1 कुरिंततोर 9:3 - माडिया गोंड पवित्र सास्त्रम

³ मति (किर्स्तुना बळयिना लेह्‌का केवोन इनजोर,) नाक उच्वुर पर्ह्‌किस ऊळलाह आस्तोर. ओरिन नना इद्रम पोल्‍लो मल्हतह्‌नन, बेस केंजाट:

1 कुरिंततोर 9:3 Referans Kwoze

2 तिमोति 4:16

नावा मुनेता नेयमतस्के, नना नावा लोप्पा कोरोटटे वेहतलाह अतन, अस्के नयेनाह साक्सि ईयलाह बोग़े तोळ वावोग़. सबेटोर नाक विळ्सिस अतोर. देवुळि इद पोल्‍लोतुन सीताते तासिस ओरिह्‌क सिक्सा एमाकि.

पिलिपितोर 1:7

मीट सबेटोरिन इद्रम सीता कीयनद नाक बेस ओप्पिह्‌ता. बह इतेके नना इगा जेलते मनदह्‌पा, मीट सबेटोरिर नावा तोळ आतिर. ओसो किर्स्तुना विरुदतोरिन पोल्‍लो मल्हचि, ओना बेसता कबुर सेतेम मन्ह्‌ता इनजोर करल कीयनद, इद नावा कबळते वने, मीट तोळ आतिर. अदिनेनाह्‌क मीक नना जीवा कीय्ह्‌नन.

2 कुरिंततोर 13:10

मीवा विस्वसतुन बेर्सिह कीयलाहि, सामिनाहि माक अदिकर दोर्कता, तान बूळे कीयलाहि आयो. मियगा वातस्के, इद अदिकरते मीक कळकते वेहतनाह आयमाकि इनजोर, इंजेक मियग्डाह जेक मनदह्‌पा, इव पोल्‍लोन रासलाह आतन.

2 कुरिंततोर 13:5

मीट नाक पर्ह्‌किस ऊळना वाटो, मीवा विस्वस निटम मन्ह्‌ताया इन्जि, मीट कुदतुने पर्ह्‌किस ऊळाट. अद्रम ऊळतस्के, मीवा जीवातगा येसु किर्स्तु मन्ह्‌तोग़ इनजोर, पुनमुळ आस्ता. अद्रम लेवेके, मीट ओना लोकुरिर आयविरे कोनि.

2 कुरिंततोर 13:3

“नीवा तोडटे किर्स्तु वळ्ह्‌किह्‌तोग़ इनजोर, बह पुतोम?” इह्‌निर. नना ओना अदिकरते पापम कीतोरिन सिक्सा ईकन, अस्के किर्स्तु नावा तोडटे वळ्ह्‌किह्‌तोग़ इनजोर पुनदकिर. मीक सिक्सा ईया पग़वाह, किर्स्तु लावलेवोग़ आयोग़.

1 कुरिंततोर 14:37

बोग़ाय तन्क देवुळता जीवाता दळ्मते वळ्ह्‌कनद बुदि दोर्कतोनन इनजोर इनेग़, इलवेके देवुळता जीवा ईतद दुस्रा बुदि दोर्कतोनन इनजोर इनेग़. इतेके अद्रमतोग़ मन्कल, इद सीटटे नना रासनव पोल्‍लोङ, सामि ईतव उकुम आंदुङ इन्जि पुनेग़.

बळयिर 25:16

ताल्ह्‌कतस्के नना ओरिन इतन, ‘बेचानाह कसुर तोहवालोरा मुनेह, कसुरतोग़ मन्कल निचि, तना कसुरता लोप्पा बयन एवोग़, अचानाह ओन्क सिक्सा ईयना, अद्रमता रोम सर्करता उतुर इले,’ इतन.

बळयिर 22:1

पोलु इद्रम वेहतोग़, “मावोरिर, पेदल्कनिर! नावा साक्सितुन मीवा मुनेह नना इंजेक वेहतह्‌नन, इदिन केंजाटु.”

लूकाल 12:11

“ओसो बेस्के मीकु पार्तना कीयनाङ लोह्‌कनगाय, साय्बालोरगाय, मुक्यालोरगाय मीवा नेयम कीयलाह पोस ओयनुर, अस्के माट बाताल वळ्ह्‌ककोम इनजोर आलिह केमाटु.

1 कुरिंततोर 9:2

(नना मियगा किर्स्तुना बळयि आस वाताह्‌के, मीट इंजेके सामिना संगे जोळेम आतिर.) अदिनेनाह्‌क मीट नावा कबळता सीनालेह्‌कान मह्‌निर. अदिह्‌क दुस्रोर नाक किर्स्तुना बळयि इनजोर इनवेकाय, मियेनाह्‌क तेला नना किर्स्तुना बळयिनने.

1 कुरिंततोर 9:4

माट मीवा नडुम सेवा कीताह्‌कु, मावा पिसना-पिसवग़ता जबब्दर मियगा इलेया?