1 योहन 5:13 - माडिया गोंड पवित्र सास्त्रम

¹³ देवुळता मग़ि येसुसामिना पोग़ोन विस्वस केवालोरिर, अमेसाता पिसमुळ इंजेके मियगान मन्ह्‌ता इन्जि, मीट पुनदना इनजोर, रासलाह आतन.

1 योहन 5:13 Referans Kwoze

योहन 20:31

मति इव पोल्‍लोङ बाराह्‌क रासिस मन्ह्‌ताङ इतेके, देवुळ लोहतोग़ पिसिह केवाल राजाल येसुये आंदोग़, ओसो ओग़े देवुळता मग़ आंदोग़ इन्जि मीट नमना. इद्रम नमतेके, मीक येसुना संगे अमेसाता पिसमुळ दोर्कग़ा.

योहन 1:12

मति बोर ओन नमतोर, विस्वस कीतोर, ओर सबेटोरिह्‌क देवुळताङ मग़्क-मयास्‍क आयलाह, ओग़ अदिकर ईतोग़.

1 योहन 3:23

अद्रमे तना मग़ि येसु किर्स्तुना पोग़ोन, माट विस्वस कीयना इनजोर, देवुळ उकुम ईता. अद्रमे माट ओर्विह्‌क-ओर्वोग़ जीवा कीयना इनजोर बार, किर्स्तु उकुम ईतोग़.

योहन 3:18

बोर ओन नमिह्‌तोर, देवुळि ओरिनु कसुर ओपो. मति ओन नमवोरा पोग़ोन बारा, कसुर ओपतदे मन्ह्‌ता. देवुळता वग़ोग़ मग़िन ओर नमवाह्‌कु, ओरा कसुर ओपतदे मन्ह्‌ता.

1 योहन 2:21

मीट सेतेमतुन पुनविर इनजोर नना रासोन, मति मीट सेतेमतुन पुतिर, सेतेमताहि बेदे जोल पुटो इनजोर वने पुतिर. अदिनेनाह्‌क रासलाह आतन.

गलातितोर 4:6

माट देवुळताङ मग़्कनल आताह्‌कु, देवुळि तना मग़ना जीवातुन, मावा जीवातगा लोहता. अद जीवा अगा देवुळतुन “बाबा! बाबा!” इनजोर केयसोर मन्ह्‌ता.

1 योहन 5:10

अदिनेनाह्‌क देवुळता मग़ि येसुसामिन बोग़ विस्वस कीस्तोग़, ओग़ इद साक्सितुन तना जीवातगा तासिह्‌तोग़. मति बोग़ विस्वस केवोग़, ओग़ देवुळतुन जोल इन्ह्‌तोग़. बाराह्‌क इतेके देवुळ कुद तना मग़ना लोप्पा ईतद साक्सिता पोग़ोन, ओग़ विस्वस केवोग़ इनजोरे.

1 योहन 2:1

ए पेकोरिर! मीट पापम केमाटु इनजोर, इव पोल्‍लोन नना मियेनाह्‌क रासलाह आतन. मति मयग्डाह बोग़ाय पापम कीतेके, माकु देवुळबाबाना संगे गूनम केवाल ओर्वोग़ तोळतोग़ मन्ह्‌तोग़. ओग़े सेतेमतोग़ येसु किर्स्तु आंदोग़.

1 योहन 1:4

मीट वने मावा संगे कलियिसि, माक पका गिर्दा वायि इनजोर, मीकु इव पोल्‍लोन रासलाह आतन.

1 पत्रु 5:12

नना मीकु इद उड्ला सीटि, नावा तमोग़लेह्‌का मनवाल, कर्तुळ विस्वसि सीलास, वेना साय्ताते रासिस लोहतह्‌नन. मीकु बाताले आयि, देवुळता देय्वा मियगा अमेसा तोळ मन्ह्‌ता इन्जि, मीकु तेळियिह कीयलाहि, ओसो पेग़्के-मुनेह आलिह केवा, मीट विस्वसतुन पोस मन्ह्‌टु इन्जि बुद वेहतलाह, नना इद सीटि रासतन.

2 कुरिंततोर 5:1

केंजाट! मावा मेंदुलि इद बूमतगा माट मनदनद गुळ्सेलेह्‌काडा मन्ह्‌ता. गुळ्सेतुन मुटिह कीयना लेह्‌कान, मावा मेंदुल वने बूळेम आयग़ा. मति अद्रम आतेक वने, माक मनदलाहि कयदे पंडवद, अमेसा मनदनद, पूना लोन देवुळि ईयग़ा इन्जि माट पुतल. अद दिसवद लोन देवुळता जागातगा मन्ह्‌ता.

बळयिर 4:12

वेग़ येसुन विळ्सिस बोग़े, मावा पापमता सिक्साताहि पिसिह कीया पग़वोग़. बाराह्‌क इतेके माट पापमताह पिसलाहि, इद बूमतगा ओन विळ्सिस, दुस्रोग़ पिसिह केवान देवुळि मन्कलोरिह्‌क एवो!” इतोग़.

योहन 2:23

येसु आवना पंडुमता वेलाते, येरुसलेम सहरते मनदह्‌पा, वेल्‍लाटोर ओनाङ बामिह कीयनाङ सीनान ऊळतोर. ऊळिसि येसुये देवुळ लोहतोग़ पिसिह केवाल आंदोग़ इन्जि ओर नमतोर.

1 योहन 2:26

मीक लेसिह कीयलाह ऊळवालोरु, ओरा लोप्पा नना इव पोल्‍लोन रासलाह आतन.

बळयिर 3:16

मीवा मुनेह निच मनवाल मन्कन मीट पुतिरे. वेग़ बह बेस आतोग़ इतेके, माट येसुन विस्वस कीताह्‌के, ओना लाव वेनगा वाता. येसुनगा अदिकर मन्ह्‌ता इन्जि, विस्वस कीताह्‌के वेग़ पूरा सव्रेम आतोग़.

योहन 21:24

बोन कग़यवान येसु जीवा कीतोग़ कग़यवाल इन्ह्‌तोर, ओनन ननान आंदन; ननाने इव पोल्‍लोङ वेहतह्‌नन, ओसो रासिस तासतन. इव नना रासतव पोल्‍लोङ करलताङे इन्जि, माक विस्वसिरिह्‌क एर्काय मन्ह्‌ता.

योहन 5:24

इह केंजाट, नना सेतेम वेहतह्‌नन, इद दुनियाते सबेटोर (तमा पापमते) डोलतप लेह्‌का मन्ह्‌तोर. मति बोर नावाङ पोल्‍लोङ केंजिसि, नाक लोहतोना पोग़ोन बर्वस तासिह्‌तोर, ओरिह्‌क अमेसाता पिसमुळ दोर्कताये. देवुळ ओरिन तमा पापमता सिक्सा एवो; मति ओरिन अमेसाता पिसमुळतगा एव्सिह कीसीता.

1 योहन 2:25

येसु माक अमेसाता पिसमुळ ईकन इनजोर, पोल्‍लो विळ्सतोग़.

1 योहन 4:9

तना मग़ना मेटे, माक पिसमुळ दोर्कि इनजोरे, देवुळि तना वग़ोग़े मग़िन इद दुनियाते लोहच मता. इद्रम कीसि, नना लोकुरिन जीवा कीय्ह्‌नन इनजोर तोहता.

1 योहन 5:11

देवुळि ईतद साक्सि इद्रम मन्ह्‌ता इतेके, देवुळि माक अमेसाता पिसमुळ ईता, अद पिसमुळि ताना मग़ि येसुसामिनगा दोर्किह्‌ता.

1 योहन 5:20

देवुळता मग़ि येसुसामि इद बूमतगा वासि, सेतेम देवुळतुन पुनदना इन्जि, ओग़ माक बुद ईतोग़. माट इंजेके इदे निटम देवुळता संगे जोळेम आतल इतेके, ताना मग़ि येसु किर्स्तुना संगे जोळेम आतल. सेतेम देवुळ ओसो अमेसाता पिसमुळ एवाल वेग़े आंदोग़. माक विस्वसिरिह्‌क इव सबे पोल्‍लोङ एर्काय मन्ह्‌ताङ.