1 तिसलुनितोर 4:9 - माडिया गोंड पवित्र सास्त्रम

⁹ इंजेके ओर्विह्‌क-ओर्वोग़ तमोग़-दादाना लेह्‌का जीवा कीयनद पोल्‍लोतुन, मीक रासलाहि गर्ज इले. ओर्विह्‌क-ओर्वोग़ जीवा कीम्ह्‌टु इनजोर, देवुळि तनाय मीक काग़्हता.

1 तिसलुनितोर 4:9 Referans Kwoze

1 योहन 3:11

माटु ओर्विह्‌क-ओर्वोग़ जीवा कीसोर मनदना, इद पोल्‍लोतुन इतेके, मीट सबेटोरिर विस्वसते वातग्डाह केंजतिर.

रोम सहरतोर 12:10

तमोग़-दादाना लेह्‌कान, ओर्विह्‌क-ओर्वोग़ जीवा कीम्ह्‌टु. ओर्विह्‌क-ओर्वोग़ उड्ला बुदते मान ईयलाह उसर आम्ह्‌टु.

1 योहन 3:23

अद्रमे तना मग़ि येसु किर्स्तुना पोग़ोन, माट विस्वस कीयना इनजोर, देवुळ उकुम ईता. अद्रमे माट ओर्विह्‌क-ओर्वोग़ जीवा कीयना इनजोर बार, किर्स्तु उकुम ईतोग़.

1 योहन 4:21

देवुळि माक इद्रम उकुम ईता: बोग़ देवुळतुन जीवा कीस्तोग़, ओग़ तना ऐंगेटोग़ विस्वसिन वने जीवा कीयना गावले.

इब्रितोर 13:1

मीट उंदिय लोतोरा लेह्‌कान, ओर्विह्‌क-ओर्वोग़ जीवा कीसोर मन्ह्‌टु.

1 तिसलुनितोर 5:1

कले नग़्का कुस्क्ने वायना लेह्‌कान, सामि ओसो वायनद दिया वने मनदग़ा इनजोर, मीट बेस पुतिर. अदिनेनाह्‌क मावोर विस्वसिरिर! इंजेके येसुसामि बेस्के मल्स वायनोग़, अस्के बह बह आस्ता इनजोर, मियेनाह्‌क रासलाहि गर्ज इले.

बळयिर 4:32

सबेटोर विस्वसिर उंदिय एकाते मतोर. आपुना-आपुना मादुन बोरे नावा इनजोर इनोर आंदुर; मति सबेटोर मन्कलोर तमा सामनतुन, ओर्विना-ओर्वोग़ काळ्ङसोर पिसिंदुर.

1 योहन 2:10

बोग़ु तना तोळतोग़ विस्वसिन जीवा कीस्तोग़, ओग़ वेह्‌चते मनवाल आंदोग़. ओनगा पापमते अर्हतनद बेदे पोल्‍लो इले.

2 पत्रु 1:7

अद्रम ताकसोर, मीवा तोळतोर विस्वसिरा संगे गूनमते मनदलाह ऊळाटु; अद्रम मन्जि, सबेटोर मन्कलोरिन वने जीवा कीसोर अन्ह्‌टु.

1 पत्रु 4:8

सबेट्काय बेसतल पोल्‍लो बेद इतेके, ओर्विह्‌क-ओर्वोग़ अमेसा पूरा जीवाताहि जीवा कीसोर मन्ह्‌टु. अह कीतिर इतेके, मीटु ओर्वोग़-ओर्विना पापमतुन मापि कीकिर.

1 पत्रु 3:8

(नना बेव-बेव वेहतन, अविना) मोदुल पोल्‍लो इदे आंदु: मीट सबेटोरिर उंदिय विचरते मन्जि, ओर्विह्‌क-ओर्वोग़ जीवा लोपवाल, तमोग़-दादानलेह्‌का जीवा केवाल, दुस्रोरेनाह्‌क जीवा उनेम आयवाल, इद्रमलेह्‌का मन्ह्‌टु. नना बेरोनन इन्जि पोग़यनदायो.

योहन 14:26

तेला मति बाबाल तना पवित्र जीवातुन मीक तोळ मनदलाह लोहतनोग़, अद जीवा नावा अदिकर पोसि मीक कतम काग़्हतग़ा. ओसो बेव गोटिङ नना मीक वेहतन, अविस्किन कतमे अदु सीता कीसि वेहतग़ा.

मत्याल 22:39

ओसो तेनाय लेह्‌का दुस्रा अडो इदु: निमा कुदतुन जीवा कीतपु, दुस्रोरिन वने जीवा कीम.

2 कुरिंततोर 9:1

देवुळता मन्कलोरिह्‌क कोताङ अर्हचि, सेवा कीयनद पोल्‍लोतुन, मीक रासना नाक गर्ज इले.

पिलिपितोर 3:15

माट देवुळतुन बेस पुतोरल, इदे विचरते मनदकल. ओसो बेदाय पोल्‍लोते मीवा दुस्रा विचर मतेके, ताना लोप्पा वने देवुळि मीक सेतेम तोहतग़ा.