1 पत्रु 2:5 - माडिया गोंड पवित्र सास्त्रम

⁵ ओना एरे वाताह्‌कु, मीट इंका जीवात मनदनव बंडानलेह्‌का आसि, देवुळि तना जीवातुह्‌क जागा कीयलाह, मीकु लोनलेह्‌का दोहतह्‌ता. मीटु इंजेके देवुळतुह्‌क इन्जि अलग आतिर; मीटु बूमयालोरा लेह्‌का मन्जि, येसु किर्स्तुनेनाहि देवुळबाबान गिर्दा कीयलाहि मोक ईतपु, आपुनाङ विचर्किन पोहचि, देवुळता विचर मतप ताकिह्‌निर.

1 पत्रु 2:5 Referans Kwoze

1 पत्रु 2:9

मति मीटु अद्रमतोरिर आयविर. मीटु देवुळ आचतोरिर येसुराजानाङ बूमयालोरिर, मीट पवित्र आयना इन्जि वेगुर आतोरिर, ओसो देवुळताये लोकुरिर. बेद देवुळि मीकु ईकळताहि केयिसि, बेस्केन ऊळवद वेह्‌चते तता, अदे देवुळताङ असलताङ कबस्किन, दुस्रोरिह्‌क मीट वेहतकिर इन्जिये, (अद मीकु इचोन कदर ईस तासता).

1 कुरिंततोर 3:9

इंजेके पोलम माल्कानाये आंदु, बूततोरा आयो. अहे बेदाय लोन माल्काले जागा आयलाह दोहतद मन्ह्‌ता, बेल्दर्किह्‌क (लोन दोहवालोरिह्‌क) आयो. अद्रमलेह्‌काने मीट देवुळताये लोकुरिर आंदिर, तानेनाह्‌के पिसिह्‌निर. माट बारा सिरप देवुळता कबळ ऐंगेन केवालोरोम.

1 कुरिंततोर 3:16

मीट विस्वसिरा मुडगा देवुळता जीवा जागा आस्ता इतेके, मीट देवुळता मंदिर आंदिर. इद पोल्‍लोतुन पुनविरा?

इब्रितोर 3:6

मति किर्स्तु बारा, देवुळता मग़ मन्जि, देवुळता लोतोरिन ऊळसोर मनवाल आतोग़. अदिह्‌क माट आसा कीतल अद पोल्‍लोतगा रेयवालेवा, आक्रि एवनाह मेग़्किस आसा ताससोर मतेके, माट वने ताना लोतोरल आय्ह्‌नल.

तोहचीतव पोल्‍लोङ 20:6

इद्रम मुने जीवा अरवालोर देय्वातोरु, देवुळि ओरिन तना मन्कलोर इन्ह्‌ता. ओरिह्‌क पयाडा हामुरि दल्गो, मति ओर देवुळता ओसो किर्स्तुना बूमयालोर आयनुर. ओसो किर्स्तुना संगे अजर वर्साङ राजेम ताकिह कीयनुर.

रोम सहरतोर 12:1

मावोर विस्वसिरिर! मीक इंजेक एवनाह वेहतव, देवुळता दयाताङ पोल्‍लोन सीता कीसीसि, मीट बाताल कीयना इनजोर, मीक अर्जि कीय्ह्‌नन: नावा मनमुळ इंजेके नयेनाह्‌क इले मति, देवुळतेनाह्‌के मन्ह्‌ता इन्जि, मीवाङ मेंदुस्किन देवुळता सेवातेनाह्‌कु ताना कयदे विळ्सिसीम्ह्‌टु. इद्रमताये मोकि देवुळतुह्‌क विचर वास्ता, इदिने देवुळतुन निटम माळना इनजोर इनदना.

तोहचीतव पोल्‍लोङ 1:6

कीसि माक तना राजेमतोर कीतोग़, ओसो तना देवुळबाबाना बूमयालोर कीतोग़. अदिनेनाह्‌क मान ओसो राजेमि, अमेसा-अमेसातुह्‌क ओनाय मनि! आमेन.

पिलिपितोर 4:18

इपप्रुदितुना कयदे मीट लोहतिर, अव नाक दोर्कताह्‌कु, इंजेके नयगा सबे मन्ह्‌ता, आलिसि पिसनाह वने मन्ह्‌ता. मीट ईतद दान, देवुळतुह्‌क विचर वायनद, बेस गम-गम एग़्स्कतद मोकलेह्‌का आता.

2 कुरिंततोर 6:16

देवुळ मनदनद मंदिरतगा बह बोमाङ मन्ह्‌ताङा? सास्त्रमतगा देवुळि वेहतद इद पोल्‍लो रासतद मन्ह्‌ता: नना नावा मन्कलोर मनदनगा जागा आयकन. ओरा नडुम तिरियकन. नना ओरा देवुळ आयकन. ओर नावा मन्कलोर आयनुर, इनजोर रासतद मन्ह्‌ता. अद इसबते माटे जीवात मनदनद देवुळता मंदिर!

तोहचीतव पोल्‍लोङ 3:12

बोर बोर लाग्वाङ पोल्‍लोन गेल्सनुर, ओरिन नावा देवुळता मंदिरतगा, रायि मुंडाता लेह्‌कान निल्पिह कीकन. बोग़े ओरिन अग्डाहि जर्गिह केवोग़ आयनोग़. ओरा पोग़ोन नावा देवुळता पेदिरतुन रासकन. अहे ओर नावा देवुळता सहरतोर आयनुर; अद सहर इतेके, नावा देवुळता जागातग्डाहि रेगनदु पूना येरुसलेम. ओसो नावाय पूना पेदिरतुन वने ओरा पोग़ोन रासकन.

रोम सहरतोर 15:16

यहुदि आयवोरिह्‌क बेसता कबुर वेहतलाहि, नाक किर्स्तु येसुना बळयि आयना इन्जि लोहता. बेद्रम देवुळता बूमयाल ताना मुनेह, तान्क विचर वायनद कोड वाटिह्‌तोग़, अद्रमलेह्‌काने नना पोकुर कीतद कबुरतुन नमवालोर यहुदि आयवोर विस्वसिर, नावा कयदाहि देवुळतुह्‌क वाटटद कोडलेह्‌का मन्ह्‌तोर.देवुळता पवित्र जीवा ओरिन एडिह कीताह्‌कु, ओर वने देवुळता मुनेह पवित्र आतोर.

कुलुसितोर 3:17

बाताल कीतेकाय, बाताल वळ्ह्‌कतेकाय, सबे येसुसामिना पेदिरतुन मान ईसि कीम्ह्‌टु. ओना मेटे माक देवुळबाबाना दया दोर्कता इन्जि, देवुळतुन जोहर कीसोर मन्ह्‌टु.

पिलिपितोर 2:17

बूमयालोर देवुळतुह्‌क जन्वरता पूरा मोक ईतप लेह्‌का, मीट अगा पिलिपि सहरते, मीवा विस्वसतेनाह्‌कु, तिपल आसोरेन मह्‌निर, अद्रम मीट देवुळतुन माळिह्‌निर. (नाक इगा रोम सहरतेहव्कतेक वने,) नावा नेतुर मीवा मोकतगा वळ्पतप आयग़ा. अदिह्‌क नना बेस गिर्दा आयकन. इंगो! मीवा संगे बेस गिर्दा आयकन.

1 पत्रु 4:11

बोन्क देवुळता पोल्‍लो वेहतलाह बुद दोर्कता, ओग़ु सेतेमते देवुळताङ पोल्‍लोनु कुद देवुळिये वेहतपु, अद्रम वेहतना. बोन्क साय्ता कीयलाह बुद दोर्कता, ओग़ु देवुळ ईतद लावते, दुस्रोरिह्‌क साय्ता कीयना. अस्के वेरु येसु किर्स्तुनाये लोकुर इन्जि, दुनियातोर देवुळबाबाह्‌कु मान ईयनुर. सबे मान, डीसा, राजेम अमेसा अमेसात्कु सिरप ओन्के आयि! अहे आयि!

पिलिपितोर 1:11

बेद्रम इतेके, येसु किर्स्तु मीक देवुळता मुनेह सेतेमतोर कीताह्‌कु, मीवा ताकमुळतुन ऊळिसि, वेल्‍लाटोर मन्कलोर तान बेरा डीसाता इन्जि, मान ईस जोहर कीयिर इनजोर, इह वने नना पार्तना कीयलाह आतन.

गलातितोर 6:10

अदिनेनाह्‌कु माक बह मोका दोर्किह्‌ता, अह माट सबेटोरेनाह्‌क बेसताङ कबस्क कीयिङ, कास कीसि मावोर विस्वसिरेनाह्‌कु. (इद्रमलेह्‌का माट देवुळता जीवाता पेग़्के ताकना गावले.)

1 पत्रु 4:17

बाराह्‌क इतेके देवुळि इद दुनियातुन नेयम कीयनद वेला एवता. अद मुने तनाये लोकुरा नेयम कीयग़ा. देवुळि माक वने नेयम कीयग़ा इतेके, देवुळता बेसता कबुर केंजवोरा बेचोन गोसा आयग़ा!