1 पत्रु 5:10 - माडिया गोंड पवित्र सास्त्रम

¹⁰ माक कतम देय्वाङ ईयनद देवुळि, येसु किर्स्तुना संगे, मीकु बेस्केन मायवदु डीसाते कलियलाह केयता. इद रेंड दियाना मनमुळते, मीटु गय्क तिपल आतापया, देवुळ मीकु ओसोवने बेस कीसि तासग़ा. अद मीवा विस्वसतुन मेग़्किह कीसि, मीक लाव ईसि, निल्पिह कीयग़ा.

1 पत्रु 5:10 Referans Kwoze

2 कुरिंततोर 4:17

बाराह्‌क इतेके, इव गळ्कनाङ तिपल्किन माट आपताह्‌कु, माक देवुळताहि बेस्केन मायवद बर्कत दोर्कग़ा. अद बर्कत अचोन बेरा मनदग़ा इतेके, ताना मुनेह इंजेटाङ तिपल्क ओसोय अल्को दिसिह्‌ताङ.

2 तिसलुनितोर 3:3

मति सामि किर्स्तु सेतेमतोग़ आंदोग़. ओग़ मीक मेग़्किह कीयनोग़, ओसो देयह्‌कना मुक्याल मियगा वावाह, मीक राका कीयनोग़.

यहुदाल 1:24

मीट पापमते अरवालेवा, मीक राका कीयलाहि देवुळि पग़यह्‌ता. मीक बेदे कसुरलेवा, पका गिर्दा आनाह कीसि, तना मिळ्स्कनद डीसाता मुनेह, निल्पिह कीया पग़यह्‌ता.

1 तिमोति 6:12

विस्वसतेनाह्‌क (बेचोन तिपल वातेक तेला, अदिना संगे) आरेम आयवा लळेम आम.अमेसाता पिसमुळतुन पका पोय्म, इदे पिसमुळतुह्‌क देवुळि नीक केयता. इद पिसमुळ दोर्किह कीतन इनजोर, निमा वेल्‍लाटोर मन्कलोरा मुनेह साक्सि वेहतिन वने.

2 तिसलुनितोर 2:17

वेरु मीवा जीवातुन सितुर कीयिर, मीट अमेसा बेसताङ कबस्क कीयलाहि, बेसताङ पोल्‍लोङ वळ्ह्‌कलाहि मीक मेग़्किह कीयिर.

2 कुरिंततोर 13:11

मावोर विस्वसिरिर! इव नावाङ आक्रिताङ पोल्‍लोङ आंदुङ: बेस गिर्दाते मन्ह्‌टु, सुद्रेम आसोर मन्ह्‌टु, सुकमते मन्ह्‌टु, उंदिय विचरते मन्ह्‌टु, ओर्विह्‌क-ओर्वोग़ कलियिस-मेलियिस मन्ह्‌टु. अस्के माक जीवा कीयनद, सुकम ईयनद देवुळि, मीवा ऐंगे मनदग़ा.

1 कुरिंततोर 1:9

देवुळि तना मग़ि, मावा येसुसामि किर्स्तुना संगे, मीक कलियिस मनदलाह केयता. अद देवुळि बर्वस लायकता आंदु.

रोम सहरतोर 16:25

देवुळतुह्‌क जोहर आयि! नना काग़्हतनद येसु किर्स्तुना बेसता कबुर वेहतपु, देवुळतगा मीवा विस्वसतुन बेस मेग़्किह कीयनद लाव मन्ह्‌ता. इद कबुरता पोल्‍लो वेल्‍लाय जोम आनाह, मकिस मता.

2 पत्रु 1:3

देवुळि बेरा डीसाता मनाह्‌कु, बेस गूनमता मनाह्‌कु, माक तना मन्कलोर आयलाह केयता. माट तान निटम पुताह्‌कु, माट तान्क विचर वातप पिसना इनजोरे, माक सबे ईता. देवुळता बेरा लावतेनाह्‌कु इव सबे दोर्कताङ.

1 पत्रु 1:15

मति मीक आचतद मीवा देवुळि बेचोन पवित्र मन्ह्‌ता, अद्रमे मीट वने मीवाङ सबे कबस्कने, विचर्कने पवित्र मन्ह्‌टु.

पिलिपितोर 4:13

किर्स्तु नाक लाव ईस्तोग़, अदिनेनाह्‌क नना बह तेला पिस पग़यह्‌नन.

2 तिमोति 2:10

अदिनेनाह्‌क देवुळि आचतोर लोकुरेनाह्‌क, सबे तिपल्किन आपसोर केमेन मह्‌नन. ओर किर्स्तु येसुन विस्वस कीताह्‌कु, देवुळि ओरिन पिसिह कीयि, ओसो ओर अमेसातुह्‌क मनदनद, ताना डीसाता वेह्‌चतगा मनिर इनजोर, इव तिपल्किन आपिह्‌नन.

2 तिसलुनितोर 2:14

बेद बेसता कबुरतुन माट मीक पोकुर कीतोम, ताना मेटेने देवुळि मीक केयता. मावा येसुसामि किर्स्तुना डीसाते मीट कलियना इनजोर, मीक केयता.

लूकाल 22:32

अदिह्‌क निमा विस्वसतुन विळ्सना आयो इनजोर, नना नियेनाह्‌क पार्तना कीतन. मति निमा ओसोवने विस्वसते मलतस्के, नीवा गोततोरा विस्वसतुन बेर्सिह कीसीम,” इनजोर वेहतोग़.

2 तिमोति 1:9

देवुळि माक पिसिह कीसि, तनाय पवित्र लोकुर आयलाह माक आचता. माट बेसताङ कबस्क कीताह्‌कु आयो, मति तना मुनेन विचर कीस मतद पोल्‍लोता इसबते, माक आचता. किर्स्तु येसुना मेटे, माक ताना दया दोर्कना इन्जि, अद सुरुमुनेताहि विचर कीस मता.

कुलुसितोर 2:7

मरानाङ मडाङ ऊटटप लेह्‌का, मीटु विस्वसते ओनगा बेस ऊटिस मन्ह्‌टु; ओसो मीटु ओनाङ पोल्‍लोने बेर्ससोर मन्ह्‌टु. अस्के इपपरासनाहि मीट येसुना सेतेम पोल्‍लो कग़यतपु, विस्वसताहि इळ्न अरवा, मेग़्किस मनदकिर; देवुळतुन अमेसा पका जोहर कीसोर मनदकिर.

रोम सहरतोर 15:5

इद दीरा, आसा, देवुळतग्डाहि वास्ता. इदे देवुळि, किर्स्तुना विचर मतपु, मीक उंद एकाते मनदलाहि, तोळ ईयि!

1 योहन 2:25

येसु माक अमेसाता पिसमुळ ईकन इनजोर, पोल्‍लो विळ्सतोग़.

इब्रितोर 9:15

देवुळि ईस मतद पाळ्ना करलतुन देहतोर पाप्यह्‌लोरिन विळ्सिह कीयलाह, किर्स्तु डोलतोग़. डोलताह्‌कु, ओग़ देवुळि आचतोरगा पूना करल ततह्‌तोग़. देवुळि मुनेन पोल्‍लो विळ्सतपु, ताना अमेसा मनदनद बर्कतता तूस, पूना करलते कलियवालोरिह्‌क दोर्किह्‌ता.

रोम सहरतोर 15:13

मीक आसा ईयनद देवुळतुन मीट विस्वस कीयनाह्‌कु, गिर्दाते ओसो सुकमते अद मीवा जीवातुन निहचीयि. अस्के ताना पवित्र जीवाता लावते, मीवा आसा वीळसोर दायग़ा.

रोम सहरतोर 9:11

केंजाट, वेर पेकोर पुटनामुनेन, ओसो ओरु बेदाय नेह्‌ना-लाग्वा कीयनामुनेन, देवुळि तलिन बाताल वेहच मता, तान सीता कीम्ह्‌टु: मुने पुटवाल पेकाल, पया पुटवाना सेवा कीयनोग़, इनजोर इता. देवुळि मन्कनाङ कबस्कना इसबते आयो, मति तनाय विचर मतप, मन्कलोरिन आचिह्‌ता इनजोर तोहतलाहि, ओर एमोह पेकोरग्डाहि, मुनेन ओर्विन बार आचता, ओर्विन बार आचो.

1 पत्रु 4:11

बोन्क देवुळता पोल्‍लो वेहतलाह बुद दोर्कता, ओग़ु सेतेमते देवुळताङ पोल्‍लोनु कुद देवुळिये वेहतपु, अद्रम वेहतना. बोन्क साय्ता कीयलाह बुद दोर्कता, ओग़ु देवुळ ईतद लावते, दुस्रोरिह्‌क साय्ता कीयना. अस्के वेरु येसु किर्स्तुनाये लोकुर इन्जि, दुनियातोर देवुळबाबाह्‌कु मान ईयनुर. सबे मान, डीसा, राजेम अमेसा अमेसात्कु सिरप ओन्के आयि! अहे आयि!

रोम सहरतोर 9:24

अद आचतोर मन्कलोरल माटे आंदल रा! मावा मुडगा मनदलाहि, सिरप माट यहुदिरिने आचो, मति यहुदि आयवोरिन वने आचता.

1 कुरिंततोर 1:10

मावोर विस्वसिरिर! मीट सबेटोरिर उंद पोल्‍लोते मन्ह्‌टु, मीट कोंटेङ आयमाटु; मति मीट उंद विचरते, उंद एकाते मन्जि, ओर्विह्‌क-ओर्वोग़ कलियिस मन्ह्‌टु इनजोर, मावा येसुसामि किर्स्तुना पेदिरते मीक अर्जि कीय्ह्‌नन.

1 पत्रु 4:10

देवुळि ओर्विह्‌क-ओर्विह्‌क रीतरीतिनाङ कबस्क कीयलाह, बुद ईता. मीट देवुळ ईतव बुदिनु जबब्दरते काळ्ङवालोरा लेह्‌का मन्ह्‌टु. मन्जि, देवुळ तूसिसीतव बुदिनु, मीटु ओर्विह्‌क-ओर्वोग़ कबळ अरयलाह काळ्ङाटु.