1 पत्रु 3:5 - माडिया गोंड पवित्र सास्त्रम

⁵ इद्रमलेह्‌काने मुनेता कालमताङ देवुळतुन माळनव आस्कु तान नमिसि, तमाङ मुजोर वेहताङ पोल्‍लोने वग़्ङिस मन्जि, अदे माक सोबा इन्जि मताङ.

1 पत्रु 3:5 Referans Kwoze

1 तिमोति 5:5

मति बोग़े लेवा निटम वग़य मनदनद रांडे आंचाळि, देवुळता पोग़ोन आसा तासिह्‌ता. ओसो नग़्का पिळ्‍विळ पियल-पोळ्‍दु, नाक साय्ता कीम सामि इनजोर, देवुळतुन अर्जि कीसोर ओसो पार्तना कीसोर मन्ह्‌ता.

1 तिमोति 5:10

ओसो, बेद्रमतविस्कनाङ पेदिर्क रासना इनजोर वेहतह्‌नन: बेसता कबळ कीस्ता इनजोर दुस्रोर वळ्ह्‌कनदु, पिलाङ-पेकोरिन अय कीतदु, दुस्रोरिन लोन केयिस जावा-एग़ ईतदु, देवुळता मन्कलोरिन ओर्युलतदिना लेह्‌का सेवा कीतदु, तिपलते मतोरिह्‌क तोळ आतदु, बेसताङ कबस्क कीयना विचरते मतदु, इद्रमता आंचाना पेदिरतुने रासनदु.

1 तिमोति 2:15

मति आस्कु कुदताङ विचर्किन आव्रे कीसि, येसुसामिन नमसोरे, दुस्रोरिन गूनम तोहचोरे, देवुळतुन रेयिस ताकसोर मतुङ इतेके, अविस्किह्‌क देवुळता पिसमुळ दोर्कग़ा. तमाङ पिलाङ-पेकोरिन बेस आयह्‌पा, (मुनेता आंचाह्‌क ईतद नोपता सरप दल्गतेक तेला,) अवु तमा विस्वसतेनाह्‌क पिसनुङ.

बळयिर 9:36

अद्रमे पया सारोन एरियाता यापा नाटेनगा, उंदि विस्वसि आंचाळ मता. ताना पेदिर तबिताल आंदु, तान दोरकास वने इंदुर. अद आंचाळि नाटेनगा आस्क-कोय्तोरिह्‌क अमेसा बेसताङ कबस्क कीसि ईंदु, लेवोरिह्‌क दर्मम कींदु.

इब्रितोर 11:11

विस्वस कीताह्‌कु, ओग़ु तनमुते साराल बारा, वेल्‍लाय वय्स आस तेला, पेकान पुटिह कीया पग़तोग़. नीक मग़ि ईकन इनजोर, देवुळि ओनु पोल्‍लो विळ्सिस मता. पोल्‍लो विळ्सिस मतद देवुळि, तना पोल्‍लोतुन मिळ्हो इनजोर, ओग़ तना जीवातगा विस्वस कीस मतोग़.

1 तिमोति 2:10

अद्रम मलियवा, माट देवुळतुन नमिस ताकनविस्कनोम इन्जि, अवु नेह्‌नाङ कबस्क कीयनदु. इद्रमतेने अविस्किह्‌क सोबा आयग़ा.

बळयिर 1:14

वेर सबेटोर बळयिर उंदिय विचरते, देवुळतुन पार्तना कीसोरेन मंदुर. ओसो वेरा संगे उचुक आस्कु, येसुना तलोग़ मरियाल, ओसो ओनाङ तमोर मतोर.

इपिसुसतोर 5:33

मति देवुळता सास्त्रमताङ पोल्‍लोङ मियेनाह्‌क वने रासतव मन्ह्‌ताङ. मीट ओर्वोग़-ओर्वोग़ मुजो कुदतुन जीवा कीयना लेह्‌का, आपुना-आपुना मुतेन जीवा कीयना. उंद-उंद मुते वने आपुना-आपुना मुजोह्‌क मान ईयि.

1 पत्रु 1:3

मावा सामि येसु किर्स्तुना देवुळबाबाह्‌कु जोहर आयि! ओग़े माकु पका जीवा लोपताह्‌कु, माकु पूना मनमुळ दोर्कता. इद बेद्रमता मनमुळ इतेके, देवुळबाबाल येसुसामिनु हामुरताहि जीवा अर्ह्‌चीताह्‌कु, माकु उंदि बेस्केन मायवद आसा दोर्कता.