1 योहन 3:15 - माडिया गोंड पवित्र सास्त्रम

¹⁵ बोग़ मन्कल तना ऐंगेटोर विस्वसिरिन जीवा केवोग़, ओना बुदि, हव्के मन्कना बुदता लेह्‌का मन्ह्‌ता. हव्के मन्कना जीवातगा, अमेसाता पिसमुळ इले, इदिन मीट पुतिरे.

1 योहन 3:15 Referans Kwoze

तोहचीतव पोल्‍लोङ 21:8

मति रेयवालोर मन्कलोरु, विस्वस विळ्सतोरु, करब बुदतोरु, हव्कवालोरु, साट्याल कबळ केवालोरु, ओदेङ पंडवालोरु, पेन-बोमान मोळ्कवालोरु, सबेटोर जोलहालोरु, नना ईयनविन दोर्किह केवोर. मळ्गनद किसबटि ओरा तूस आयग़ा. इदे पयाडा हामुर मन्ह्‌ता,” इता.

योहन 8:44

मीट देयह्‌कना मुक्यानाङे मग़्कनिर! अदिह्‌के तानाङे लाग्वाङ कबस्क मीट कीयलाह ऊळिह्‌निर. अद मुनेताहि मन्कन हव्के आंदु. ओसो तानगा बातय सेतेम इले, अदिह्‌क अद बेस्केन सेतेमतुन पोस मनो. ताना बुदिय जोल वळ्ह्‌कनद आंदु, बाराह्‌क इतेके अद जोलहाल ओसो जोलतुन पुटिह कीयनद आंदु.

बळयिर 23:14

ओर मन्कलोर पेर्मालोरगा ओसो यहुदिराङ पेदल्कनगा अन्जि, “माट पोलुन हव्कवालेवा, बाताले तिनोम-उनोम आयकोम, ओन हव्कवेके देवुळि माक उंदियदेबा लेट्‌नेन ईयि तेला इनजोर, किरिया कीतोम.

याकुब 1:15

पया (आंचाळ नेलाङ हव्किस रिकम आयना लेह्‌का,) मन्कना जीवातगा लालुस वने बेर्सिसि, पापमतुन पुटिह कीस्ता. पया अद पापम बेर्सिसि, आक्रिते ओन देवुळताह एग़िह कीस्ता.

बळयिर 23:12

इमा दिया सकरि, पोलुन हव्कलाह, उय्तुर यहुदिर जमा आस विचर कीतोर. विचर कीसि, “इंजेक पोलुन हव्कवालेवा, माट गाटो-जावा तिनवल-उनवल. माट अद्रम केवेके, देवुळ माक उंदियदेबा लेट्‌नेन ईयि तेला,” इनजोर किरिया कीतोर.

योहन 4:14

मति नना ईयनद एतुन बोर उनडनुर, ओरिह्‌क पया मुर्तिय एग़ उनडा वसो आयग़ा. नना ईयनद एग़ मात्रम, ओरा लोप्पा अमेसा पिसलाह ईयनदु, ऊता एग़लेह्‌का पोङग़ा,” इनजोर इतोग़.

मार्कल 6:19

एरोदियसि इतेके, योहनना विरुद आसि, ओन हव्कलाह ऊळिंदु, मति हव्क पग़वो.

मत्याल 5:28

नना मात्रम मीक वेहतह्‌नन, बोग़ाय बेदे आंचानके साट्याल विचरते ऊळिह्‌तोग़, ओग़ु तना जीवाते तान कवतोग़े.

1 पत्रु 1:23

येसुना कबुर केंजिस नमताह्‌कु, इंजेके मीटु पूना पुटटप आतिर. तलोग़-तपेराहि पुटटद जीवा डोलिह्‌ताये; मति देवुळता अमेसा मनदनदु बेस्केन मिळ्न्दवदु पोल्‍लो केंजताह्‌कु, माक पूना जीवा दोर्कता, अद बेस्केन डोलो.

1 योहन 2:9

बोग़ु देवुळता वेह्‌चते मह्‌नन इन्ह्‌तोग़, मति तना तोळतोग़ विस्वसिन कोटुल कीस्तोग़ इतेके, ओग़ इंका वने ईकळ-गंगातेन मन्ह्‌तोग़.

1 योहन 2:11

मति बोग़ तना तोळतोग़ विस्वसिन कोटुल कीस्तोग़, ओग़ ईकळते मन्ह्‌तोग़, अहे ईकळते ताकिह्‌तोग़. ईकळ ओनु तोववाह कीता, अदिनेनाह्‌क ओग़ बेके दास्तोग़, अदिन वने पुनोग़.