1 पत्रु 4:14 - माडिया गोंड पवित्र सास्त्रम

¹⁴ मीटु किर्स्तुना लोकुरिर मताह्‌कु, बोग़ाय मीवा मोकम एग़ रेहतेके, मीट देय्वातोरिरे. बाराह्‌क इतेके, मीवा पोग़ोन देवुळता जीवाता दळ्म मन्ह्‌ता, अद मीकु देवुळता डीसा तोहतग़ा.

1 पत्रु 4:14 Referans Kwoze

1 पत्रु 3:14

मति मीट बेसताङ कबस्क कीयनस्के, दुस्रोर मीक तिपल कीतेकाय, देवुळि मीक देय्वा ईयग़ा. अदिह्‌क ओरु पळ्मिङ ईतेकाय, मीट रेयमाटु. बार कीयनुरो इनजोर, आलिह केमाटु.

लूकाल 6:22

“माने-मन्कना नडुम पुटटोनाङ मीट कग़यवालोरिर मनाह्‌कु, लोकुर मीकु कोंटे कीयनुर, मीकु पूंडिस ईयनुर, मीकु पास्कनुर, मीक लागोर इनजोर मीवा कदर रेहतनुर, अस्के मीट देवुळता देय्वातोरिर.

याकुब 1:12

पापमते अर्हतनव पोल्‍लोङ वातेक तेला, बोर लोकुर विस्वसते मेग़्किस निच मन्ह्‌तोर, ओर देय्वातोरु. ओर दीरा पोसि देवुळतुन विळ्सवाह्‌कु, ओरिह्‌क देवुळतेनाह अमेसाता पिसमुळता इनम दोर्कग़ा. बह इतेके, नाक बोर जीवा कीस्तोर, ओरिह्‌क अद अमेसाता पिसमुळता इनम ईकन इन्जि, देवुळि पोल्‍लो विळ्सिस मता.

मत्याल 5:11

“नावा पेदिर मीक अरताह्‌कु लोकुर बेस्के मीकु पास्कनुर, तिपल कीयनुर, अहे मीवा अडम मताङ-लेवाङ जोल कूदिङ वळ्ह्‌कनुर, अस्के मीट देवुळता देय्वातोरिर.

1 पत्रु 3:16

मति ओरिह्‌क गूनमते, उड्ला पोल्‍लोते वेहाटु. मीवा कसुर तोहतलाह, बातय दोर्कवप मन्ह्‌टु. अस्के बोर मीकु अडम वळ्ह्‌किह्‌तोर, ओर इंका मीटु किर्स्तुना लोकुर आताह्‌कु असल ताकिह्‌निर, तेन ऊळिसि पया तमाय लजा आयनुर, (लजा आसि तमाङ तोडिन मुचनुर).

2 कुरिंततोर 12:10

नाक लाव लेवस्केन, नना किर्स्तुना लावते मेग़्किह्‌नन. अदिनेनाह्‌क नना लाव लेवस्के गोसा आयह्‌पा, मन्कलोर नाक लजा कीयह्‌पा, नाक नल्हतना-कोह्‌कना कीयह्‌पा, तिपल आयह्‌पा, इव सबे पोल्‍लोङ किर्स्तुनेनाह्‌क आयह्‌पा, नना बेस गिर्दा आय्ह्‌नन.

योहन 15:21

नाक लोहतोग़ बाबान वेर पुनवाह्‌कु, मीट नावाङ कग़यवालोरिर इन्जि, मीकु इद्रमताङ तिपल्क ईयनुर.

याकुब 5:11

इद पोल्‍लो केंजाट, तिपल्कने आरेम आयवा दीरा पोस मनवालोरिन, देय्वातोर इह्‌नल. मुनेतोग़ अयुब मुय्तोग़ बेरा तिपलते आरेम आयवा, बेद्रम दीरा पोस मतोग़, ओसो आक्रिते देवुळतग्डाह ओन्क बेद्रम बर्कत दोर्कता, इदिन इतेक मीट केंजतिर ओसो पुतिर वने. इद्रमे देवुळि अमेसा जीवा लोपनदु, दया कीयनद आंदु.

बळयिर 13:45

मति वेल्‍ला मुडुन ऊळिसि, यहुदि मुक्यालोरा जीवा कर्वता. कर्वतस्के, पोलुन पास्किस, ओग़ इतव पोल्‍लोना विरुद वळ्ह्‌कतोर.

1 पत्रु 2:12

देवुळतुन पुनवोरा नडुम मनदह्‌पा, मीटु कसुरलेवपु असल मन्ह्‌टु. ओर मीकु “वेर लाग्वोरे!” इन्जि कसुर तोहतेकाय, मीवा असलता ताकमुळतुन ऊळनुर. ऊळिसि पया पेग़्के ओर इंका देवुळता मोकम ऊळनद दियाते, देवुळतुनु मान ईयनुर.

गलातितोर 1:24

केंजिसि, नावा साक्सितुह्‌क देवुळतुन जोहर कींदुर.

योहन 9:34

अस्के ओर ओन गुडिन इतोर, “नीक इतेके पुटटाहे पापमता सिक्सा दल्गता, माक निमा काग़्हतह्‌निन?” अह इनजोर ओन पलत पेहचीतोर.

योहन 9:28

अस्के ओर ओन सेरसेर वळ्ह्‌कतोर, “निमाने ओनाङ कग़यवानिन! माट इतेके मोसानाङ अडोङ नोमवालोरोम आंदोम, पुतिन!

योहन 8:48

अस्के यहुदिराङ पेदल्क येसुन इतोर, “निमा सामरितोनिन पर्गेनिन, नीक देयम पोयता इनजोर माट इह्‌नोम, अद बह जोलिया?”

मत्याल 5:16

इद्रमलेह्‌का मीवाङ सेतेम कबस्क लोकुरा मुनेह वेह्‌चलेह्‌का दिसिङ. अस्के ओर अव कबस्किन ऊळिसि, देवुळदीपते मनवाल मीवा बाबान मान ईयनुर.

2 पत्रु 2:2

वेल्‍लाटोर ओराङ केंजिसि, ओरा लेह्‌का आसि, लजालेवा लाग्वाङ कबस्क कीयनुर. अदिनेनाह्‌क सेतेमता अग़दा बद्‌नम आयग़ा.

बळयिर 18:6

मति यहुदिर ओनाङ केंजवा, ओन पास्किस विरुद कींदुर. अदिह्‌क (देवुळि ओङ आता इनजोर तोहतलाहि,) पोलु तना जगातुन सायिसि, “येसुन विस्वस केवेके, देवुळि मीकु सिक्सा ईयग़ा, ताना जबब्दर नना आयोन, मीटे आयकिर! इंजेटाहि नना यहुदि आयवोरिह्‌क वेहतलाह दाय्ह्‌नन,” इतोग़.

बळयिर 5:41

विळ्सिस ईतस्के बळयिर, येसुना पेदिरतेनाह्‌क माक देबाङ अरताङ इनजोर, बेस गिर्दाते पंचताहि पेसिस अतोर.

बळयिर 28:22

मति निमा बेद तुंगाते मह्‌निन, तान सबे देसेह्‌कना लोकुर विरुद कीस्तोर इनजोर, माट पुतोमे. अदिह्‌क निमा माक बाताल वेहतना मन्ह्‌ता, तान माट केंजकोम,” इनजोर इतोर.

2 कुरिंततोर 4:10

येसुनेनाह्‌कु माट अमेसा हामुरता दोकाते अरयह्‌नोम. इद्रमलेह्‌का ओना जीवा मावाङ मेंदुस्कनगा मन्जि, माक पिसिह कीस्ता इनजोर, मन्कलोर ऊळिह्‌तोर.

2 कुरिंततोर 4:16

अदिनेनाह्‌क माट आरेम आयोम. मावा मेंदुल दिनम मुवसोर दायलाह आता, मति मावा लोप्पा मनदनद जीवा, दिनम पूना आसोर दायलाह आता.

1 पत्रु 4:16

मति माट किर्स्तुनोरोम इन्जि देबाङ तितेके, ताना लजा आयवा, किर्स्तुना पेदिर माक अरता इनजोरे, देवुळतुन जोहर कीम्ह्‌टु.