1 पत्रु 4:12 - माडिया गोंड पवित्र सास्त्रम

^12-13 ए नावाङ गोततोरिर, मीवा पोग़ोन वातदु किस मळ्गतपु, बेह्‌रा तिपलतेनाह्‌कु बयल आयमाटु. माक इद बेद्रमता तिपल वाता रा इन्जि, आलिह केवाये गिर्दा आम्ह्‌टु. बाराह्‌क इतेके, मीट इंका येसु किर्स्तुनाङ तिपल्कने पोत्ला आतिर. अद्रमे ओग़ु मल्स वासि, सबेटोरिह्‌क तना डीसा तोहतनोग़ अस्के, मीट इंका ओना डीसाते कलियिसि, पका गिर्दा आयकिर.

1 पत्रु 4:12 Referans Kwoze

2 तिमोति 3:12

अद्रमे बोर बोर किर्स्तु येसुन विस्वस कीसि, देवुळतुह्‌क विचर वातप लेह्‌का पिसलाह ऊळिह्‌तोर, ओर सबेटोरिन लोकुर तिपल कीयनुरे.

1 पत्रु 5:9

मति मीट विस्वसते निच मन्जि, ताना अडम मन्ह्‌टु. दुनियामेंड मनवालोर विस्वसिर, इद्रमताये तिपलते मन्ह्‌तोर इन्जि, मीट सीता कीम्ह्‌टु.

1 कुरिंततोर 10:13

बेस्के मियगा पापमताङ विचर्क पुटिह कीयनव तिपल्क वास्ताङ, अस्के इवे तिपल्कु सबेटोर मन्कलोरिह्‌क वास्ताङ इनजोर, सीता कीम्ह्‌टु. मति देवुळि बर्वस लायकता आंदु. मीट बेचोन आप पग़यह्‌निर, तान्काय एक्‍वा तिपलतुन लोहो. अद्रमताङ तिपल्क वातस्के, मीक पापमते अरवाह अग़ तोहतग़ा, अस्के दीरा पोयता पग़यकिर.

1 कुरिंततोर 3:13

किर्स्तु बेद दिया तना लोकुरा नेयम कीयलाह वायनोग़, अद दिया तना ओर्वोग़-ओर्वोग़ सेवकना कबळतुन, किसते पट ऊळनोग़. इद्रमि ओरा कबळ बेद्रमता इनजोर, पुनाह आयग़ा. अस्के ओर कीतद कबळ बेद्रमता इनजोर, किसते पर्ह्‌किस ऊळनद आयग़ा.

1 पत्रु 4:4

इंजेक मीवा पाळ्ना गोततोर, इद्रमताङ लाग्वाङ कबस्कने, मीट ओरिह्‌क संग आयवाह्‌कु, बयल आस्तोर. अदिह्‌के ओरु बह इतेक अह वळ्ह्‌कना, कूदिङ दायना कीस्तोर.

1 पत्रु 2:11

ए नावाङ गोतयालोरिर, मीवा देवुळदीपता लोताहि मीटु जेक आसि, इद दुनियाते रेंड दियाङ मह्‌निर. अदिह्‌के मीक नना वेहतह्‌नन, अमेसा मीवा जीवाता अडम मनदनव विचर्कनाहि, इतेके मीवाङ लाग्वाङ विचर्कनाहि, जेक आम्ह्‌टु.