1 योहन 2:1 - माडिया गोंड पवित्र सास्त्रम

¹ ए पेकोरिर! मीट पापम केमाटु इनजोर, इव पोल्‍लोन नना मियेनाह्‌क रासलाह आतन. मति मयग्डाह बोग़ाय पापम कीतेके, माकु देवुळबाबाना संगे गूनम केवाल ओर्वोग़ तोळतोग़ मन्ह्‌तोग़. ओग़े सेतेमतोग़ येसु किर्स्तु आंदोग़.

1 योहन 2:1 Referans Kwoze

1 तिमोति 2:5

उंदिय देवुळ मन्ह्‌ता, ओसो मन्कलोरिन देवुळतगा कलियिह केवाल, वग़ोग़े मन्कल मन्ह्‌तोग़, इतेके येसु किर्स्तु.

रोम सहरतोर 8:34

पया देवुळि माक सिक्सा ईया पग़यह्‌ताया? आयो, अद्रम बेस्केन केवो! येसु किर्स्तुये मयेनाह्‌क डोलिस मतोग़. अचोने आयो मति, देवुळि ओन जीवा अर्हचि, तना तिनळ बाजे ओन उदिह कीता. ओग़ मावा तोळ मन्जि, अगा मयेनाह्‌क देवुळतुन वळ्ह्‌किह्‌तोग़.

योहन 14:6

अस्के येसु ओन इतोग़, “अग़दन ननाने, सेतेमतन ननाने, जीवातन वने ननाने आंदन, तोमा. नावा संगे वावालेवा, बाबानेके बोग़े एवया पग़वोग़.

2 कुरिंततोर 5:21

किर्स्तु पापमलेवा मतोग़. मतेक तेला माट ओना संगे जोळेम आसि, देवुळता मुनेह सेतेमतोर आयना इनजोर, देवुळि मावा पापमतुन ओना पोग़ोन वाटिसि, मावा बद्लाते ओन्क सिक्सा ईता.

1 योहन 4:4

ए पेकोरिर! मीट देवुळताहि पुटटोरिर आंदिर. मियगा मनदनद ताना पवित्र जीवा, दुनियाते मनदनद देयह्‌कना मुक्याह्‌काय, एक्‍वा बेरा लावता आंदु. अदिनेनाह्‌क मीटु ओर जोल काग़्हवालोरिन गेल्सतिर.

1 योहन 3:18

अदिनेनाह्‌क पेकोरिर! माट सिरप तोडटा पोल्‍लो वळ्ह्‌किस जीवा कीयनद आयो. मति देवुळता सेतेम पोल्‍लोतुन नमिसि, दुस्रोरेनाह्‌क बेसताङ कबस्क कीयना गावले.

1 योहन 3:7

ए पेकोरिर! बोरिने मीक नाळेह कीयलाह एमाटु. बोग़ु सेतेमताङ कबस्क कीसोर ताकिह्‌तोग़, ओग़ु किर्स्तुना लेह्‌का सेतेमतोग़ आंदोग़.

योहन 8:11

“गूरु, नाक बोग़े बातय इनोग़,” इन्जि इता. “नना वने नीकु सिक्सा ईयलाह तयर इलेन. अन, इंजेटाहि निमा नीवा पापमतुन विळ्सिस मन,” इनजोर येसु तान इतोग़.]

इब्रितोर 9:24

अदिनेनाह्‌क मन्कलोर पंडटद सबेट्क पवित्र गूडटगा, किर्स्तु ओळियोग़. मन्कलोर पंडटद जागा, पोग़ोन मनदनद सबेट्क पवित्र गूडटा वेट दळ्मि, अचोने! निटमता सबेट्क पवित्र गूड इतेके देवुळदीपि, ओग़ अगाने ओळियतोग़. मयेनाह वेहतलाहि, देवुळता मुनेह नितलाहि ओळियतोग़.

1 योहन 3:5

मति मावा पापमता सिक्सातुन तेहच ओयलाह, किर्स्तु वास मतोग़ इनजोर, मीट पुतिर. ओसो ओग़ पापमलेवोग़ आंदोग़, इद पोल्‍लो वने मीक एर्काय मन्ह्‌ता.

इपिसुसतोर 2:18

बह इतेके, इंजेके देवुळतग्डा जीवा, यहुदिरगा ओसो यहुदि आयवोरगा वने मन्ह्‌ता. अदिनेनाह्‌क इंजेके माट रेंड आस तुंगाना मन्कलोरल, किर्स्तुना मेटे देवुळबाबानगा दाया पग़यह्‌नल.

योहन 6:27

अवयनद तिंडटा पेग़्के अनमाट, मति अमेसाता पिसमुळ ईयनद, बेस्केन अववदु तिंडटुन पर्ह्‌काटु. इद्रमता तिंडि माने-मन्कना नडुम पुटटोनन, नना मीक ईकन. बाराह्‌क इतेके अदिन ईयनद अदिकर नावा देवुळबाबाल नाक ईतोग़,” इनजोर इतोग़.

1 पत्रु 3:18

किर्स्तु इंका मावा पापमतेनाह्‌कु देबाङ अर्सि डोलतोग़, इद पोल्‍लोतुन माग़्ङमाटु. ओग़ सेतेमतोग़ मन्जाय, माकु देवुळतगा कलियिह कीयलाह, माट पाप्यह्‌लोरेनाह्‌कु हातोग़. ओना उंदिय मल्का डोलमुळ आता. लोकुर ओनु हव्कताह्‌कु, ओना मेंदुल डोलता. तेला मति जीवाते तेग़्किसि,

इपिसुसतोर 4:26

बेचोन ओङ वातेक तेला, अद ओङ मीक पापमते अर्हमाकि. पोळ्‍द अनवाये मीवा ओङ रेगि!

गलातितोर 4:19

इंगो रा, इह केंजाट बाबा, किर्स्तुना बुदि मियगा पुटनाह्‌जोम, रिकम आयनद मग़तलिना पोटातगा आतप लेह्‌का, नावा पोटातगा मळमळ आस्ता.

योहन 5:36

“मति योहनना साक्सितुह्‌काय नयगा ओसो बेह्‌रा साक्सि मन्ह्‌ता. बेव कबस्किन मारिह कीयलाह, नावा बाबाल नाक लोहतोग़, बेव कबस्किन नना कीय्ह्‌नन, नाक बाबाल लोहतोग़ इनजोरे, अवे कबस्क मीक तोहतह्‌ताङ.

लूकाल 10:22

ओसो “नावा बाबाल नाकु सबे पुनदलाह ईतोग़. नावा देवुळबाबान विळ्सिसि, देवुळता मग़ि बोग़ आंदोग़ इनजोर बोग़े बह पुनोग़. अहे देवुळता मग़िन विळ्सिसि, देवुळबाबाल बोग़ आंदोग़ इनजोर बोग़े पुनोग़. अद्रमे नना बाबान तोहतलाह बोन-बोन आचिह्‌नन, ओरु बाबान पुनदनुर.”

1 पत्रु 2:22

ओग़ु बातय कसुर केवोग़, ओना तोडटाहि बेस्केने नाळेह कीयनद पोल्‍लो पेसो.

1 कुरिंततोर 15:34

इव पोल्‍लोना लोप्पा पुन्ज मन्ह्‌टु. देवुळतुह्‌क विचर वातप बेस बुदते मन्ह्‌टु, पापम कीयनद विळ्साटु. मीक लजा वानाह उंद पोल्‍लो इह्‌नन, मियगा उच्वुर मन्कलोरिर देवुळतुन इंका पुनविरे.

योहन 5:14

अस्के पया मंदिरते येसु वेन कलियतोग़, कलियिस इतोग़, “ऊळा, निमा दुकताहि तेग़्कतिन! मुनेटलेह्‌का इंजेक पापम केमा बहा, कीतेके मुनेट्काय एक्‍वा तिपलते अरयकिन,” इतोग़.

याकुब 1:27

मति मूरा-मूरि पिलाङ-पेकोरा, ओसो रांडे आस्कना तिपलतुन ऊळिसि, ओरा साय्ता कीयना. ओसो इद दुनियाताङ सबे लाग्वाङ कबस्कनग्डाहि, कुदतुन जेक तासना, इद्रमताये ताकमुळ मावा देवुळबाबाना विचरते, तपलेवद निटमता कर्तुळ आंदु.

1 योहन 5:21

अदिनेनाह्‌क पेकोरिर, मीटु सबे जोल पेन-बोमानग्डाह जेक मन्ह्‌टु.

याकुब 3:9

माटु इदे वेंजेटे, मावा सामि देवुळबाबान जोहर कीय्ह्‌नल; ओसो इदे वेंजेटे, देवुळि तना लेह्‌का पंडटोर मन्कलोरिन सरप ईय्ह्‌नल.

रोम सहरतोर 6:15

इंजेके देवुळता दया माक दोर्कताह्‌कु, मोसानाङ अडोङ वेहतप, माक ताक पोयो. अदिनेनाह्‌क इंजेके माट पापम कीतेक बाताल आयो इनदा पग़यह्‌नला? आयो, अद्रम मुर्तिय आयो.

योहन 13:33

“ए पेकोरिर, नना ओसो गेळ्के मीवा ऐंगे मह्‌नन. पया मीट नाक पर्ह्‌ककिर, मति बहलेह्‌का नना यहुदिराङ पेदल्किह्‌क वेहतन, अहलेह्‌का नना मीक वने इंजेके वेहतह्‌नन: नना बेगा दाय्ह्‌नन, अगा मीट वाया पग़विर आयकिर.

1 तिमोति 3:14

इंजेके नियके चट्पिट वायकन इन्जि, नावा आसा मन्ह्‌ता. मति बहाय आसि, आल्सेम आतेक बारा, इद सीटि नीक रासिसीय्ह्‌नन. देवुळता लोतोर बेद्रम ताकना, तेन निमा पुनदना इन्जि, इव पोल्‍लोङ नीक वेहतह्‌नन. देवुळता लोतोर बोर इतेके, किर्स्तुन नमवालोर जीवात मनदनद देवुळता मुलु. बेद्रमलेह्‌का रायिना, जोताना, आदरते लोन नितह्‌ता, अद्रमलेह्‌काने विस्वसिरा मुल बेगा बेस ताकिह्‌तोर, अगा देवुळता सेतेम पोल्‍लो नितह्‌ता.

योहन 21:5

अस्के येसु आळो कीतोग़, “उचुक तेला मीन्क पोयविर रा, पेकोरिर?” “एंह-एंह, माकु उंदाय मीन दोर्को,” इनजोर ओर इतोर.

योहन 14:16

अस्के नना बाबान ताल्ह्‌ककन, पया ओग़ मीकु दुस्रा तोळ आयनद ईयनोग़, अद अमेसा मीवा संगे मनदग़ा.

बळयिर 7:52

देवुळता कबुरतोरग्डाहि मीवा तादोर-बाबोर ओर्विन वने तिपल केवोरा, अले वेहाट? देवुळ लोहवाल सेतेमतोग़ किर्स्तु वायनोग़ इनजोर, अद कबुरतुन मुनेन पोकुर कीतोरिन, मीवा तादोर-बाबोर हव्कतोर. अद्रमलेह्‌का ओग़ किर्स्तु वातस्के, मीट ओना पोग़ोन उगसिन तप तोहचि, हव्कनाह कीतिर.

रोम सहरतोर 5:10

नना ओसो तेळियिह कीस वेहतह्‌नन, माट देवुळता कोंटेतोरल मतल अस्केने, मयेनाह्‌क डोललाह अद तना मग़िन लोहच मता. इद्रमलेह्‌का माट ताना संगे गूनम आतल. इंजेके गूनम आतापया देवुळि, तना मग़ि किर्स्तु जीवात मनाह्‌कु, माक सिक्साताहि निटमे पिसिह कीयग़ा.

1 योहन 5:17

सबे लाग्वाङ कबस्कु पापमे आस्ताङ, मति सबे पापम कबस्कु देवुळताहि एग़िह केवोङ.

3 योहन 1:4

नावाङ पेकोर सेतेमते ताकसोर पिसलाह आतोर इनजोर केंजिसि, नावा जीवातुह्‌क बेस गिर्दा आता. बेदे दुस्रा पोल्‍लो तान्काय वीळिस नाक गिर्दा एवो.