1 पत्रु 5:4 - माडिया गोंड पवित्र सास्त्रम

⁴ इद्रम मतिर इतेके, सबेटोरा बेह्‌रा कोपाल येसु वानेके, मीकु बेस्केने मायवदु, बूळेम आयवदु डीसाता पाय्दा दोर्कग़ा.

1 पत्रु 5:4 Referans Kwoze

याकुब 1:12

पापमते अर्हतनव पोल्‍लोङ वातेक तेला, बोर लोकुर विस्वसते मेग़्किस निच मन्ह्‌तोर, ओर देय्वातोरु. ओर दीरा पोसि देवुळतुन विळ्सवाह्‌कु, ओरिह्‌क देवुळतेनाह अमेसाता पिसमुळता इनम दोर्कग़ा. बह इतेके, नाक बोर जीवा कीस्तोर, ओरिह्‌क अद अमेसाता पिसमुळता इनम ईकन इन्जि, देवुळि पोल्‍लो विळ्सिस मता.

1 कुरिंततोर 9:25

कग़्सनगा गेल्सवालोरिह्‌कु, आकिने पंडटद सोबाता गीळि केग़्‍पिह कीस्तोर. अद वतनव आकिने पंडटद आंदु. तान दोर्किह कीयलाहि, ओर तमाङ मेंदुस्किन आव्रे कीस ताकिह्‌तोर. माट बारा बेस्केन वाग़वद गीळता इनम दोर्किह कीय्ह्‌नल.

1 योहन 3:2

ए गोततोरिर, इंजेके माट देवुळताङ पेकोरल मह्‌नल निटमे! मति पया वायना कालमते माट बेद्रमतोरल आयकल, इद पोल्‍लोतुन पुनवल. तेला मति माक इद पोल्‍लो एर्का मन्ह्‌ता इतेके, किर्स्तु देवुळदीपताहि बेस्के मल्स वायनोग़ अस्के, किर्स्तु बह मन्ह्‌तोग़, अद्रमे ओग़ माक दिसनोग़. दिसतस्के, माट वने ओना लेह्‌का आयकल.

2 तिमोति 4:8

(गेल्सवालोरिह्‌क दोर्कना लेह्‌कान,) देवुळि इंजेटाहि नयेनाह्‌क उंद राजटोपि तासता, अदु सेतेमते पिसवालोरिह्‌क ईयनद इनम आंदु. सेतेमते नेयम केवाल येसुसामि, तना नेयम कीयनद दियाते, अद राजटोपतुन नाक ईयनोग़. सिरप नाके आयो, सामि ओसोवने मल्स वायनदिन गिर्दाते केपवालोर सबेटोर मन्कलोरिह्‌क ईयनोग़.

1 पत्रु 1:4

ओसो मयेनाह्‌कु इन्जि, देवुळदीपते बेरा उंदि जीवाता बर्कत तासतद मन्ह्‌ता. अद उंदि बेस्केन बूळेम आयवदु, माचलेवदु, वाग़वदु बर्कत आंदु. इद बर्कत आक्रिता दियाते देवुळि सबेटोर विस्वसिरिह्‌क तोहतग़ा. अदु बर्कत मीक दोर्कनाह्‌जोमु, देवुळि तना लावते मीकु काप आडग़ा, बाराह्‌क इतेके, मीटु देवुळता पोग़ोन बर्वस तासिह्‌निर इनजोरे.

तोहचीतव पोल्‍लोङ 3:11

ऊळाट! नना चट्पिटे वायना मन्ह्‌ता. वातस्के मीट गेल्सतिर इन्जि, देवुळता पिसमुळतुन इनम इनजोर ईकन. तान बोग़े ऊंदना आयो इन्जि, मीवा विस्वसतुन पका पोस मन्ह्‌टु.

तोहचीतव पोल्‍लोङ 2:10

मीट तिपल आयकिरे, मति तान्क रेयमाट. केंजाट! देयह्‌कना मुक्यानाङ केंजिसि, ताना मुडोर मियग्डोर उच्वुरिन जेलते वाटिह्‌तोर. इद्रम देवुळिये मीवा विस्वसता पट ऊळिह्‌ता. दहा दियाङ मीट तिपल आयकिर; मति जीवा अनाह, विस्वस विळ्सवा मन्ह्‌टु. अस्के नना मीकु अमेसाता पिसमुळता इनम ईकन.

1 पत्रु 2:25

मुने मीटु लेसताङ गोरेनलेह्‌का, अग़ विळ्सिस अनजोर मतिर. मति इंजेके मीवा जीवातुन काप आडवाल कोपानगा मीट मल्स वातिर.

1 पत्रु 5:2

नना मीक वेहतह्‌नन, मीवा नडुम मनदनदु देवुळता गोह्‌डटुन, कोपालोरा लेह्‌का मन्जि, ओरिन बेस ऊळाटु. इद कबळ सारातुह्‌क इनजोर केवा, देवुळता विचर इहे मन्ह्‌ता इन्जि, गिर्दाते कीम्ह्‌टु. मालसोम दोर्कग़ा इन्जि आयो, मति देवुळतुन सेवा कीय्ह्‌नन इन्जि, जीवातग्डाहि गिर्दाते कीम्ह्‌टु.

इब्रितोर 13:20

सुकम ईयनद देवुळि, तना विचर कीतप लेह्‌का मीट कीयनाह, मीक सबे बेसताङ पोल्‍लोङ ईयि. येसु किर्स्तुना मेटे, मावा ताकमुळतगा तान्क विचर वातव पोल्‍लोङ आयिङ. किर्स्तु येसुना नेतुरता मेटे, देवुळि मावा संगे अमेसातुह्‌क मनदनद पूना करलतुन निल्पिह कीयलाह आता. इद पूना करल नितना इन्जि, देवुळि येसुन ओसोवने हामुरताहि जीवा अर्हता, इद्रमि येसु किर्स्तु मावा बेरोग़ कोपाल आतोग़. ओने मन्कलोर अमेसा-अमेसातुह्‌क मान ईयिर. आमेन.

तोहचीतव पोल्‍लोङ 1:7

ऊळाट, ओग़ मोयुलते वायलाह आतोग़; सबेटोर ओन ऊळनुर. ओन मोल्‍लाङ कोटिस हव्कतोर इंका ऊळनुर. दुनियाताङ सबे जातिनोर, ओनेनाह्‌क अर्युल पासोर केयनुर. इंगो आमेन.

योहन 10:11

नेह्‌नोग़ गोरे कोपानन ननान आंदन. नेह्‌नोग़ कोपाल तनाङ गोरेनेनाह्‌कु तना जीवा ईयलाह तयर आस्तोग़.