1 कुरिंततोर 7:32 - माडिया गोंड पवित्र सास्त्रम

³² ओसो उंद पोल्‍लो वेहतह्‌नन: मीट आल्सुळलेवा मनदना इनजोर, नावा विचर मन्ह्‌ता. मुतेन तवोर मन्कलोर, सिरप सामि गिर्दा आनाह बेद्रम पिसना इनजोर, सामिनाङ पोल्‍लोना सीता कीसोर मन्ह्‌तोर.

1 कुरिंततोर 7:32 Referans Kwoze

1 तिमोति 5:5

मति बोग़े लेवा निटम वग़य मनदनद रांडे आंचाळि, देवुळता पोग़ोन आसा तासिह्‌ता. ओसो नग़्का पिळ्‍विळ पियल-पोळ्‍दु, नाक साय्ता कीम सामि इनजोर, देवुळतुन अर्जि कीसोर ओसो पार्तना कीसोर मन्ह्‌ता.

पिलिपितोर 4:6

बेदे पोल्‍लोतेनाह्‌क आलिह केमाटु, मति सबे पोल्‍लोनेनाह्‌क पार्तनाते देवुळतुन अर्जि कीस, मीवा गर्जतुन वेहाटु. देवुळि माक बेस ऊळिह्‌ता इनजोर, मीट तान जोहर कीसोर ताल्ह्‌काटु.

मत्याल 13:22

कोये-जपिङ मतद जागा इहलेह्‌काडा आंदु. बोर कबुरतुन केंजिह्‌तोर, मति सम्सरमताङ आल्सुळ्क ओसो अनम-दनमता उळ्बे, इव कोयेनलेह्‌काडाङ देवुळता पोल्‍लोतुन ओरा जीवातगा मोन्ह्‌ट एवोङ, पया अद पोल्‍लो बातय पाय्दाता आयो.

मार्कल 4:19

मति पिसवग़ताङ आल्सुळ्कु ओसो अनम-दनमता उळ्बे, सम्सरमता लालुस, इव ओरा जीवातगा देवुळता पोल्‍लोतुन बेर्स एवोङ, पया अद पोल्‍लो बातय पाय्दाता आयो.

योहन 10:13

ओग़ कूलतोग़ आंदोग़, अदिह्‌क गोरेना पर्वा केवोग़, ओग़ वितिह्‌तोग़.

1 कुरिंततोर 7:33

मति मुतेन ततोर मन्कलोर, आपुना मुतेन बेद्रम गिर्दाते तासना इनजोर, इद दुनियाताङ पोल्‍लोनु आलिह कीस्तोर.