1 योहन 4:17 - माडिया गोंड पवित्र सास्त्रम

^17-18 देवुळि इद दुनियाते मावा ताकमुळतुन ऊळिसि, येसुना ताकमुळतुन ऊळतप आंदु. अदिनेनाह्‌क देवुळि सबेटोर लोकुरा नेयम कीयह्‌पा, माट रेयवालेवा दीरा पोस मनदकल. सिक्सातुह्‌क मन्कलोर रेयिह्‌तोर, मति बोग़ देवुळता गूनमते निंदिस मन्ह्‌तोग़, ओनगा रेय वसनद पोल्‍लो मनो. ओग़ देवुळता नेयमते बाताल सिक्सा दोर्कग़ा इन्जि रेयोग़. मति बोग़ विस्वसि देवुळता गूनमते निंदिस मनोग़, ओग़ु नेयमतेनाह्‌क रेयिह्‌तोग़.

1 योहन 4:17 Referans Kwoze

1 योहन 4:12

बोग़े बेस्केन देवुळतुन ऊळोग़; मति माट ओर्विह्‌क-ओर्वोग़ जीवा कीतेकेने, देवुळि मावा जीवातगा जागा आस्ता. जागा आसि, मयगा मनदनद ताना गूनमि लोकुरिह्‌क पूरा दिसिह्‌ता; (अस्के देवुळतुन ऊळवेकाय, ओर तान पुनदा पग़यह्‌तोर.)

1 योहन 2:28

ए पेकोरिर, किर्स्तुना संगे जोळेम आस मन्ह्‌टु. अद्रम मतेके, ओग़ बेस्के इद बूमते मल्स वायनोग़, अस्के माट रेयवल आयकल. ओसो ओग़ वायह्‌पा, ओना मुनेह लजा आयवालेवा मनदकल.

1 योहन 3:3

बोर ओना पोग़ोन निटम इद्रमता आसा तासिह्‌तोर, ओर सबेटोरु मावा किर्स्तु बेद्रम पवित्र मन्ह्‌तोग़, अद्रमे ओर वने पापम कीयनदिन विळ्सिसि, पवित्र आस्तोर.

1 योहन 2:5

मति बोग़ु देवुळता पोल्‍लोतुन केंजिसि अद्रम ताकिह्‌तोग़, ओनगा निटमे देवुळता गूनम मन्ह्‌ता. इदिन ऊळिसि, माट देवुळता संगे जोळेम आस मह्‌नल इनजोर, माक तेळियिह्‌ता.

रोम सहरतोर 8:29

बाराह्‌क इतेके, बोर बोर नयगा विस्वस तासनुर इनजोर, देवुळि मुनेन पुन्ज मता. नावा मग़ि येसु ओर सबेटोरा दादाल आयेग़ इनजोर, देवुळि ओरिन येसुना लेह्‌काडोर आयलाह, मुनेन आचता.

योहन 15:20

ओर्युल मन्कल तना माल्काह्‌क बेरोग़ आयोग़ इन्जि, मीक उंद पोल्‍लो वेहच मतन, तान सीता कीम्ह्‌टु. ओर नावा पेग़्के दल्गतोर इतेके, मीवा पेग़्के वने दल्गनुर. ओर नावा पोल्‍लोतुन माळतोर इतेके, मीवा पोल्‍लोतुन वने माळनुर.

1 योहन 3:1

ऊळाट, मावा देवुळबाबाल माकु नावाङ मग़्क-मयास्‍क इन्जि इन्ह्‌तोग़, अचोन ओग़ माक जीवा कीस्तोग़! इंजेक माट निटमे देवुळताङ पिलाङ-पेकोरल आंदल. मति इद पोल्‍लो दुनियातोरिह्‌क एर्का इले, बाराह्‌क इतेके ओर देवुळतुन वने पुनोर.

2 पत्रु 3:7

मति इंजेक मनदनद पोग़ोटा बूमतुन, ओसो इळ्ता बूमतुन, किसते बूळे कीयलाहि, तना इतद पोल्‍लोतेने तासता. तानाङ केंजवोरिन नेयम कीसि, ओरिन बूळे कीयनद दिया एवनाह अविस्किन तासता.

2 पत्रु 2:9

इव सबे पोल्‍लोन मीक बाराह्‌कु सीता कीसीय्ह्‌नन इतेके, सामि तन्क माळवालोरिन तिपलताहि बेद्रम विळ्सिह कीयना, ओसो लाग्वोरिन सिक्सा ईयनासाटि, नेयम कीयनद दिया एवनाह बेद्रम तासना, इविस्किन पुन्ह्‌ता इनजोर, इव पोल्‍लोङ तोहतह्‌ताङ.

याकुब 2:22

ऊळाट, ओना विस्वस ओसो ओग़ कीतव कबस्क कलियिस मताङ, ओनाङ कबस्कनेन ओना विस्वस करल दिसता.

मत्याल 12:36

ओसो नना मीक वेहतह्‌नन, आक्रि नेयमता दियाते, देवुळि मीवा तोडटाहि पेसतद, उंद-उंद उगसता पोल्‍लोता इसब मियग्डाह एतग़ा.

मत्याल 11:24

नना मीक वेहतह्‌नन, सोदोमतुह्‌काय वीळिसि, मीकु नेयमता आक्रि दियाते, देवुळि वेल्‍ला सिक्सा ईयग़ा,” इनजोर इतोग़.

मत्याल 11:22

करल इदे मन्ह्‌ता, सोर, सिदोन इव नाह्‌िकह्‌काय वीळिसि, मीक नेयमता आक्रि दियाते देवुळि वेल्‍ला सिक्सा ईयग़ा.

मत्याल 10:25

आयो, कग़यवाल गूरुनलेह्‌का ओसो ओर्युलतोग़ माल्कानलेह्‌का आयना, इचोने ओन्क बेसु. नना लोता माल्कानन मन्ज तेला, नाके ओर देयह्‌कना मुक्याल इन्ह्‌तोर; मीट इतेके लोता मन्कलोरिर इन्जि, मीक बेचोन वीळिस तिपल कीयनुर, इदिन सीताते तासाटु!

मत्याल 10:15

इह केंजाट, नना सेतेम वेहतह्‌नन, सोदोम-गोमोरा अव नाह्‌कनोरिन देवुळ (ओराङ लाग्वाङ कबस्कनेनाह्‌क, मुने सिक्सा ईसि) बूळे कीता इन्जि पुतिर. तान वीळिसि मीक एरे केवोर इव नाह्‌कनोरिनु, नेयमता आक्रि दियाते देवुळि वेल्‍ला सिक्सा ईयग़ा.

याकुब 2:13

बह इतेके, बोग़ दुस्रोरा पोग़ोन दया केवोग़, देवुळ वने नेयम कीयनद दियाते, ओना पोग़ोन दया केवो आयग़ा. मति दया केवालोर मन्कलोर, नेयमतुह्‌क रेयोर आयनुर.

योहन 17:22

निमा नाक लोहतिन, ओसो बेचोन निमा नाक जीवा कीतिन, अचोने ओरिन वने निमा जीवा कीतिन इनजोर, दुनियातोर पुनदनेनाह्‌क, ओर कतमतोर उंद एका आयिर. बहलेह्‌का माट इर्वल उंद आस मह्‌नल, अहलेह्‌का ओर वने उंद एका आयिर: नना ओरगा जोळेम आस मह्‌नन, ओसो निमा नयगा. इदिनेनाह्‌क बेद्रम निमा नावा संगे उंद आसि, नाक मान ईतिन, अद्रमे नना ओरा संगे उंद आसि, अदे मान ओरिह्‌क ईतन.

इब्रितोर 9:27

सबेटोर मन्कलोर उंदिय मल्का डोलनदु; ताना पेग़्के देवुळि ओरा नेयम कीयग़ा.

1 योहन 2:6

बोग़ु देवुळता संगे जोळेम आस मह्‌नन इन्ह्‌तोग़, ओना ताकमुळि येसुना ताकमुळता लेह्‌काने मनदना गावले.

1 योहन 3:7

ए पेकोरिर! बोरिने मीक नाळेह कीयलाह एमाटु. बोग़ु सेतेमताङ कबस्क कीसोर ताकिह्‌तोग़, ओग़ु किर्स्तुना लेह्‌का सेतेमतोग़ आंदोग़.