1 तिसलुनितोर 5:22 - माडिया गोंड पवित्र सास्त्रम

²² सबे रीतिनाङ लाग्वाङ पोल्‍लोनग्डाहि जेक मन्ह्‌टु.

1 तिसलुनितोर 5:22 Referans Kwoze

2 कुरिंततोर 6:3

मावा सेवातुन बोरे पास्कनद आयो इन्जि, बेदे पोल्‍लोते, दुस्रोरिह्‌क एग़्कुळ आयमाकि इनजोर पिसिह्‌नोम.

पिलिपितोर 4:8

मावोरिर! इद उंद पोल्‍लो पिसता, बेव पोल्‍लोङ बेस-नेह्‌ना, असलताङ मन्ह्‌ताङ, अवे पोल्‍लोने सीता कीसोर मन्ह्‌टु: इतेके बर्वस लायकताङ पोल्‍लोङ, मानेम आयना लेह्‌काडाङ पोल्‍लोङ, सेतेमताङ पोल्‍लोङ, पवित्र पोल्‍लोङ, गिर्दाताङ पोल्‍लोङ, बेस विचर वायनव पोल्‍लोङ, इविस्किने सीता कीसोर मन्ह्‌टु.

रोम सहरतोर 12:17

सबेटोरिह्‌क बेस ओप्पनव पोल्‍लोना विचर कीसोर ताकाटु. मीवा मेटे बेचोन आया पग़यह्‌ता अचोन, सबेटोरा संगे गूनमते मन्ह्‌टु. बोराय मीवा नुस्कन कीतेके, ओरिन कोदा पोयमाटु.

यहुदाल 1:23

उच्वुर मन्कलोरिन देयमदीपता किसताहि पेहतना लेह्‌कान, पिसिह कीम्ह्‌टु. ओसो उच्वुर मन्कलोरिन ऊळिस, दया कीम्ह्‌टु; मति ओर कीयनद पापमते, मीट वने एग़्कनद आयो इनजोर, उसरते मन्ह्‌टु; ओरा पापमता माच मीक तुंडमाकि.

1 कुरिंततोर 8:13

अदिनेनाह्‌क नना तिनदनद तिंडटा मेटे, नावा ऐंगेटोग़ विस्वसि पापमते अरतेके, ओग़ पापमते अरमाकेग़ इनजोर, नना जीवात मनाह, मुर्तिय अविङ तिनोन आयकन. मीट वने इदे विचर कीम्ह्‌टु.

1 तिसलुनितोर 4:12

इद्रम मतेके, मीवा ताकमुळि विस्वस केवोरिह्‌क विचर वानाह मनदग़ा, अहे मीट बोनाय पोग़ोन मोता आयविर.

1 तिसलुनितोर 5:21

मति सबे पोल्‍लोङ (देवुळतग्डाह मन्ह्‌ताङा, इलेङ इनजोर,) सेतेम पर्ह्‌किस ऊळाट. बेव सेतेम पोल्‍लोङ मन्ह्‌ताङ, अविस्किन पोस मन्ह्‌टु.

1 तिसलुनितोर 5:23

सुकम ईयनद देवुळि मीक पूरा पवित्र कीयि; मीवा बुदतुन, मीवा जीवातुन, मीवा मेंदुलतुन पूरा राका कीयि; अस्के मावा येसुसामि किर्स्तु ओसो वायह्‌पा, मीट बेदे कसुरलेवा मनदकिर.