1 कुरिंततोर 6:9 - माडिया गोंड पवित्र सास्त्रम

⁹ देवुळतुह्‌क विचर वावाह ताकवालोर मन्कलोरु, अद राजेम कीयनगा मनदा पग़वोर इनजोर मीट पुतिर. मीट नाळेम आयमाटु. साट्याल कबस्क केवालोर, बोमान मोळ्कवालोर, दुस्रोराङ मुतेस्किन कवालोर, मुजोन विळ्सिसि दुस्रोन कवयनद आंचाळि, आंचाळ-कोय्तोना लेह्‌का कोय्तोग़ कोय्तोना संगे उंजवालोरु,

1 कुरिंततोर 6:9 Referans Kwoze

1 कुरिंततोर 6:10

कलेर, लालुस मन्कलोर, कल लोटिर, कदर रेहतनव पोल्‍लोङ वळ्ह्‌कवालोर, नाळेह कीस तिनवालोरु, वेर सबेटोर देवुळि राजेम कीयनगा मनदा पग़वोर.

तोहचीतव पोल्‍लोङ 22:15

मति देवुळताङ पोल्‍लोन पास्कवालोरु, ओदेङ पंडवालोरु, साट्याल कबळ केवालोरु, हव्कवालोरु, पेन-बोमान मोळ्कवालोरु, जोल पोल्‍लोङ कीयलाह गिर्दा आसि मनवालोर सबेटोरु, अद सहरता लोप्पा ओळिय पग़वोर.

तोहचीतव पोल्‍लोङ 21:8

मति रेयवालोर मन्कलोरु, विस्वस विळ्सतोरु, करब बुदतोरु, हव्कवालोरु, साट्याल कबळ केवालोरु, ओदेङ पंडवालोरु, पेन-बोमान मोळ्कवालोरु, सबेटोर जोलहालोरु, नना ईयनविन दोर्किह केवोर. मळ्गनद किसबटि ओरा तूस आयग़ा. इदे पयाडा हामुर मन्ह्‌ता,” इता.

1 कुरिंततोर 5:10

इतेके साट्याल कबळ केवालोर, लालुस मन्कलोर, नाळेह कीस तिनवालोर, बोमान मोळ्कवालोरा संगे कलियनद आयो इन्जि, इद दुनियातोर पापम केवालोरा लोप्पा रासोन. अह मतेके मीक इद बूमतुन विळ्सिसि, बेकेयो दुस्रा बूमतेके दाया पोस मनालि.

इब्रितोर 13:4

देवुळि सबे रीतिनाङ सिंड्रि-साट्याल कबस्क केवालोरिन नेयम कीयग़ा. अदिनेनाह्‌क मुते-मुजो देवुळता मुनेह किरिया कीतपु, ऐंगेन सेतेमते मनदना गावले.

रोम सहरतोर 1:18

(किर्स्तुना बेसता कबुर सबेटोरिह्‌के गर्ज मन्ह्‌ता.) बह इतेके, देवुळतुन सीता केवोर लाग्वोरु बह कीस्तोर, तमा लाग्वा बुदते सेतेमतुन मिसिह्‌तोर. अद्रमतोरा पोग़ोन देवुळि पका ओङ आसि, देवुळदीपताह तना सिक्सा अर्हचीयग़ा इन्जि, तोहतलाह आता.

इब्रितोर 12:14

दुस्रोर मन्कलोरा संगे कलियिस मनदलाह ऊळाट. देवुळतेनाह्‌क पवित्रते पिसलाह ऊळाट. अद्रम पिसवोग़ बोग़े देवुळता एरे दाया पग़वोग़.

1 कुरिंततोर 15:50

मावोर विस्वसिरिर! इदे पोल्‍लो वेहतलाह आतन: मन्कना लावतद मावा मेंदुलि, देवुळ राजेम ताकिह कीयनगा मनदा पग़वो. इतेके कळियनद मेंदुलि, कळियवदिनगा मनदा पग़वो.

1 कुरिंततोर 15:33

अद्रम इनवालोरिन मीक नाळेह कीयलाह एमाटु. लाग्वोरा संगे गोत आतेके, देवुळतुह्‌क विचर वानाह, ओर मीक पिसलाह एवोर.

1 कुरिंततोर 3:16

मीट विस्वसिरा मुडगा देवुळता जीवा जागा आस्ता इतेके, मीट देवुळता मंदिर आंदिर. इद पोल्‍लोतुन पुनविरा?

इब्रितोर 12:16

इसकना मग़ि एसाना लेह्‌कान बोग़े साट्याल कबळ केमाकेग़, अहे देवुळतुन मुर्तिय सीता केवप मनमाकेग़. ओग़ तनगा मनदनद माळा मग़ना अदिकरतुन सीता केवा, उंद पूटाता गुग्रानेनाह्‌क, अद अदिकरतुन तनतमिह्‌क वमिसीतोग़.

मत्याल 25:34

“अस्के नना नावा तिनळतोर सेतेमतोरिन इनदकन, ‘ओ नावा बाबाल देय्वा ईता लोकुरिर, बूम पुटटग्डाहि ओग़ मियेनाह्‌क इन्जि, बेद राजेमतुन ओप्पे कीस तासतोग़, अद राजेमता अदिकर मीट वासि एनाटु.

1 कुरिंततोर 5:1

इंजेके ओसो उंद पोल्‍लो तेहतह्‌नन: मियगा बोग़ो मति मन्कल साट्याल कबळ कीस्तोग़ इनजोर, निटम केंज वायलाह आता. ओग़ तना तपे ततद आंचान तासतोग़ अले! देवुळतुन पुनवोरिह्‌क वने, इद्रमता कबळ मुर्तिय ओप्पो.

याकुब 1:16

मावोर विस्वसिरिर! मीट इद्रमलेह्‌का देवुळता तप तोहचि, नाळेम आयमाटु.

1 कुरिंततोर 9:24

कग़्सनगा वेल्‍लाटोर मन्कलोर कग़्सलाहि दास्तोर, मति गेल्सवाह्‌के इनम दोर्किह्‌ता इनजोर पुतिर. मीट वने देवुळताहि इनम एतना लेह्‌कान पिसाट.

मत्याल 19:29

ओसो बोर नयेनाह्‌क तमा लोन-दुवरतुन, दादाल-तमोनु, एलाळ-बायिनु, तलोग़-तपेनु, पिलाङ-पेकोरिन, जागा-बूमतुन, कतम विळ्सिह्‌तोर, ओरिह्‌कु देवुळि लेकालेवा सम्सरम ईयग़ा, अचोने आयो मति ओसो अमेसाता पिसमुळ वने ईयग़ा.

बळयिर 24:25

अस्के देवुळता सेतेमते बेद्रम ताकना, मेंदुदा उळ्बेतुन बेद्रम आव्रे कीयना, देवुळ आक्रिते दुनियामेटोरा नेयम बेद्रम कीयग़ा, इव पोल्‍लोन पोलु वेहतोग़. पया इव पोल्‍लोङ केंजिस, पेलिक्स पकाय रेयिस पोलुन इतोग़, “इंजेके आस्ता, निमा अन, नाक पुर्सत दोर्कतेक, अचोन नीक केयकन” इनजोर, ओन लोहतोग़.

लूकाल 21:8

येसु ओरिन इतोग़, “मीक बोग़ाय नाळेह कीयना आयो इनजोर उसरते मन्ह्‌टु. वेल्‍लाटोर नावा पेदिर पोस वासि, नना देवुळ लोहतोनन, इंजेकेन कगो एवता इनजोर इनदनुर. ओरा पेग़्के बह अनमाटु.

बळयिर 20:32

“इंजेके नना मीकु देवुळता कयदे विळ्सिस ईय्ह्‌नन. ताना दयाता पोल्‍लोतुन सीता कीसोर मन्ह्‌टु. अद्रम सीता कीतेके, अद मीवा विस्वसतुन बेर्सिह कीसोर दायग़ा. ओसो बेद बर्कत देवुळि तना पवित्र लोकुरेनाह्‌क तासतद मन्ह्‌ता, अद बर्कत मीक दोर्कग़ा.

1 कुरिंततोर 5:11

आयो, (सीटटे नना विस्वसिरा मुडोराये लोप्पा रासतन.) बोग़ाय विस्वसिनन इन्जि, साट्याल कबळ कीतेक, लालुस कीतेके, बोमान मोळ्कतेके, कदर रेहतनव पोल्‍लोङ वळ्ह्‌कवाल मतेके, कल लोटि मतेके, नाळेह कीस तिनवाल मतेके, ओना संगे कलियमाट. ओसो ओना संगे तिनदना-उनडना वने केमाट इनजोर वेहतन.

1 कुरिंततोर 6:18

देवुळि मियगा तना जीवातुन उदिह कीता, अद जीवा मियगा मन्ह्‌ता, पुनविरा? अद जीवा मनदनद मंदिर मीवा मेंदुलि. देवुळता मग़ि मियेनाह्‌क तना जीवा ईयलाह वातोग़, अचोटा कर्सा ईसि देवुळि मीक असता. इतेके मीवा मेंदुलि इंजेके मीवा कुदता आयो, इव सबे पोल्‍लोन माग़्ङमाट! अदिह्‌क साट्याल कबळतग्डाह जेक मन्ह्‌टु. बोग़ाय मन्कल तना कीतव सबे पापि कबस्कु, मेंदुदा पलते कीस्तोग़. मति साट्याल कबळता पापम कीतेके, तनाय मेंदुदा विरुदते पापम कीस्तोग़. इव सबे पोल्‍लोनेनाह्‌क, मेंदुलते बाताल बाताल कीकिर, अव सबे देवुळतुह्‌क मान दोर्कनाह कीम्ह्‌टु.

2 कुरिंततोर 12:21

ओसो इद्रम वने रेयतन: मियग्डोर विस्वसिर उच्वुर, ओर्विह्‌क-ओर्वोग़ साट्याल कबस्क, लजालेवा करब कबस्क, इद्रमता पापम कींदुर. ओर तमा पापमता अग़दाहि मलवदिन ऊळिसि, नाक दुकम आनाह आयो बहा; इद्रम नावा देवुळि नाक मीवा मुनेह, लजा वानाह केवो बहा इनजोर रेयतन.

गलातितोर 6:7

ओसो मीट नाळेम आयमाटु. देवुळि मावाङ कबस्किन ऊळो, नेयम केवो इन्जि, देवुळतुन बोग़े नाळेह कीया पग़वोग़. इतेके मीट बेव वीतिह्‌निर, अविने कोयकिर.

कुलुसितोर 3:5

मावा पिसमुळ किर्स्तुनगाने मनाह्‌कु, इद बूमताङ विचर्किन हव्किस पोहाटु: इतेके साट्याल कबळ, साट्याल बुदि, लाग्वाङ विचर्क, लालुस कीयना. बेदिनेनाह्‌क मीवा लालुस मन्ह्‌ता, अदिने मीट मोळ्किह्‌निर.

1 योहन 3:7

ए पेकोरिर! बोरिने मीक नाळेह कीयलाह एमाटु. बोग़ु सेतेमताङ कबस्क कीसोर ताकिह्‌तोग़, ओग़ु किर्स्तुना लेह्‌का सेतेमतोग़ आंदोग़.