1 पत्रु 2:11 - माडिया गोंड पवित्र सास्त्रम

¹¹ ए नावाङ गोतयालोरिर, मीवा देवुळदीपता लोताहि मीटु जेक आसि, इद दुनियाते रेंड दियाङ मह्‌निर. अदिह्‌के मीक नना वेहतह्‌नन, अमेसा मीवा जीवाता अडम मनदनव विचर्कनाहि, इतेके मीवाङ लाग्वाङ विचर्कनाहि, जेक आम्ह्‌टु.

1 पत्रु 2:11 Referans Kwoze

गलातितोर 5:24

इंजेके किर्स्तु येसुन नमवालोर इतेके, तमा मन्कना बुदतुन, हव्कनागुटातगा बूळे कीतपे मन्ह्‌तोर; अद मन्कना बुद डोलता इतेके, माट तानाङ लाग्वाङ विचर्कने ताकवल.

1 पत्रु 4:2

अहे मीट पिसनाङ दियाङ एवनाहि, मीटु लाग्वाङ विचर्कने ताकलाह गिर्दा आयवा, देवुळता विचरते तिरियसोरे मनदकिर.

इब्रितोर 11:13

इद्रम देवुळतुन विस्वस कीतोर मन्कलोर सबेटोर, अद पोल्‍लो विळ्सिस मतदिन दोर्किह कीयनाह, जीवात मनोर; मति देवुळतुन विस्वस कीसोरेन डोलतोर. देवुळि पोल्‍लो विळ्सिस मतदिन, सिरप जेकताहि ऊळतप लेह्‌का ऊळिसि, बेस गिर्दा आतोर. अद्रम कीस, इद बूमतगा माटु पर्गेरोम, केर्देरोम इन्ज मतोर.

रोम सहरतोर 8:13

मन्कना बुदते माट ताकतेक अचोन, अद अमेसाता हामुरतेकेन ओसीस्ता. मति देवुळता जीवाता तोळते, मावाङ मेंदुस्क विचर कीयनव कबस्किन विळ्सतेके, माट देवुळता संगे पिसकल.

याकुब 4:1

मीवा नडुम जग्ळाङ-बोबाङ बेग्डाह पुटिह्‌ताङ? मीवाङ लालुस्क मीवा जीवातुन आव्रे कीयलाह ऊळिह्‌ताङ, अग्डाहे कोनि इव सबे जग्ळाङ पुटिह्‌ताङ.

2 तिमोति 2:22

अदिनेनाह्‌क तिमोति, लेयोर मन्कलोरगा मनदनव लालुस्कनाहि जेक विता. बेसता विचरते सामिना पेदिरतुन केयवालोरा संगे मन्जि, सेतेमते पिसलाह, सामिन विस्वस कीस पिसलाह, जीवा कीसोर मनदलाह, ओर्विह्‌क-ओर्वोग़ कलियिस मनदलाह पर्ह्‌का.

2 कुरिंततोर 7:1

गोततोरिर! इद्रम देवुळि मावा संगे मनदलाह पोल्‍लो विळ्सताह्‌कु, मावा मेंदुलतुन ओसो मावा जीवातुन, सिरसिर कीस मनदकल, कळ्‍वोग़ आयवा! देवुळतुन रेयिस, पूरा पवित्र आसोर दाकल.

रोम सहरतोर 12:1

मावोर विस्वसिरिर! मीक इंजेक एवनाह वेहतव, देवुळता दयाताङ पोल्‍लोन सीता कीसीसि, मीट बाताल कीयना इनजोर, मीक अर्जि कीय्ह्‌नन: नावा मनमुळ इंजेके नयेनाह्‌क इले मति, देवुळतेनाह्‌के मन्ह्‌ता इन्जि, मीवाङ मेंदुस्किन देवुळता सेवातेनाह्‌कु ताना कयदे विळ्सिसीम्ह्‌टु. इद्रमताये मोकि देवुळतुह्‌क विचर वास्ता, इदिने देवुळतुन निटम माळना इनजोर इनदना.

इपिसुसतोर 4:1

इव सबे पोल्‍लोनेनाह्‌कु, देवुळि मीक तना मन्कलोर आयना इन्जि केयता, तेन सीता कीसि, तान्क विचर वातपु ताकाटु. मीट इद्रम ताकना इन्जि, नना सामिनेनाह्‌क जेलते मनवानन, मीवाङ काल्काय अरयह्‌नन.

रोम सहरतोर 7:23

मति नावा मेंदुलतगा उंद अलगता बुद दिसिह्‌ता, अद नाक देवुळताङ अडोन केंजवाह कीस्ता. इद पापमता बुदि नाक दोहतप लेह्‌का कीसि, नावा मेंदुलतुन ताकिह कीस्ता.

बळयिर 15:29

“पेन्किह्‌क वाटटव अविङ तिनमाटु, अस्कतापया नेतुरतुन एच तिनमाटु, नेतुर पोववालेवा हव्कतविनाङ अविङ तिनमाटु, साट्याल कबस्क केमाटु. मीट इव पोल्‍लोन बेस पोस ताकतेक अचोन, बेस-नेह्‌ना मनदकिर. अचोने, मारता,” इनजोर रासतोर.

लूकाल 21:34

“अदिनेनाह्‌क मीटु कल्क उनडना, रिमाते विचर वातप कीयना, ओसो इद दुनियाताङ कबस्कना सीताते मुळ्न्दिस मनमाटु. बह इतेके नना वायनद दियाते, मीक दोम्ह्‌क्ने वदतगा एग़्कतप आयमाकि इनजोर, उसरते मन्ह्‌टु.

1 पत्रु 1:17

मीटु “ए बाबा!” इन्जि केयिसि मोळ्कनद देवुळि, बेस्केने मोकम ऊळिसि नेयम केवो, अद मीवा ताकमुळतुन ऊळिसि नेयम कीस्ता. अदिह्‌के मीटु इद दुनियाते पय्नम अनवाना लेह्‌का आसि, रेंड दियाङ मनदह्‌पा, देवुळतुन रेयिसि ताकाटु.

2 कुरिंततोर 6:1

माट देवुळता संगे कबळ कीय्ह्‌नोम, अदिनेनाह्‌क मीक अर्जि कीस वेहतह्‌नोम. मीट देवुळता दयातुन दोर्किह कीतिर, ताना लेह्‌कान पिसाट. तान सीता केवालेवा मनमाट.

2 कुरिंततोर 5:20

अदिनेनाह्‌क माट किर्स्तुनेनाह्‌क वळ्ह्‌कवालोर मन्कलोरोम आतोम. देवुळि माक मियगा लोहचि, अर्ज कीयना लेह्‌का आता. अदिनेनाह्‌क माट किर्स्तुनेनाह मीक अर्जि कीय्ह्‌नोम, देवुळता संगे गूनम आम्ह्‌टु.

बळयिर 15:20

मति ओरगा इद्रम रासिस लोहतकल, ‘पेन्किह्‌क वाटटव कळ्‍वोग़ आस्ताङ, अविस्किन तिनदनद आयो; साट्याल कबस्क कीयनद आयो; नेतुर पोववालेवा हव्कतविनाङ अविङ तिनदनद आयो, अस्कतापया नेतुरतुन एच तिनदनद आयो,’ इनजोर रासकल.

1 पत्रु 1:1

नना पत्रुनन, येसु किर्स्तुना बळयिनन, इद सीटि रासिह्‌नन. पुंतुस, गलाति, कपदुकिया,आसिया ओसो बितुन्या, इव रोम राजेमताङ पटिने बिरोबटो आसि मतोरु, इद दुनियाते रेंड दियाङ मनवालोरु,

इपिसुसतोर 2:19

यहुदि आयवोरिर, मीट मुने देवुळतुन पुनवालेवा, ताना मन्कलोरगा कलियवा मतिर. इंजेके ओरा संगे देवुळता मन्कलोरिर आतिर, ओरा संगे ताना लोतोरिर वने आतिर.

इब्रितोर 6:9

माट जीवा कीतोर विस्वसिरिर! माट इद्रमताङ रेय वेसनाङ पोल्‍लोङ इह्‌नोम, तेला मति मीवा ताकमुळतुन ऊळिसि, मीक देवुळता पिसमुळ निटम दोर्कता इन्जि, माक बर्वस मन्ह्‌ता.

1 पत्रु 4:12

ए नावाङ गोततोरिर, मीवा पोग़ोन वातदु किस मळ्गतपु, बेह्‌रा तिपलतेनाह्‌कु बयल आयमाटु. माक इद बेद्रमता तिपल वाता रा इन्जि, आलिह केवाये गिर्दा आम्ह्‌टु. बाराह्‌क इतेके, मीट इंका येसु किर्स्तुनाङ तिपल्कने पोत्ला आतिर. अद्रमे ओग़ु मल्स वासि, सबेटोरिह्‌क तना डीसा तोहतनोग़ अस्के, मीट इंका ओना डीसाते कलियिसि, पका गिर्दा आयकिर.

2 पत्रु 3:1

नावा गोततोरिर! मीक लोहतदु इद नावा दुस्रा मल्काता सीटि आंदु; मीवा विचर सेतेम पोल्‍लोनके मनि इनजोर सीता कीसीयलाह, इव सीटिन लोहतन.