1 तिसलुनितोर 4:3 - माडिया गोंड पवित्र सास्त्रम

³ मीट पापमलेवा पवित्र आसोर दायना इनजोर, देवुळता विचर मन्ह्‌ता. इतेके: साट्याल कबळताहि जेक मनदना;

1 तिसलुनितोर 4:3 Referans Kwoze

1 पत्रु 4:2

अहे मीट पिसनाङ दियाङ एवनाहि, मीटु लाग्वाङ विचर्कने ताकलाह गिर्दा आयवा, देवुळता विचरते तिरियसोरे मनदकिर.

1 तिसलुनितोर 5:23

सुकम ईयनद देवुळि मीक पूरा पवित्र कीयि; मीवा बुदतुन, मीवा जीवातुन, मीवा मेंदुलतुन पूरा राका कीयि; अस्के मावा येसुसामि किर्स्तु ओसो वायह्‌पा, मीट बेदे कसुरलेवा मनदकिर.

रोम सहरतोर 12:2

इद दुनियातोरा लेह्‌का ताकलाह मीट ऊळमाटु, मति देवुळ मीवाङ विचर्किन मिळ्हचि, मीक पूना बुद ईयि. अस्के बेद्रम ताकना इन्जि देवुळता विचर मन्ह्‌ता, अदिन मीट पुनदकिर. इद्रमता ताकमुळि नेह्‌नलि, ओसो देवुळतुह्‌क विचर वायनदु, बाताले तपलेवद आंदु.

इब्रितोर 13:4

देवुळि सबे रीतिनाङ सिंड्रि-साट्याल कबस्क केवालोरिन नेयम कीयग़ा. अदिनेनाह्‌क मुते-मुजो देवुळता मुनेह किरिया कीतपु, ऐंगेन सेतेमते मनदना गावले.

इपिसुसतोर 5:17

तेल्वलेवा मनमाटु, मति सामिह्‌क विचर वायनद पोल्‍लो बाताल इनजोर, बेस पुन्ह्‌टु.

कुलुसितोर 3:5

मावा पिसमुळ किर्स्तुनगाने मनाह्‌कु, इद बूमताङ विचर्किन हव्किस पोहाटु: इतेके साट्याल कबळ, साट्याल बुदि, लाग्वाङ विचर्क, लालुस कीयना. बेदिनेनाह्‌क मीवा लालुस मन्ह्‌ता, अदिने मीट मोळ्किह्‌निर.

1 तिसलुनितोर 4:4

पवित्रते मन्जि, दुस्रोरा मुनेह मीट कदरलेवा मनदनद आयो इन्जि, मीट ओर्वोग़-ओर्वोग़ मन्कल साट्याल बुदते ताकवा, आपुना मेंदुलतुन आव्रे कीयना.

गलातितोर 5:19

इंजेके मावा मन्कना बुदताङ कबस्किन माट पुह्‌नले. अव आंदुङ सिंड्रि-साट्याल आयना, लजालेवा विचर वातप कीयना, बोमापूजा, ओदे, कोंटेङ, वह्‌चळि, कोंडा वेयना, ओङु, दुस्रोरा सीता केवा कुदताये पाय्दातुन ऊळनदु, मुडा नडुम पूटपट कीयना, कुळ्सा, कल लोटि आयना, इद्रमताङ वेल्‍लाङे पोल्‍लोङ मन्ह्‌ताङ. इद्रमताङ कबस्किन केवालोरिह्‌क इतेके, देवुळता राजेमते जागा मुर्तिय दोर्को आयग़ा. इद पोल्‍लो नना मुनेन वेहतन, अद्रम इंजेक ओसो मीक वेहतह्‌नन.

1 योहन 2:17

इद दुनिया ओसो, देवुळतुन पुनवोराङ लालुस्क मायसोर दास्ताङ, मति बोग़ देवुळता विचर मतप ताकिह्‌तोग़, ओग़ ताना संगे अमेसा जीवात मनदनोग़.

मत्याल 7:21

“नाकु ‘सामि, सामि’ इनवालोर सबेटोर, देवुळदीपता राजेमते नेङोर आयनुर, मति देवुळदीपतोग़ नावा बाबाना पोल्‍लो वेहतप ताकवालोर, ओरे मात्रम अगा दाया पग़यनुर.

तोहचीतव पोल्‍लोङ 21:8

मति रेयवालोर मन्कलोरु, विस्वस विळ्सतोरु, करब बुदतोरु, हव्कवालोरु, साट्याल कबळ केवालोरु, ओदेङ पंडवालोरु, पेन-बोमान मोळ्कवालोरु, सबेटोर जोलहालोरु, नना ईयनविन दोर्किह केवोर. मळ्गनद किसबटि ओरा तूस आयग़ा. इदे पयाडा हामुर मन्ह्‌ता,” इता.

2 तिसलुनितोर 2:13

मति मावोर विस्वसिरिर, सामि जीवा कीतोरिर! मीट पवित्र जीवाता मेटे सिरसिर आसि, सेतेम पोल्‍लोतुन नमिसि पिसना इन्जि, देवुळि मुनेताहि मीक आचता. अदिनेनाह्‌क मीवासाटि माकु देवुळतुन अमेसा जोहर कीयलाह ओप्पिह्‌ता.

इब्रितोर 10:36

मीट आरेम आयवा मनदना. अस्के देवुळि विचर कीतदिन मीट कीसि, तान मारिह कीकिर. अह कीस देवुळि मीक पोल्‍लो विळ्सिस मतदिन, मीट दोर्किह कीकिर.

इपिसुसतोर 6:6

सिरप ओर ऊळिह्‌पा, बेसता कबळ कीकन इनजोरेन, मीट कबळ केमाटु, मति माट किर्स्तुना ओर्युलतोरोम इन्जि, मीवा जीवाताहि देवुळता विचर मतप कीम्ह्‌टु.

1 कुरिंततोर 7:2

मति साट्याल कबळ कीयलाह, मीक ओयनव पोल्‍लोङ मन्ह्‌ताङ. अदिनेनाह्‌क ओर्वोग़-ओर्वोग़ कोय्तोन्क, तनाय मुते मनदना. ओसो उंद-उंद आंचाह्‌क, तनाय मुजो मनदना.

बळयिर 15:29

“पेन्किह्‌क वाटटव अविङ तिनमाटु, अस्कतापया नेतुरतुन एच तिनमाटु, नेतुर पोववालेवा हव्कतविनाङ अविङ तिनमाटु, साट्याल कबस्क केमाटु. मीट इव पोल्‍लोन बेस पोस ताकतेक अचोन, बेस-नेह्‌ना मनदकिर. अचोने, मारता,” इनजोर रासतोर.

1 तिसलुनितोर 5:18

मीक बाताल आतेकाय, देवुळतुन जोहर कीम्ह्‌टु. मीट किर्स्तु येसुना मुडगा मनवालोरिर, अद्रमलेह्‌काने कीयना इनजोर, देवुळता विचर मन्ह्‌ता.

मार्कल 3:35

बोर देवुळ वेहतप ताकिह्‌तोर, ओरे निटमे नावाङ दादालोर-तमोर, एलास्क-बायिस्कु, तलिस्क आंदुर,” इनजोर येसु इतोग़.

1 पत्रु 1:2

देवुळ आचतोर लोकुरिह्‌कु रासिह्‌नन. मावा देवुळबाबाल मीक मुनेने आचिसि, तना पवित्र जीवाता मेटे, मीकु तना पवित्र लोकुर कीतोग़. बाराह्‌क इतेके, मीट येसु किर्स्तुना पोल्‍लो केंजिसि ताकना, ओसो हव्कनागुटातगा मियेनाह्‌क पोवतद ओना नेतुरते, मीवा पापम एडना इन्जिये, देवुळ मीकु आचता. देवुळताहि मीकु लेकालेवा सुकमि, देय्वा दोर्कसोर मनि!

तीतुस 2:14

मुने माट देवुळता अडोतुन पास्कनव कबस्क कीसोर मतल. मति अव कबस्कनाहि, किर्स्तु माक विळ्सिह कीतोग़. अह कीसि, माक तना मन्कलोर कीयलाह, एडिह कीतोग़. कीसि माक बेसताङ कबस्कने गिर्दा आयवालोर कीयलाहि, किर्स्तु मावासाटि तनाय विचरते, तना जीवा ईतोग़.

कुलुसितोर 1:9

अदिनेनाह्‌क माट इपपरासनाहि मीवा कबुरतुन केंजतग्डाहि, मियेनाह्‌क ऊक-ऊके पार्तना कीसोर मह्‌नोम. मियेनाह्‌क देवुळता बाताल विचर मन्ह्‌ता, इद मीक तेळियना इन्जि, देवुळता जीवा मीक पूरा बुदि ईयि इनजोर, पार्तना कीयलाह आतोम. बाराह्‌क इतेके, देवुळि मियेनाह्‌क विचर कीस तासतद पोल्‍लोतुन पुतेक अचोन, सबे पोल्‍लोने येसुसामिन मान ईसि, ओन्क विचर वानाह ताककिर. इतेके मीट सबे रीतिनाङ बेसताङ कबस्क कीसोर, देवुळतुन बेस पुनजोर दाकिर.

2 कुरिंततोर 12:21

ओसो इद्रम वने रेयतन: मियग्डोर विस्वसिर उच्वुर, ओर्विह्‌क-ओर्वोग़ साट्याल कबस्क, लजालेवा करब कबस्क, इद्रमता पापम कींदुर. ओर तमा पापमता अग़दाहि मलवदिन ऊळिसि, नाक दुकम आनाह आयो बहा; इद्रम नावा देवुळि नाक मीवा मुनेह, लजा वानाह केवो बहा इनजोर रेयतन.

1 कुरिंततोर 1:30

मति देवुळि मीक किर्स्तु येसुना संगे जोळे कीता. किर्स्तुना मेटे माट देवुळतुन पुनदनद बुदि दोर्किह कीतल. किर्स्तुना मेटे माक देवुळ सेतेमतोर कीता, पवित्र मन्कलोर कीता. किर्स्तुये माक पापमता सिक्साताहि विळ्सिह कीतोग़.

बळयिर 26:18

ओरिन ईकळताहि देवुळता वेह्‌चतगा वायनदु,देयमदीपता लावताहि देवुळतके वायनदु, अग़ तोहतलाह नीक लोहतह्‌नन. ओर नाक विस्वस कीतेके, ओरा पापमता मापि आयग़ा, अहे देवुळ आचतोर लोकुरा संगे ओरिह्‌क जागा दोर्कग़ा,’ इनजोर इतोग़.

योहन 4:34

मति येसु ओरिन इतोग़, “बोग़ नाक लोहतोग़, ओना विचर मतप कीयना, ओसो ओना कबळतुन पूरा मारिह कीयना, इदे नावा तिंड आंदु.

मत्याल 15:19

बाराह्‌क इतेके, वायनवु लाग्वाङ विचर्कु, हव्कनदु, सिंड्रि-पोह्‌डेङ कीयनदु, कले कबळ, जोल बयन ईयनदु, वह्‌चळि, इवे पोटालोप्पाडाहि पलत पेसनव आंदुङ.

मत्याल 12:50

बोर नावा देवुळदीपतोग़ बाबाल वेहतपु ताकिह्‌तोर, ओरे नावा दादाललेह्‌का, तमोग़लेह्‌का, एलाळलेह्‌का, अकाललेह्‌का, तलोग़लेह्‌का एरेटोर आंदुर,” इनजोर येसु इतोग़.

कुलुसितोर 4:12

मियग्डोग़ इपपरास, येसु किर्स्तुना सेवक आंदोग़, इंजेके नावा संगे मन्ह्‌तोग़. ओग़ वने मीक जय येसु इन्ह्‌तोग़. मीट विस्वसते मेग़्किस मनदना, देवुळि मियेनाह्‌क तासिस मतव पोल्‍लोन मीट बेस-नेह्‌ना पुनदना, देवुळताङ विचर्किन पूरा पुन्जि, अद्रमलेह्‌का ताकना इनजोर, अमेसा आरेम आयवा मियेनाह्‌क पार्तना कीस्तोग़.

बळयिर 20:32

“इंजेके नना मीकु देवुळता कयदे विळ्सिस ईय्ह्‌नन. ताना दयाता पोल्‍लोतुन सीता कीसोर मन्ह्‌टु. अद्रम सीता कीतेके, अद मीवा विस्वसतुन बेर्सिह कीसोर दायग़ा. ओसो बेद बर्कत देवुळि तना पवित्र लोकुरेनाह्‌क तासतद मन्ह्‌ता, अद बर्कत मीक दोर्कग़ा.

बळयिर 15:20

मति ओरगा इद्रम रासिस लोहतकल, ‘पेन्किह्‌क वाटटव कळ्‍वोग़ आस्ताङ, अविस्किन तिनदनद आयो; साट्याल कबस्क कीयनद आयो; नेतुर पोववालेवा हव्कतविनाङ अविङ तिनदनद आयो, अस्कतापया नेतुरतुन एच तिनदनद आयो,’ इनजोर रासकल.

योहन 7:17

मियग्डाहि बोग़ाय देवुळ वेहतप ताकनद विचर कीयनोग़, ओन्कु इव नना काग़्हतनव गोटिङ बारा नावाङो, आयवेक देवुळताङो इनजोर तेळियग़ा.

इब्रितोर 12:16

इसकना मग़ि एसाना लेह्‌कान बोग़े साट्याल कबळ केमाकेग़, अहे देवुळतुन मुर्तिय सीता केवप मनमाकेग़. ओग़ तनगा मनदनद माळा मग़ना अदिकरतुन सीता केवा, उंद पूटाता गुग्रानेनाह्‌क, अद अदिकरतुन तनतमिह्‌क वमिसीतोग़.

रोम सहरतोर 1:29

अदिनेनाह्‌क ओरु अमेसा सबे लाग्वाङ कबस्क कीस्तोर, कोटुल कीस्तोर, दुस्रोरिन कोंडा कीस्तोर, हव्किह्‌तोर, कूदिङ दास्तोर, नाळेह कीस्तोर, जग्ळाङ पुटिह कीस्तोर, देवुळता अडम मन्ह्‌तोर, पका पोग़यिह्‌तोर, लाग्वाङ आय्डाङ पुटिह कीसोरेन मन्ह्‌तोर, तलोग़-तपेराङ पोल्‍लोङ केंजोर. ओराङ जीवाङ लालुस, मोर्दोप, पोमाडेङ, कुळ्सा, इविस्कने निंदिस मन्ह्‌ताङ.

तोहचीतव पोल्‍लोङ 22:15

मति देवुळताङ पोल्‍लोन पास्कवालोरु, ओदेङ पंडवालोरु, साट्याल कबळ केवालोरु, हव्कवालोरु, पेन-बोमान मोळ्कवालोरु, जोल पोल्‍लोङ कीयलाह गिर्दा आसि मनवालोर सबेटोरु, अद सहरता लोप्पा ओळिय पग़वोर.

मत्याल 5:32

नना मात्रम मीक वेहतह्‌नन, मुते दुस्रोन कववालेवा, बोग़ाय तना मुतेनु देहचीस्तोग़, तेला मति देवुळता मुनेह, अदु ओना मुते इंका मन्ह्‌ताये. अदिह्‌कु अदु दुस्रोन्क आतेके, ओर इर्वुर आसि देवुळता मुनेह सिंड्रि-साट्याल आतोरे. इद्रमि आंचाना मुनेतोग़ मुजो तान देहचीतस्के, तान सिंड्रि आनाह कीस्तोग़.

1 तिसलुनितोर 4:2

येसुसामि माक अदिकर ईताह्‌कु, मीक बाताल बाताल उकुम ईस मतोम, अदिन मीट पुतिर.