1 कुरिंततोर 8:4 - माडिया गोंड पवित्र सास्त्रम

⁴ इंजेके बोमानेनाह्‌क वाटटव अविङ तिनदनदिना लोप्पा, इद्रम इह्‌निर इतेके: दुनियातगा मनदनव बोमाङ बाताङे आयोङ, अव उगसताङे. निटम देवुळि उंदिय मन्ह्‌ता, तान विळ्सिसि दुस्रा देवुळि इले, इनजोर मीट इह्‌निर.

1 कुरिंततोर 8:4 Referans Kwoze

1 तिमोति 2:5

उंदिय देवुळ मन्ह्‌ता, ओसो मन्कलोरिन देवुळतगा कलियिह केवाल, वग़ोग़े मन्कल मन्ह्‌तोग़, इतेके येसु किर्स्तु.

इपिसुसतोर 4:6

मावा कतमतोरा ओर्वोग़े देवुळबाबाल आंदोग़. ओग़ माक कतमतोरिन ताकिह कीस्तोग़. मावा कतमतोरा मेटे तना बुदतुन पुन्पिह कीस्तोग़. मयगा कतमतोरगा जागा वने आस्तोग़.

मार्कल 12:29

इतस्के येसु इतोग़, “सबेट्क बेरा अडो इद आंदु: ए इस्रयेललोकुरिर, केंजाट! सिरप मावा देवुळिये सामि आंदु.

यहुदाल 1:25

मावा येसुसामि किर्स्तुना मेटे, माक पिसिह कीयनदु, अद वग़य देवुळि. अदे देवुळतुह्‌क, अता कालमते वने, इंजेक वने, अमेसा-अमेसातेनाह्‌क डीसा तानाये; मान तानाये; लाव तानाये; अदिकर तानाये इनजोर, मन्कलोर इनिर. आमेन.

1 कुरिंततोर 8:10

अद इद्रमि: (पेन बोमाङ निटम देवुळ्क आयोङ इनजोर,) पुतन इनवानिन; निमा बोमाना मंदिरतगा गाटो तिनदकिन. अस्के विस्वसते मेग़्कवोग़ मन्कल नीक ऊळनोग़. नीक ऊळतस्के, ओग़ वने बोमानेनाह्‌क मोक ईतविस्कनाङ अविङ तिनदलाह रेयोग़ आयनोग़ बहे. (बेद कबळतुन ओग़ पापम कबळ इन्ह्‌तोग़, अदिने कीयलाह ओन्क दीरा वास्ता.)

1 कुरिंततोर 8:1

इंजेके पेन-बोमानेनाह्‌क वाटटव अविना लोप्पा ताल्ह्‌किस मतिर. इद पोल्‍लोता लोप्पा माट बेस-नेह्‌ना पुतोम इन्जि, उच्वुरिर इह्‌निर. अद निटमे मति, माट पका पुतोरोम इनवालोर, माट बेरोरोम इन्जि पोग़यसोर तिरियिह्‌तोर. जीवा केवालोर बारा, दुस्रोरा पाय्दातुन ऊळिह्‌तोर.

बळयिर 19:26

मति इंजेके वेग़ पोलु बाताल कीयलाह आतोग़, अदिन मीट इतेके ऊळसोरेन-केंजसोरेन मह्‌निर. कयदे पंडटव पेन्कु बाताङ इलेङ, उगसताङे मन्ह्‌ताङ इनजोर, लोकुरिन वेहता बोटटोग़. अह इनजोर सिरप इपिसुस सहरतगान आयो, मति मावा आसिया पटटोर वेल्‍लाटोर मन्कलोरिन, तना पोल्‍लोतुन विस्वस कीयनाह वेहतोग़.

बळयिर 14:15

“ए लुस्त्रा सहरतोरिर, मीट इद्रम बह कीय्ह्‌निर? अद्रम केमाटु! माटु बेवे पेन्कनोम आयोम, माट वने मीवाय लेह्‌कान मन्कलोरोमे. मीट इव अङ्ळमताङ पोल्‍लोन विळ्सिसि, जीवात मनदनद देवुळतके मलयना इन्जि, मीक बेसता कबुर वेहतह्‌नोम. अदे देवुळि पोग़ोटा बूमतुन, इळ्ता बूमतुन, सम्दुरतुन, ओसो अविस्कनगा मनदनव सबेटविन पुटिह कीता.

1 तिमोति 1:17

अदिह्‌कु मावा अमेसा मनदनदु, बेस्केन मायवदु, मन्कह्‌क दिसवदु देवुळराजाल, अदे सेतेम देवुळ इनजोरे, तान्कु अमेसा-अमेसातुह्‌क मान आयि, जोहर आयि. अहे आयि.

बळयिर 15:20

मति ओरगा इद्रम रासिस लोहतकल, ‘पेन्किह्‌क वाटटव कळ्‍वोग़ आस्ताङ, अविस्किन तिनदनद आयो; साट्याल कबस्क कीयनद आयो; नेतुर पोववालेवा हव्कतविनाङ अविङ तिनदनद आयो, अस्कतापया नेतुरतुन एच तिनदनद आयो,’ इनजोर रासकल.

1 कुरिंततोर 8:11

अद्रम पुतोनिन, निमा कीतद कबळतेनाह्‌कु, विस्वसते मेग़्कवोग़ नीवा ऐंगेटोग़ विस्वसि, देवुळताहि पूरा जेक आयनोग़. निमा अद्रम अग़ एमा. ओनेनाह्‌क वने किर्स्तु डोलतोग़ कोनि.

गलातितोर 4:8

मति मुने मीट सेतेम देवुळतुन पुनवाह्‌कु, जोल देवुळ्कना कय इळ्न मतिर.