1 पत्रु 4:9 - माडिया गोंड पवित्र सास्त्रम

⁹ बोराय जेकताहि मीवा लोन वातोर इतेके, जीवाते मुयोग़ आयवा, ओरिन बेस ऊळाटु.

1 पत्रु 4:9 Referans Kwoze

इब्रितोर 13:2

अग़दुह्‌क अनवालोर विस्वसिर मियगा वातेके, ओरिन पुनवेक तेला, बेस ऊळाटु. बह इतेके, इद्रम कीसि उच्वुर मन्कलोर पुनवालेवाये, देवतुल्किह्‌क वने जावा-एग़ कीसीतोर.

रोम सहरतोर 12:13

देवुळता मन्कलोरिह्‌क गर्ज अरतेक अचोन, तोळ ईम्ह्‌टु. बोराय विस्वसिर जेकताहि मीवा लोन वातोर इतेके, ओरिह्‌क गिर्दाते जावा-एग़ कीयलाह, अमेसा तयर मन्ह्‌टु.

पिलिपितोर 2:14

बाताल कीतेक तेला मुयोग़ आयवा, गिटोगटो आयवा कीसोर मन्ह्‌टु.

इब्रितोर 13:16

ओसो बेसताङ कबस्क कीयनदिन, आपुना मादुन ओर्विह्‌क-ओर्वोग़ तूसनदिन, विळ्समाट. इव वने देवुळतेनाह्‌क मोक ईयना लेह्‌कान मन्ह्‌ताङ. इविस्कने अद गिर्दा आस्ता.

तीतुस 1:8

अहे ओसो बोराय ओना लोन वातेके बेस ऊळवाल, बेसता पोल्‍लोतुन विचर केवाल, बेस बुद कीसि तिरियवाल, सेतेमते मनवाल, देवुळतुह्‌क रेयसोर मनवाल, कुदतुन आव्रे केवाल मनदना गावले.

1 तिमोति 3:2

बेद्रमतोग़ मुक्यान निल्पिह कीयना इतेके, ओनगा कसुर दिसवप मनवाल, दुस्राङ बेविस्किने ऊळवा उंदिय मुतेन पोस मनवाल, बेस बुदते तिरियवाल, तनाङ विचर्किन आव्रे कीस ताकवाल, सबेटोरिह्‌क विचर वानाह ताकवाल, बोरे आयि ओना लोन वातेके ओरिन बेस ऊळवाल, देवुळता पोल्‍लो बेस काग़्हवाल, इद्रमलेह्‌का मनदना गावले.

याकुब 5:9

मावोरिर, ओर्विह्‌क-ओर्वोग़ मुयोग़ आसोर मनमाटु. अद्रम आतिर इतेके, मीवा पोग़ोन कसुर उदग़ा. ऊळाट! नेयम केवाल येसुसामि अग़दगान एवयलाह आतोग़.

2 कुरिंततोर 9:7

अदिनेनाह्‌क बोग़े पेग़्के-मुनेह आसोर एमाकेग़, अहे दान ईयनद अडोतुन नोमिय पोयतग़ा इनजोर वने एमाकेग़. बेस गिर्दाते दान ईयनद, देवुळतुह्‌क विचर वास्ता. अदिह्‌कु ओर्वोग़-ओर्वोग़ मन्कल, बेचोक ईकन इनजोर विचर कीतोग़, अचोके ईयेग़.

पिलेमोन 1:14

मति नीवा पोल्‍लोलेवा, नना बाताले कीयलाह विचर केवोन. बाराह्‌क इतेके निमा कीयनद बेसतल कबळि जबरदस्तिते केवा, नीवा कुसिते कीयना इनजोर, नना ऊळिह्‌नन.

रोम सहरतोर 16:23

गयुसना लोतगा माट इर्वोम आस मह्‌नोम, ओनाय लोते इद कुरिंत सहरता विस्वसिरा पूरा मुलु जमा आस्तोर. ओग़ वने मीक जय येसु इन्ह्‌तोग़. मावा तोळतोर विस्वसिर कवारतुस, ओसो इद सहरताङ कोतान ऊळेवाळे केवाल इरास्तुस, वेर वने मीक जय येसु इन्ह्‌तोर.