1 योहन 2:4 - माडिया गोंड पवित्र सास्त्रम

⁴ बोग़ु नना देवुळतुन पुतन इनजोर इन्ह्‌तोग़, मति तानाङ अडोन माळोग़ इतेके, ओग़ जोल मन्कल आंदोग़. ओनगा सेतेम इले.

1 योहन 2:4 Referans Kwoze

1 योहन 1:6

अदिनेनाह्‌क माट देवुळता संगे कलियिस मह्‌नोम इनजोर वेहचि, ईकळते मतेक अचोन, माटु जोल मन्कलोरल, ओसो सेतेमते ताकवोरल आंदल.

तीतुस 1:16

देवुळतुन पुतोम इनजोर, सबेटोरा मुनेह ओर वेहतह्‌तोर. मति ओर जोल कीयलाह आतोर इनजोर, ओराङ कबस्क तोहतह्‌ताङ. ओर देवुळतुह्‌क एग़्ङ वानाह मन्ह्‌तोर, ओर ताना पोल्‍लोतुन केंजवोर आंदुर, अहे बेदे बेसता कबळतुह्‌क ओजोर.

1 योहन 1:8

मयगा बेदे पापम इले इनजोर इतेक अचोन, मयगा मुर्तिय सेतेम इले. माट कुदि नाळेम आय्ह्‌नल.

1 योहन 4:20

बोग़ाय, नना देवुळतुन जीवा कीय्ह्‌नन इद्रम इन्ह्‌तोग़, मति तना ऐंगेटोग़ विस्वसिन कोंटे कीस्तोग़ इतेके, ओग़ जोल मन्कल आंदोग़. तनाङ कोंडाह्‌क दिसवाल ऐंगेटोग़ विस्वसिन जीवा केवोग़ इतेके, तन्क दिसवद देवुळतुन ओग़ बह जीवा कीया पग़यह्‌तोग़?

1 योहन 2:9

बोग़ु देवुळता वेह्‌चते मह्‌नन इन्ह्‌तोग़, मति तना तोळतोग़ विस्वसिन कोटुल कीस्तोग़ इतेके, ओग़ इंका वने ईकळ-गंगातेन मन्ह्‌तोग़.

1 योहन 1:10

बोग़े मन्कल पापम केवोग़ इलेग़, इनजोर देवुळि इन्ह्‌ता. अदिह्‌क माट पापम केवोम इनजोर इतेक अचोन, देवुळतुन जोल कीय्ह्‌नल; ताना पोल्‍लोतुन मावा जीवातगा तासवल.

योहन 8:44

मीट देयह्‌कना मुक्यानाङे मग़्कनिर! अदिह्‌के तानाङे लाग्वाङ कबस्क मीट कीयलाह ऊळिह्‌निर. अद मुनेताहि मन्कन हव्के आंदु. ओसो तानगा बातय सेतेम इले, अदिह्‌क अद बेस्केन सेतेमतुन पोस मनो. ताना बुदिय जोल वळ्ह्‌कनद आंदु, बाराह्‌क इतेके अद जोलहाल ओसो जोलतुन पुटिह कीयनद आंदु.

तीतुस 1:10

नना इद्रम बाराह्‌क रासिह्‌नन इतेके, करेते तोग़-देसेमतगा कैंगम आयवालोर वेल्‍लाटोर मन्ह्‌तोर. अहे उगसताङ वेहतह्‌तोर, ओसो मन्कलोरिन नाळेह कीस्तोर. उच्वुर यहुदि विस्वसिर कोनि, इद्रम पका कीस्तोर. ओर बह इन्ह्‌तोर इतेके, सबेटोर विस्वसिर डायना रिवज कीयना इनजोर इन्ह्‌तोर.

1 योहन 2:3

माट देवुळता उकुमतुन केंजिस अद्रम ताकतेकेने, तान माट बेस पुह्‌नल इन्जि, मावा जीवातगा एर्का आस्ता.

1 योहन 3:6

अदिनेनाह्‌क बोर किर्स्तुना संगे जोळेम आस मन्ह्‌तोर, ओर पापम कीसोर मनोर. ओसो बोर पापम कीसोर मन्ह्‌तोर, ओरु किर्स्तुन बेस्केन ऊळोर; ओसो किर्स्तु बोग़ आंदोग़ इनजोर वने पुनोर.

1 योहन 4:7

गोतयालोरिर! माट ओर्विह्‌क-ओर्वोग़ जीवा कीयना गावले. जीवा कीयनद पोल्‍लो देवुळतग्डाये आंदु. बोर जीवा कीस्तोर, ओर देवुळताङ पिलाङ-पेकोर आसि, तान पुतोरु.