1 पत्रु 2:6 - माडिया गोंड पवित्र सास्त्रम

⁶ अद पोल्‍लोता लोप्पा पवित्र सास्त्रमते वने देवुळि इहे इन्ह्‌ता: नना येरुसलेम सहरते बंडालेह्‌काडोन ओर्विन तासिह्‌नन, ओग़ु नना आचतोग़ु असलता आदर ईयनद मोदुल-बंडालेह्‌काडोग़, ओना पोग़ोन बोर बर्वस तासिह्‌तोर, ओर बेस्केने मेसेह्‌ने आयोर आयनुर.

1 पत्रु 2:6 Referans Kwoze

1 पत्रु 2:4

दुनियाते विस्वसलेवोर मन्कलोरु, येसुनु अङ्ळमतोग़ इन्जि पोहचीतप ऊळतोर, मति देवुळ ओनु कूब असलतोग़ इन्जि आचिसि, (तना लोतुह्‌कु आदर ईयनद मोदुल-बंडा इन्जि) तासता. ओग़ु जीवात मनदनदु बंडाता लेह्‌का मन्ह्‌तोग़.

इपिसुसतोर 2:20

जोता दोहचि ताना पोग़ोन लोन पंडटप लेह्‌काने, किर्स्तुनाङ बळयिर ओसो देवुळता जीवाते वळ्ह्‌कवालोर काग़्हतव पोल्‍लोनाहि, देवुळ वने मीट विस्वसि मुडुन निल्पिह कीयलाह आता. किर्स्तु येसुये ताना मूलाता आदर बंडालेह्‌का आतोग़.

मार्कल 12:10

ओसो इतोग़, “बेद बंडातुन मुने बेल्दर्क पोहचीतोर, अदे बंडा इंजेके आदरता मूला-बंडा आता. इद देवुळबाबानाये कबळ आंदु, इद माक पकाय बामतप दिसिह्‌ता, इद्रम देवुळता सास्त्रमतगा रासतदिन अर्वविरा?” इनजोर इतोग़.

रोम सहरतोर 10:11

देवुळता सास्त्रमतगा वने, इद्रम रासतद मन्ह्‌ता: “किर्स्तुन विस्वस केवाल बोग़े मनेग़, ओग़ मेसेह्‌ने आयोग़ आयनोग़.”

2 तिमोति 3:16

देवुळता सास्त्रमताङ सबे पोल्‍लोन रासतोरा जीवाते, अव पोल्‍लोङ देवुळता जीवाताहि पुटटाङ. अवे पोल्‍लोने, दुस्रोरिह्‌क सेतेम काग़्हतनाह आस्ता; लाग्वाङ केवालोरिन तेळियिह कीयनाह आस्ता; गल्ति केवालोरिन सुद्रे कीयनाह आस्ता; देवुळतुह्‌क विचर वानाह पिसलाहि, बुदि काग़्हतनाह आस्ता.

योहन 7:38

सास्त्रमते रासतपु, बोर नाक नमनुर, ओरग्डाहि जीवात मनदनद एताङ बेरेह्‌क पोङनुङ,” इनजोर इतोग़.

लूकाल 23:35

अगा मुडा लोकुर निचि मोल्‍लाङ कोटनदिन ऊळसोर मतोर. यहुदिराङ मुक्यालोर येसुन पास्कसोर इद्रम इतोर, “वेग़ दुस्रोरिन विळ्सिह कीतोग़, वेग़ देवुळ आचतोग़ पिसिह केवाल किर्स्तु आंदोग़ इतेके, तनाय तन्क विळ्सिह कीयेग़,” इतोर.

मत्याल 12:18

देवुळि इन्ह्‌ता, “ऊळाटु, वेग़ नावा सेवकि, वेने नना आचतन, वेनगाने नना जीवा वाटिह्‌नन, वेना संगे नना गिर्दाते मह्‌नन. वेना पोग़ोन नना नावा पवित्र जीवातुन रेहतकन. वेग़ सबे जातिनोरिह्‌कु, नावा सेतेमतुन आबुर कीयनोग़.

2 पत्रु 3:16

तनाङ सबे सीटिने, इदे पोल्‍लोतुन रासिह्‌तोग़. ओनाङ सीटिने उचुक पोल्‍लोङ पुनदा पग़वप मुस्किल मन्ह्‌ताङ. तेळियवोर ओसो कमजोर विस्वसतोर मन्कलोरु, अव पोल्‍लोना अर्तमतुन मिळ्हच मन्ज वेहतह्‌तोर. सास्त्रमताङ दुस्राङ पोल्‍लोन वने, अहे कीस्तोर. इद्रम कीसि, ओर तमाय जीवातुन बूळे कीस्तोर.

2 पत्रु 1:20

मुने मीट इद पोल्‍लोतुन पुनदना: देवुळता सास्त्रमतगा ताना कबुरतोर रासतव पोल्‍लोन, तमाय बुदते पुन्जि रासोर आंदुर.

इपिसुसतोर 1:4

इतेके ताना मुनेह माट पवित्र मनदना, बाताले कसुरलेवा मनदना इनजोर, इद बूमतुन पुटिह कीयनामुनेन, माक किर्स्तुना मेटे आचता.

बळयिर 1:16

“मावोरिर, यहुदा इस्केर्योति बार, माट ऐंगेन कलियिस सेवा कींदोम इन्जि, मीट पुतिर. तेला मति ओग़े येसुन दोहच ओयलाह वातोरिह्‌क तोळ ईतोग़. अदिह्‌के देवुळता पवित्र जीवा वेहतपु, दाविद राजाल मुनेन सास्त्रमते यहुदाना लोप्पा बेद पोल्‍लो रासिस तासतोग़, अद पोल्‍लो करल आयनदे मता.”

लूकाल 20:17

अस्के ओरेकेन ऊळिसि, येसु इतोग़, “बेद बंडातुन मुने बेल्दर्क पोहचीतोर, अदे बंडा इंजेके आदरता मूला-बंडा आता. इद्रम देवुळता सास्त्रमतगा रासतदिना अर्तम पया बाताल आस्ता?

1 पत्रु 2:8

“अदु ओरिह्‌क कोदुर ईयनद बंडालेह्‌का आसि, मुटिह कीयनद आदलेह्‌का आता,” इन्जि इंका पवित्र सास्त्रम वेहतह्‌ता. तना पेकाना लोप्पा देवुळता वेहतद पोल्‍लोन केंजवाह्‌कु, नमवाह्‌कु, ओरु कोदुर ईसि अरयह्‌तोर. ओरु अरयिर इनजोरे, देवुळ ओरिन आचिस तासता.