1 कुरिंततोर 9:26 - माडिया गोंड पवित्र सास्त्रम

²⁶ अदिनेनाह्‌क नना सीनातगा एवयकन इन्जि, जिदते वितिह्‌नन. निसान लेवगा एसवाना लेह्‌का आयोन.

1 कुरिंततोर 9:26 Referans Kwoze

2 पत्रु 1:10

अदिनेनाह्‌क मावोर विस्वसिरिर, इव पोल्‍लोङ मियगा मन्ह्‌ताङा, इलेङा इन्जि पर्ह्‌किस ऊळाटु. देवुळि निटम मीक आचिसि, तना मन्कलोर आयलाह केयता इनजोर, मीट पकाय जिदते करल कीयलाह ऊळाटु. अद्रम मीट कीसोर मतिर इतेके, बेस्केन मीवा विस्वसते पेग़्के अरविर.

2 तिमोति 2:5

अहे कग़्सवाल मन्कल, अग्डा अडो मतप वितवेक अचोन, ओन्क इनम दोर्को.

पिलिपितोर 1:21

बाराह्‌क इतेके, नावा विचरते पिसना इतेके, किर्स्तुने मान ईस पिसना. हायना इतेक बार, ओनेकेन दायना, इद नावा पाय्दाये आयग़ा.

कुलुसितोर 1:29

इदे पोल्‍लोतेनाह्‌क नना एपुर पेसनाह कबळ कीसि, पप्ळेम आयलाह आतन. किर्स्तुना बेरा लाव नाक ताकिह कीताह्‌कु, नना कह्‌टेम कीयलाह आतन.

लूकाल 13:24

“नना मीक वेहतह्‌नन, वेल्‍ला पसलेवदु उड्ला अग़दुह्‌कु, देवुळता राजेमतगा नेङलाह ऊळाटु. बाराह्‌क इतेके वेल्‍लाटोर लोप्पा नेङलाह ऊळनुर, मति नेङ पग़वोर आयनुर.

2 तिमोति 1:12

अदिनेनाह्‌क नाकु इव तिपल्क वाताङ, वातेक तेला नना लजा आयोन. बाराह्‌क इतेके, नना बोन विस्वस कीतन इनजोर पुतन. (नना देवुळतुन विस्वस कीतन,) नना ताना कयदे तासिसीतद नावा जीवातुन, अदु किर्स्तु मल्स वायनद दिया एवनाह, राका कीस तास पग़यह्‌ता इनजोर, बेस-नेह्‌ना पुतन.

1 पत्रु 5:1

इंजेके येसुना मुडगा मनवालोर, मीक मुक्यालोरिह्‌क उंद पोल्‍लो. नना इंका मुक्यानन, येसु किर्स्तुना तिपलतुनु कोंडामेंड ऊळतोनन, ओसो ओग़ु मल्स वायह्‌पा, ओना कदरते, डीसाते कलियवानन आंदन.

इब्रितोर 4:1

मीक आरम ईकन इनजोर, देवुळि मुनेन पोल्‍लो विळ्सिस मता. अद पोल्‍लो इंजेक वने अरयह्‌ता. अदिनेनाह्‌कु आरम दोर्कनगा एव्वोम आयकोम बहा इनजोर, मीट ओर्वोग़-ओर्वोग़ रेयिस मन्ह्‌टु.

2 कुरिंततोर 5:8

अदिनेनाह्‌क दीरा पोस मह्‌नोमे, मति इद मेंदुलतुन विळ्सिसि, पोग़ोन किर्स्तुनगा मनदनदिन पका विचर कीय्ह्‌नोम, इद मेंदुलते मनदनदिन आयो!

2 कुरिंततोर 5:1

केंजाट! मावा मेंदुलि इद बूमतगा माट मनदनद गुळ्सेलेह्‌काडा मन्ह्‌ता. गुळ्सेतुन मुटिह कीयना लेह्‌कान, मावा मेंदुल वने बूळेम आयग़ा. मति अद्रम आतेक वने, माक मनदलाहि कयदे पंडवद, अमेसा मनदनद, पूना लोन देवुळि ईयग़ा इन्जि माट पुतल. अद दिसवद लोन देवुळता जागातगा मन्ह्‌ता.

1 कुरिंततोर 14:9

अद्रमे मीट वने दुस्रोर पुनदा पग़यनद बासाते वेहवेके, मीवा पोल्‍लोतुन केंजवालोर बह पुनदनुर? इद्रम आतेक पया, मीवा पोल्‍लो वळ्‍दे तूळतप लेह्‌का आयोया?

मत्याल 11:12

देवुळता पेदिरते एग़ मीहवाल योहन, कबुर वेहचोर वाताङ दियानाहि नेंड एवनाह्‌जोम, देवुळ तना राजेमतुन जोरतेने निल्पिह कीसोर मन्ह्‌ता, अह आसि लोकुर तान पोयतलाह, दोबेङ-नूकेङ कीसोरे लोप्पा नेङिह्‌तोर.

गलातितोर 2:2

अगा देवुळिये नाक ओसीताह्‌कु नना अतन. अन्जि अग्डोर विस्वसिरगा, बोर मोदुल मन्कलोर मन्ह्‌तोर, ओरगा अतन. दुस्राङ जातिनोरगा नना काग़्हतद बेसता कबुरतुन, ओरिन ओर्के एग़िह कीस वेहतन. निमा काग़्हतद कबुर देवुळतग्डाहे वाता इनजोर, ओर पेदल्क नाक इनदनुर बहे; अस्के नावा पूरा कह्‌टेम उगसे अनो आयग़ा इन्जि, नावा आसा मता.

2 तिमोति 4:7

(ओर्विह्‌क-ओर्वोग़ लळेम आयवालोर, पूरा लाव कीस लळेम आयना लेह्‌कान,) नना पूरा लाव कीसि, बेचोको तिपल्कना नडुम, नावा सेवातुन विळ्सोन. (कग़्सवाल मन्कल जेक वितिसि, सीनातगा एवयना लेह्‌कान,) देवुळ नाक ईतद कबळतुन नना मारिह कीतन. देवुळ नावा पोग़ोन बर्वस तासतपु, नना सेतेमते ताकतन, (बेस्केन पेग़्के अरवोन).

इब्रितोर 12:1

अदिनेनाह्‌क (माट बह कीयनद इनजोर, तेळियिह कीसीकन:) विस्वसिरा इचोटा बेरा मुडा साक्सि, मावा सर्ने निच (मतप लेह्‌कान, माक दीरा ईसोरेन) मन्ह्‌ता. देवुळि मयेनाह्‌क बेद अग़ तयर कीता, (अद अग़दे वितिङ. बेस वितना इन्जि,) रोमिह कीयनव पुहतव गेंदेना लेह्‌काडाङ सबे पोल्‍लोन तेंडकल, माक ऊर्सतद पापमतुन लेहतकल. ओसो आरेम आयवा, मावा मुनेह मनदनद अग़ पोसि सीदा वितकल.