1 तिमोति 1:1 - माडिया गोंड पवित्र सास्त्रम

¹ नना पोलुनन इद सीटि रासवानन. माक पिसिह कीतद देवुळि, ओसो माक आसा एवाल येसु किर्स्तु, वेर इर्वुर नाकु येसु किर्स्तुना बळयि आयना इन्जि तासतोर.

1 तिमोति 1:1 Referans Kwoze

बळयिर 9:15

इतस्के येसु इतोग़, “आयो, निमा ओनगा अन. बाराह्‌क इतेके, नावा पोल्‍लोतुन यहुदि आयवोर दुस्राङ जातिनोरगा, ओरा राजालोरगा, ओसो इस्रयेल लोकुरगा इतेके यहुदिरगा एव्सिह कीयलाहि, ओग़ नावा आचतोग़ सेवक आंदोग़.

यहुदाल 1:25

मावा येसुसामि किर्स्तुना मेटे, माक पिसिह कीयनदु, अद वग़य देवुळि. अदे देवुळतुह्‌क, अता कालमते वने, इंजेक वने, अमेसा-अमेसातेनाह्‌क डीसा तानाये; मान तानाये; लाव तानाये; अदिकर तानाये इनजोर, मन्कलोर इनिर. आमेन.

1 पत्रु 1:3

मावा सामि येसु किर्स्तुना देवुळबाबाह्‌कु जोहर आयि! ओग़े माकु पका जीवा लोपताह्‌कु, माकु पूना मनमुळ दोर्कता. इद बेद्रमता मनमुळ इतेके, देवुळबाबाल येसुसामिनु हामुरताहि जीवा अर्ह्‌चीताह्‌कु, माकु उंदि बेस्केन मायवद आसा दोर्कता.

1 तिमोति 1:12

नीवा पोग़ोन नना बर्वस तास पग़यकन इन्जि, मावा येसुसामि किर्स्तु तना बेसता कबुर वेहतनद सेवातेनाह्‌क, नाक निल्पिह कीतोग़. अद सेवा कीयलाह, लाव वने ईतोग़. अदिह्‌क निमा बेचोनु गूनम तोहवानिन सामि इन्जि, ओन इह्‌नन.

गलातितोर 1:1

नना पोलुनन, येसु किर्स्तुना बळयिनन, ननाये इद सीटि रासवानन. नना मन्कना कयदे बळयिनन आयोन, ओसो मन्कना मेटे वने बळयिनन आयोन; मति येसु किर्स्तु, ओसो वेन हामुरताहि तेग़्किह कीतोग़ देवुळबाबाल, वेरे इर्वुर नाकु बळयि आयनोग़ इन्जि तासतोर.

2 कुरिंततोर 1:1

देवुळता विचरते किर्स्तु येसुना बळयि आयलाह, अद निल्पिह कीतोनन पोलुनन. नना कुरिंत सहरते मनवालोर देवुळता मुडोरिर मीकु, ओसो मीवा अकाया पटटोर सबेटोर देवुळता मन्कलोरिह्‌क, इद सीटटुन रासिह्‌नन. मावा तोळतोग़ विस्वसि तिमोति, नावा संगे इगा मन्ह्‌तोग़.

2 पत्रु 1:1

नना सिमोन पत्रुनन, येसु किर्स्तुना सेवकनन, ओना बळयिनन, मीट विस्वसिरिह्‌क इद सीटि रासलाह आतन. माक पिसिह केवाल मावा देवुळि येसु किर्स्तु, बोनाये मोकम ऊळवा, मावा संगे सेतेमते ताकिह्‌तोग़. अदिह्‌क ओनग्डाहि, माट बळयिरिह्‌क दोर्कतद विस्वसता बराबरेन, मीक वने दोर्कता.

1 तिमोति 2:7

अदिनेनाह्‌क इद सेतेम पोल्‍लोतुनु, यहुदि आयवोर वने नमना इन्जि, निमा ओरेके अन्जि वेहवाल-काग़्हवाल, नावा बळयिनिन आयकिन, इह इनजोरे देवुळ नाक लोहता; नना जोल वळ्ह्‌कोन, सेतेमे वेहतह्‌नन.

2 तिसलुनितोर 2:16

माक जीवा कीतोग़ु, माक दया कीसि, बेस्केन मायवद दीरा, अहे बेसतल आसा ईतोग़ु, मावा देवुळबाबाल ओसो मावा येसुसामि किर्स्तु;

1 कुरिंततोर 1:1

देवुळि तना विचरते, किर्स्तु येसुना बळयि आयलाह, निल्पिह कीतोग़ पोलुनन इद सीटटुन रासिह्‌नन. नना मावा तोळतोग़ विस्वसि सोस्तिनेसना संगे इगा मह्‌नन.

1 योहन 4:14

इद दुनियातोरिन पिसिह कीयलाहि, देवुळबाबाल तना मग़िन लोहतोग़ इनजोर, माट ऊळतोम. ओसो अद पोल्‍लो निटमे मन्ह्‌ता इनजोर, साक्सि मह्‌नोम.

1 पत्रु 1:21

येसु मियेनाह्‌क बाताल कीतोग़, तान ऊळिसि मीटु देवुळता पोग़ोन विस्वस तासिह्‌निर. देवुळि येसुनु हामुरताहि जीवा अर्हचि, ओन्कु बेरा पेदिर ईसि तासता. तासताह्‌कु, मीटु देवुळता पोग़ोन विस्वस तासिसि, करलता आसाते मह्‌निर.

तीतुस 3:6

माक पिसिह केवाल येसु किर्स्तुना मेटे, मावा जीवातगा निंदिस बल्क अरनाह, देवुळि तना जीवातुन वळता.

तीतुस 3:4

मति देवुळि तना मग़िन लोहचि, मन्कन बेचोन जीवा कीस्ता इन्जि, तना गूनम तोहचीता. ओसो माक पिसिह कीता. माट बेसताङ कबस्क कीतल इनजोर, माक पिसिह केवो; मति माक ऊळिस, तनाय दयाते पिसिह कीता. पापम एडनाह मावा जीवातुन नोग़ता, ओसो तना पवित्र जीवाते मावा जीवातुन पूना कीसि, माक पूना पुटमुळ ईता.

तीतुस 2:13

माट इद्रम पिससोर, पका बेसता पोल्‍लोतुन आसा कीयलाह आतल इतेके: माक पिसिह केवाल बेरोग़ येसु किर्स्तु देवुळि, तना डीसाते बूमतगा वायनद दिसग़ा इनजोर, आसा कीयलाह आतल.

तीतुस 2:10

कले कबळ केमाकिर, मति माल्काल ओरगा बर्वस कीतप लेह्‌का, नाळेह केवालेवा कबळ कीयिर. इद्रम सबे पोल्‍लोने, माक पिसिह कीयनद देवुळि काग़्हतद पोल्‍लोतुन, मन्कलोर मान ईयना लेह्‌का कबळ कीयिर.

1 तिमोति 4:10

इद पोल्‍लोतेनाह्‌क माट एपुर पेसनाह कह्‌टेम कीतोम, ओसो लळेम आयलाह आतोम. जीवात मनदनद देवुळता पोग़ोन आसा तासतोम. अद सबेटोरिन पिसिह कीस्ता, कासा इतेके विस्वसिरिनु.

1 तिमोति 2:3

कतमतोरे देवुळता सेतेम पोल्‍लोतुन पुन्जि, पापमताहि पिसलाह तनेके मिळ्न्दना इन्जि, देवुळता विचर मन्ह्‌ता. अदिह्‌कु इद्रमलेह्‌का पार्तना कीयनदु, माक पिसिह कीयनद देवुळतुह्‌कु बेस विचर वास्ता.

गलातितोर 1:11

मावोरिर, बेस केंजाटु! बेद बेसता कबुरतुन नना मीक वेहच मतन, अद मन्कना बुदता आयो.

1 कुरिंततोर 9:17

नना नावा विचरते बेसता कबुरतुन वेहतना इतेके, नाक बूत दोर्कालि. मति इद कबळतुन देवुळि नावा कयदे कीसीता. अदिनेनाह्‌क नाक विचर वावेक वने, इद कबळतुन कीयाय पोयह्‌ता.

रोम सहरतोर 1:1

नना पोलुनन, येसु किर्स्तुना कय इळ्न मनवानन; ओना बळयि आयलाह देवुळि नाक आचता. तना बेसता कबुर वेहतलाह नाक एग़िह कीता.

लूकाल 1:47

नाक पिसिह कीयनद देवुळि नावा जीवात्क बेस गिर्दा ईस्ता.

लूकाल 2:11

नेंडु दाविद राजाना नाटे, देवुळ लोहतोग़ु मीक पिसिह केवाल पुट वातोग़, ओग़े सामि किर्स्तु आंदोग़.