केंजाट, मन्कलोरा संगे मावा लळय इले, मति इद बूमतगा ईकळता राजेमतुन ताकिह कीयनव, देयमदीपते मनदनव लाग्वाङ देयह्क, इविस्कना संगे मन्ह्ता. अदिह्कु (लळय केवाल सीपय, तना संगे वीस्राङ पोयतना लेह्का,) मीट वने देयह्कना मुक्याना संगे लळय कीयलाहि, देवुळताङ सबे वीस्रान पोय्म्ह्टु. अस्के मीट देयह्कना मुक्यानाङ नाळेह कीयनव आय्डाना अडम निचि, तान गेल्स पग़यकिर. बेस्के अद मीक बूळे कीयलाहि ऊळग़ा, अस्के ताना मुनेह निचि, तान गेल्स पग़यकिर. लळयतेनाह्क मीट पूरा तयर आस मन्जि, देवुळताङ वीस्रान पोस मन्जि निता पग़यकिर.
1 पत्रु 5:8 - माडिया गोंड पवित्र सास्त्रम8 उसर आम्ह्टु! सीताते मन्ह्टु! मीवा अडम मनदनद देयह्कना मुक्याल, कह्चनद सिङपुललेह्का, बोन पोसि पिळ्ह-पळ्ह कीस तिनदकन इनजोरे तिरियिह्ता. Gade chapit la |
1 पत्रु 5:8
61 Referans Kwoze
पया अद देवतुलि मासुंडतुन पोसि, दोहच ओता. अद मासुंडि इतेके, मुनेता तरसि. तान देयह्कना मुक्याल ओसो सय्तन वने इन्ह्तोर. देवतुल तान दोहच ओसि, देयमदीपता सिक्सा-बोंदातगा वाटिसीता. वाटिसि अग़दुन केहचि, बोग़े तेग़यनायो इन्जि, तालम ईता. अद्रम कीताह्कु, अजर वर्साङ आनाह, सबे जातिनोर लोकुरिन, देयह्कना मुक्याल लेसिह कीया पग़वो. अजर वर्साङ मारतापया, तान गळ्किह्क विळ्समुळ आयग़ा.
अचोटेने देवुळदीपतग्डाह जोरते उंद लेङ इद्रम केंज वाता: “मावोरिन देवुळता मुनेह, नग़्का पिळ्विळ पियल-पोळ्द कसुर ओपसोर मतदिन, इंजेके बूमतगा अर्ह्चीतद मन्ह्ता. इंजेके देवुळि तना मन्कलोरिन पिसिह कीयनद कगो वाता. देवुळि तना लावते राजेम ताकिह कीयलाह आता. इंजेके अद आचतोग़ राजाल, तना अदिकरतुन तोहतलाह आतोग़.
Piblisite