1 कुरिंततोर 8:10 - माडिया गोंड पवित्र सास्त्रम

¹⁰ अद इद्रमि: (पेन बोमाङ निटम देवुळ्क आयोङ इनजोर,) पुतन इनवानिन; निमा बोमाना मंदिरतगा गाटो तिनदकिन. अस्के विस्वसते मेग़्कवोग़ मन्कल नीक ऊळनोग़. नीक ऊळतस्के, ओग़ वने बोमानेनाह्‌क मोक ईतविस्कनाङ अविङ तिनदलाह रेयोग़ आयनोग़ बहे. (बेद कबळतुन ओग़ पापम कबळ इन्ह्‌तोग़, अदिने कीयलाह ओन्क दीरा वास्ता.)

1 कुरिंततोर 8:10 Referans Kwoze

1 कुरिंततोर 8:4

इंजेके बोमानेनाह्‌क वाटटव अविङ तिनदनदिना लोप्पा, इद्रम इह्‌निर इतेके: दुनियातगा मनदनव बोमाङ बाताङे आयोङ, अव उगसताङे. निटम देवुळि उंदिय मन्ह्‌ता, तान विळ्सिसि दुस्रा देवुळि इले, इनजोर मीट इह्‌निर.

रोम सहरतोर 14:23

मति नना बेद तिह्‌नन, अद देवुळता मुनेह पोलिह्‌ताया पोलोया इनजोर, रेंड विचर्क कीस तिनवाल मात्रम, निटमे देवुळता मुनेह तपिह्‌तोग़. बह इतेके, ओग़ देवुळतुन विस्वस केवाय तिन्ह्‌तोग़. इद्रमलेह्‌का बेदाय कबळि देवुळतगा विस्वस केवाय कीतेके, अद पापम आस्ता.

1 कुरिंततोर 8:7

मति सबेटोर विस्वसिर इद पोल्‍लोतुन पुनोर. उच्वुर मन्कलोर मुने पेन-बोमानु मोळ्किस मर्सताह्‌कु, नेटा दिया एवनाह, पेन-बोमानेनाह्‌क मोळ्कतव अविङ तिनदह्‌पा, अव पेन-बोमाह्‌क वाटटव इनजोर, सीता कीस तिन्ह्‌तोर. (ओरा नेह्‌ना-लाग्वा पुनदनद बुद बेर्सवा मताह्‌कु, इविन तिनदनद पोलिह्‌ताया, पोलो इनजोर पुनोर.) अदिनेनाह्‌क अद्रमताङ अविङ तिताह्‌कु, कळ्‍वोग़ आतोम इनजोर, ओरा जीवा चुहेम आयो.

रोम सहरतोर 14:14

येसुसामिना जीवा नाक पुन्पिह कीताह्‌कु, नाक सबे तिनदलाह पोलिह्‌ता इनजोर नना पुतन. मति बोग़ मन्कल बेदाय तिनदनदिन पोलो इनजोर विचर कीस्तोग़, कीसि तान तिन्ह्‌तोग़ इतेके, ओग़ कळ्‍वोग़ आस्तोग़.

1 कुरिंततोर 10:32

यहुदिरा, यहुदि आयवोरा, ओसो देवुळता विस्वसि मुडोरा बेस्केन अडम आयवालेवा पिसाट.

बळयिर 15:20

मति ओरगा इद्रम रासिस लोहतकल, ‘पेन्किह्‌क वाटटव कळ्‍वोग़ आस्ताङ, अविस्किन तिनदनद आयो; साट्याल कबस्क कीयनद आयो; नेतुर पोववालेवा हव्कतविनाङ अविङ तिनदनद आयो, अस्कतापया नेतुरतुन एच तिनदनद आयो,’ इनजोर रासकल.

1 कुरिंततोर 8:9

उंद पोल्‍लोतुन सीताते तासाट: मीट विस्वसते बेस मेग़्कताह्‌कु, मीवा विचरते सबे पोलिह्‌ताङ. मति इद पोल्‍लोता मेटे, पोलिह्‌ताया पोलो इनजोर, विस्वसते मेग़्कवोरिन पापमते अरनाह कीयनद आयो.