1 तिसलुनितोर 2:17 - माडिया गोंड पवित्र सास्त्रम

^17-18 मावोर विस्वसिरिर! नना पोग़ोन रासतपु, गळ्किह्‌क मन्कलोर मियग्डाहि माक एग़िह कीस मतोर, अस्के ओर्विह्‌क-ओर्वोग़ सिरप मोकम ऊळवा मतल, मति मावा सीता मीवाय संगे मंदु. अदिह्‌क ओसोवने मीवा मोकम ऊळलाह, मावा पकाय जीवा पर्ह्‌किंदु, मियगा वायलाह अग़ ऊळसोरेन मंदोम. नना पोलुनन रेंड-मूंड मल्काङ वायलाह ऊळतन, मति देयह्‌कना मुक्याल अडम आस मता.

1 तिसलुनितोर 2:17 Referans Kwoze

कुलुसितोर 2:5

नना कोंडाने दिसलाह मियगा इलेन; मति सीताते मीवा संगेन मह्‌नन. मीट मीवा पिसमुळते बेस-नेह्‌ना पिसलाह आतिर इनजोर, ओसो किर्स्तुन पका मेग़्किस विस्वस कीतिर इनजोर केंजिसि, पका गिर्दा आयलाह आतन.

1 कुरिंततोर 5:3

नना मियगा मेंदुल अग़्के इलोन निटमे! मति सीताते मीवाय संगे मह्‌नन. सीताते मीवाय संगे मन्जि, अद्रमता कबळ कीतोनु, मावा येसुसामिना अदिकरते मुनेन नेयम कीतन.

1 तिसलुनितोर 3:6

मति इंजेके तिमोति मियग्डाहि मलतोग़, ओसो मीट विस्वसतुन विळ्सविर, इंजेके वने लोकुरिन जीवा कीसोर मह्‌निर इनजोर, बेसता कबुर ततोग़. मीक ऊळलाह पकाय मावा जीवा पर्ह्‌कना लेह्‌कान, माक ऊळलाह पकाय मीवा वने जीवा पर्ह्‌किह्‌ता इनजोर वेहतोग़, अद्रमलेह्‌का मीट बेस-नेह्‌ना मावा सीता कीसोर मह्‌निर.

रोम सहरतोर 1:13

यहुदि आयवोरिन बेसता कबुरतुन वेहचि, उय्तुरिन विस्वसते ततन. अद्रमे मियग्डोर उय्तुर मन्कलोरिन वने, विस्वसते ततकन इनजोर, मियगा ऊक-ऊके वायलाह ऊळिंदन, मावोरिर; मति इचानाह बेदाय अडम आसोर मता. इद पोल्‍लोतुन मीट पुनदना इनजोर, नना वेहतलाह आतन.

रोम सहरतोर 15:23

मति इंजेके इकेडाङ नाह्‌कनगा, नावा कबळ मारिह कीतन. ओसो वेल्‍लाङे वर्सानाहि मियगा वायलाह, नना अग़ ऊळिंदन.

लूकाल 22:15

उदतस्के ओग़ ओरिन इतोग़, “नना तिपल आयनामुने, मीवा संगे इद आवना पंडुमता गाटो तिनदना इनजोर, नावा पका विचर मता.

बळयिर 17:10

पया अदे नग़्का विस्वसिर पोलुन, सीलासिन, तिसलुनि सहरताहि बिरिया सहरते लोहतोर. बिरिया सहरते एवतस्के, ओर इर्वुर यहुदिरा पार्तनाता लोतगा अतोर.

लूकाल 12:58

मीकु मीवा विरुदतोर कोरोटटे बेरोग़ साय्बानगा ओनेके, नडुम अग़देन ओरिन गूनम कीम्ह्‌टु. अह केवेके, ओर कोरोटटा बेरा साय्बानगा मीक ओयनुर, कोरोटटा साय्बाल पया पोलिसिरा कयदे ईसि, मीक जेलते वाटिसीयनोग़.