1 कुरिंततोर 9:17 - माडिया गोंड पवित्र सास्त्रम

¹⁷ नना नावा विचरते बेसता कबुरतुन वेहतना इतेके, नाक बूत दोर्कालि. मति इद कबळतुन देवुळि नावा कयदे कीसीता. अदिनेनाह्‌क नाक विचर वावेक वने, इद कबळतुन कीयाय पोयह्‌ता.

1 कुरिंततोर 9:17 Referans Kwoze

गलातितोर 2:7

(मति याकुब,पत्रु, योहन, वेर मुवुरिन येरुसलेमते येसुसामिना मुडगा मुक्यालोर इन्ह्‌तोर, वेर बाताल कीतोर?) बेद्रम पत्रुह्‌कु, देवुळि यहुदिरिह्‌क बेसता कबुर वेहतलाह अदिकर ईता, अद्रम नाकु यहुदि आयवोर दुस्राङ जातिनोरिह्‌क वेहतलाह अदिकर ईता इन्जि, वेर मुवुर ऊळतोर.

1 कुरिंततोर 3:8

वीतवाल वने पंटा पंडि इनजोर वीतिह्‌तोग़, एग़ अर्हवाल वने पंटा पंडि इनजोर एग़ अर्हतह्‌तोग़. इद्रम ओर्वोग़-ओर्वोग़ मन्कह्‌क, आपुना-आपुना कबळता इसबते, बूति दोर्कग़ा.

कुलुसितोर 1:25

नना सबे जातिनोरगा वेहतलाह आतन, अद पोल्‍लोतुन मुनेता कालमते, अस्केडोर मन्कलोरिह्‌क, देवुळि पुन्पिह केवा मता. मति इंजेके अद पोल्‍लोतुन, तना मन्कलोरिह्‌क पुन्पिह कीयलाह विचर कीता. इद बाताल पोल्‍लो आंदु इतेके, किर्स्तु मीवाङ जीवानगा जागा आस्तोग़; अदिनेनाह्‌क देवुळि मियेनाह्‌क, पोग़ोन तासतद पका बेसतल बर्कतता तूस मीक दोर्किह्‌ता इनजोर, मीक वने इंजेके आसा दोर्कता, इदे अद पोल्‍लो आंदु. मीवा पाय्दातेनाह्‌कु देवुळि तना पूरा पोल्‍लोतुन तपवालेवा पोकुर कीयनद कबळतुनु, नावा कयदे कीसीता. कीसीताह्‌के नना विस्वसिरा मुडा सेवकनन आतन.

1 कुरिंततोर 4:1

अदिनेनाह्‌क माट सेवकिरा लोप्पा, मीट विचर कीयह्‌पा, वेर किर्स्तुना सेवा केवालोर आंदुर, देवुळि तनाङ मकिह कीस तासिस मतव पोल्‍लोन वेहतनद कबळतुन, वेरिह्‌क ईता इनजोर, सीता कीम्ह्‌टु.

मत्याल 10:41

देवुळता कबुरतोग़ ओर्विन, कबुरतोग़ इन्जि बोर बेस ऊळिह्‌तोर, ओरिह्‌कु देवुळतेनाह कबुरतोनाय इनम दोर्कग़ा. ओसो सेतेम मन्कल ओर्विन, सेतेमतोग़ इन्जि बोर बेस ऊळिह्‌तोर, ओरिह्‌कु सेतेमतोनाय इनम दोर्कग़ा.

1 तिसलुनितोर 2:4

मति देवुळि माक सेतेम ऊळिस आचता, ओसो बेसता कबुरतुन मावा कयदे ईता, अदिह्‌क वेहतह्‌नोम. माट मन्कलोरिह्‌क गिर्दा वानाह वेहोम, मति मावा विचरतुन पर्ह्‌किस ऊळनद देवुळतुह्‌क, गिर्दा वानाह वेहतह्‌नोम.

1 कुरिंततोर 3:14

अद जोताता पोग़ोन, ओग़ मन्कल पंडटद कर्ववालेवा मतेके, ओग़ मन्कह्‌क देवुळि इनम ईयग़ा.

पिलेमोन 1:14

मति नीवा पोल्‍लोलेवा, नना बाताले कीयलाह विचर केवोन. बाराह्‌क इतेके निमा कीयनद बेसतल कबळि जबरदस्तिते केवा, नीवा कुसिते कीयना इनजोर, नना ऊळिह्‌नन.

2 कुरिंततोर 8:12

कोताङ ईयना इनजोर विचर मतेके, मियगा लेवेक आयो, मति मियगा बेचोक मन्ह्‌ताङ, ताना इसबते ईयनद इन्जि, देवुळतुह्‌क विचर वास्ता.

1 कुरिंततोर 9:16

किर्स्तुना बेसता कबुरतुन पोकुर कीयलाह आतन इनजोर, नना पोग़यसोर तिरिय पग़वोन. अद कबळतुन देवुळि नावा पोग़ोन वाटटा, नाक तान कीयाय पोयह्‌ता. केवेक अचोन देवुळि नाक पकाय सिक्सा ईयग़ा.

लूकाल 12:42

इतस्के येसुसामि इतोग़, “बेसता बुदतोग़ सेतेमते कबळ केवाल, इद्रम बोग़ मेटि मन्ह्‌तोग़, ओन लोता माल्काल ओर्युलतोरिह्‌क कगोत्क-कगो अडिया ईयलाहि आचिह्‌तोग़.

मत्याल 24:25

ऊळाट, नना इतेके मीक मुनेन वेहतन, उसरते मन्ह्‌टु.

योहन 4:36

कोयवाल तना बूत दोर्किह कीस्तोग़, ओसो अमेसाता पिसमुळतेनाह्‌कु, लोकुरिन जमा कीस्तोग़. बाराह्‌क इतेके वीतवाल (इतेके देवुळता पोल्‍लो वेहवाल) ओसो कोयवाल (इतेके पोल्‍लोतुन नमवालोरिन जमा केवाल) वेर इर्वुर कलियिस गिर्दा कीयना इन्जि.

1 कुरिंततोर 9:18

पया नावा बूत बातालि? नावा अदिकरतुन पोहचि, किर्स्तुना बेसता कबुरतुन पुनेमते पोकुर कीय्ह्‌नन इन्जि, नाक पोग़यलाह दोर्किह्‌ता. अदे नावा बूति.