसवेक तेला, देवुळ पंडटविन ऊळतेके, इव पोल्‍लोङ ओरिह्‌क बेस-नेह्‌ना पुनदनाह आस्ताङ. अदिनेनाह्‌क देवुळतुन पुनोम इनजोर, ओर इंजेक इनदा पग़वोर.

मत्याल 28:20

अह कीसि, बेव अडोङ मीक नना माळलाह वेहतन, अव कतम अडोनु ओरिह्‌कु माळलाह काग़्हाटु. ओसो ऊळाटु, इद बूमता आक्रि एवनाह, नना अमेसा मीवा तोळ मह्‌नने!” इन्जि इतोग़.

मत्याल 25:34

“अस्के नना नावा तिनळतोर सेतेमतोरिन इनदकन, ‘ओ नावा बाबाल देय्वा ईता लोकुरिर, बूम पुटटग्डाहि ओग़ मियेनाह्‌क इन्जि, बेद राजेमतुन ओप्पे कीस तासतोग़, अद राजेमता अदिकर मीट वासि एनाटु.

योहन 5:44

मीट ओर्विनेनाह ओर्वोग़ कदर पर्ह्‌किह्‌निर, मति वग़य देवुळतेनाह दोर्कनद कदरतुन बार पर्ह्‌कविर इतेके, मीट बेद्रम विस्वस कीया पग़यकिर!

रोम सहरतोर 2:10

मति बेसताङ कबस्क कीसोर अनवालोरिह्‌क बार मान, कदर, सुकम ईयग़ा; मुने यहुदिरिह्‌क ईयग़ा, ओरा संगे यहुदि आयवोरिह्‌क वने.

इब्रितोर 2:7

मन्कलोरु नीवा मुनेह बातय इलेर, तेला मति, निमा मान्वनु मान-डीसाते निल्पिह कीतिन, ओनु देवतुल्किह्‌काय इचुने कमि कीतिन.